1 KORINTU 13:2 - KARÚK-PËRIM KAWALU Nouveau Testament

² Ŋal ka tsij utseend pa pëleents u meaatsa wi, a me bëlieng ngëtsaag ngan doots ngi meaa, a meend ngëko bëlieng; ŋal ka tsij uwak awiak pa pëkikës ngëntunda, maa uci n kaats bëŋal, in di ka n ci ko.

1 KORINTU 13:2 ပူးပေါင်းရင်းမြစ်များ

MATEU 13:11

A Yeesu yank bukul aja: “Par ind, nda wëla pëme ngi pësien batsi, ngandoots ngunk mea. Maa bukul, bu wëlaatsa pëme ngul.

MATEU 17:20

A Yeesu yankës bukul, aja: “Aci uleka bi nda tienkëts bi uwak. Mán leents ind ucär: Uci nda ka uwak u liing wi ni pëbuk bëmutaar ndë yëlan pë ja untunda wi ‘Pënan tsi këtsëp ran,’ din u pën. Nda rits ka nin ko, wi nda rits wi ka yëlan përo.

MATEU 21:19

Tsi kambaŋ bëga, a na win bëlon bufíigu, a na tsëp awok bul; maa winats ko di bul, aci ito ijënts. A na ja bul: “M katse kë buk yaas!” Ucar umënts wun a bëko kay.

MATEU 21:21

A Yeesu yank bukul, aja: “Mán leents ind ucär: Uci nda ka uwak a nda tsijënats ngëwejats ngëtëb, cits undola wink bufíigu bi wi ndë yëlan wun përo rin; maa ŋal ndë ja untunda wi: ‘dëtaan kë yër di bërëk,’ u roaa bi nda ja bi.

NGËRO 13:1

Di Ngëriisia Antiookia, aka rul bayëlia, ni bajukan: aci Barnabas, ni Simeon ni ka n jakee buts Niger, ni Lusiu kanpënë-ni Sireeni, ni Manayen, nan kusee tsëloole ni Eroodis nasien kajara Galileeya, ni Sol.

ROOMA 11:25

Batsaar ni nji, nji n ŋalats ind pëpaaŋ un doots wink mea, pa ind përits tsu iyeen ind pëci bameko: katamb-uwaas abi tsi balon bañaan Israel, te uwal wi ban cits biki Bajudeu niaji wi bëlieng aba.

ROOMA 15:14

Batsaar ni nji, nji bërierin man niiran nda cum ni karo-uwar, a nda cum ni ume un ci wi-ba këci, pa ind puu tseendëlar ibats.

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

1 KORINTU 11:4

Niints nan ci ba këci tsi bëñaan, oo tsi pëleents ngi keen ci ngi, a na kul been, në kawaran nan ci-unk beenul.

1 KORINTU 12:28

Di Ngëriisia, Nasien-batsi atsu balon pëci bapostolu ucak; utëbantsan, bayëlia; uwaajantsan, bajukan; a uu ba, baro bawitsa; a uu ba, ban ka biki ngëtseend pa pëyësan, ni batsënk, ni ba tsijëna, ni bañakan mleents ngëtsooŋ.

1 KORINTU 13:1

Ŋal koo n ñakan mleents bañaan-bajin, ni ngi ngëwaanju, maa uci n kaats bëŋal ka ci pi pëfeeru ka cajës pun, oo pi usiinu ka las wun.

1 KORINTU 13:3

Ŋal ka fa baranj bëka nji bëlieng; ŋal ka wël uliaf nji bërierin pa u tëraa, maa uci n kaats bëŋal, ko wan di ka kaarin bëkat.

1 KORINTU 13:8

Bëŋal di ka ba yaas. Maa uci kaleents nga meaatsa ngi ci, kee ka ba. Uci mleents ci, kee nga paaraar. A uci ume ci, kee u ba,

1 KORINTU 14:29

Tsi uleka bayëlia, batëb oo bawaants koo ñakan, bacints kë wejatsar ko wi ba ci wi tsi pëja.

1 KORINTU 14:39

Bi u ci bank batsaar ni nji, nda tambandari tsi pëtsas utseend pëleents u meaatsa wi, te ind tsë laaŋ mleents ngëtsooŋ pëñakana.

1 KORINTU 14:4

Ni ka ñakani mleents ngëtsooŋ, beenul bërierul bi nu liincan bun, maa ni ka leentsi u meaatsa wi, ka liinc-liincan Ngëriisia.

1 KORINTU 15:51

Nda teenan-e, má leents ind ulon ko un doots wi meaa: Cits n ja bëlieng ka cäts bukun, maa n ja bëlieng nja ka witsësaa bënaam,

1 KORINTU 16:22

Uci ñaan ŋalats Ajug, na ciin tsi ujuatsal. Maranata!

1 KORINTU 4:1

Unk, bañaan aka pëtsu nja pëci baleemp Këristu, ni pëci ban gaangana biki ngi Nasien-batsi ngandoots ngi meaa.

1 KORINTU 7:19

Kambac bërier kul cits ulon ko, maa ko u wara wi, aci pëmob tsi utsua Nasien-batsi.

1 KORINTU 8:4

Tsi uleka kare ngëko nga n jakana ngi tsi icap, ngë me ne, pëcap bërier pul cits ko tsi umundu, a ngë me Nasien-batsi nalon cits, ucits ba naloole rin.

2 KORINTU 12:11

Man duka n ci nafuur, maa ind tsuin bukun pëci ank. Ind ro bukun ka pëbëndanin, par ŋal bi n cits bi ko, in kaats ko wi n peena wi pëci naties tsi ba n jaka bukunk bapostolu bawiak mak.

GALAASIA 5:16

Maa, ma nja: Nda yandaari ni Uwejats Nasien-batsi, unk nda katse koo fets ngëko ngi uliaf ind kërí ngi.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

GALAASIA 6:3

Par, uci ñaan wejats pëja ne aci ulon ko, nul nan citsi ko, aci tsi pëfäl beenul.

EFEESU 3:4

Ulayir ind yul, ndë yëlan pëme uwar balipal nji, tsi wi Këristu undoots wi mea.

EFEESU 6:19

Nda ñaanarin buts, pa përim pëwëlain uwal wi ndu n waaban wi mtum, pa pëpiban tsi bëyeentsal undoots wi mea tsi Upetsan-uwar,

KOLOS 1:26

Aci-un doots wunk mea a u bekaa aro ngëwal ni ngëraan, maa inkri, a u pibanaa bayiicul bayëman.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

1 JOŊ 4:8

Ñaan nan kaatsi bëŋal, meets Nasien-batsi, par Nasien-batsi aci bëŋal.