1 KORINTU 13:13 - KARÚK-PËRIM KAWALU Nouveau Testament

¹³ Par inkri ngëko ngëwaants ngi ruka ngun: uwak, uwats, ni bëŋal; maa un pe wi pëci uwiak tsi ngul, aci bëŋal.

1 KORINTU 13:13 ပူးပေါင်းရင်းမြစ်များ

LÚKAS 10:27

Najukan-ulua yankul, aja: “Kë ŋal Ajug, Nasien-batsiu, tsi uwaasu bëlieng, ni tsi uyëlanu bëlieng, ni tsi uwejatsu bëlieng; kë ŋaland acintsu, pi m ŋal pi beenu.”

LÚKAS 22:32

Maa nji, man ñaandaru, pa uwaku tsë niaman. A wi, uwal wi m kaki wi, kë liinc-liincan ban tsaar biki ni wi.”

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

1 KORINTU 14:1

Nda fetsan bëŋal, ndë liincandar tsi pëtsas ngëtseend Uwejats, maa pëpeena utseend pëleents nga meaatsa ngi.

1 KORINTU 16:14

Ngëko ngi nduu ro ngi bëlieng, nga rolaan ni bëŋal.

1 KORINTU 3:14

Uci uleemp wi ñaan leemp wi tsi ruets ujuundi wam, ñaan namënts un ka yank bëluk.

1 KORINTU 8:1

Tsi uleka ngëko nga n jakana ngi tsi icap, ngë me ne n ja bëlieng ngë ci bajug-ume. Ume ka tsiji kariang-been, maa bëŋal ka natsan bun.

1 KORINTU 8:3

Maa uci ñaan ŋal Nasien-batsi, Nasien-batsi ka meul.

2 KORINTU 5:10

Par nja bëlieng, ngë ka pëband di tsëko Këristu tsi kawat-pëleents, pa nan ci, në yank bëluk ko wi na ro wi, uwal wi na wama wi ci tsi uliaf wi; u ci ank uwar, oo u waraatsa wi.

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

FILIIPUS 1:9

A bëñaan nji ci bun bi: Bëŋal ind ba pelëki, buu pe këpe, tsi ume ni tsi buwinal,

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 1:5

Uwak umënts wun, ni bëŋal bëmënts bun apënë-ni tsi uwats un gaanga wi pa ind di batsi. Nda te ba uleka uwats umënts wun tsi përim ucär; pul ci pun Upetsan-uwar

KOLOS 3:14

A tsi ruets ngëmënts ngan bëlieng, nda tiemaan bëŋal, un ci wi, ko wi ka mobulan wi ngul bëlieng tsi pëba pëwara.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 5:8

Maa n ja ban ci biki biki pënak, nda ju ngë ci baliingëlën-ko, ngë waa kaŋí-ukam kakundëni bëjinc, ki uwak ni bëŋal, nja ka wura kaŋí-ukam kakundëni been, ki uwats pëbuer.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

2 TIMOTEU 1:7

Par, cits uwejats bëlal wi Nasien-batsi wël nja wun, maa uwejats kayëlan-ko, ni bëŋal, ni butsëkal.

BAYEBËREU 10:35

Bi u ci bank, ind tsë wëtan ko wi nda fiaar wi; wul aci bëluk bëwiak.

BAYEBËREU 10:39

Maa n ja, ngë bofats tsi kafats ufets pa pëniam, maa ngë bof tsi uwak pa ngëwaas buer.

BAYEBËREU 6:11

Wund aŋal u roon, kara ñaan tsi ind, nuu piban kabaar-ibats kamënts kun te tsi utuami, pa pëtsu uwats ind u baar pëci ko un ci wi.

BAYEBËREU 6:19

Uwats umënts wun, ngë tsij wul pi kasëtsi ubiira ka wakan ki, a ka liincand. Wul, ka niaj u par uridu,

1 PER 1:21

A tsi nul, tsi nda wakëna tsun Nasien-batsi, nul na natsaniuli di bacäts, a na wëlul përëmb, pa uwak ind ni uwats ind pëciina tsi Nasien-batsi.

1 JOŊ 2:10

Ñaan na ŋali ni ba tsaari, amob tsi pëci tsi ufac, a kaats ko tsi nul wi kan tsu wi ñaan na yër.

1 JOŊ 2:14

Upats uties, man picari ind, par nda me Asin. Basin upäts, man picari ind, par nda me na ci wunk ki ujuundi. Batsasa, man picari ind, par nda tsij uyëlan, a përim Nasien-batsi mob tsi pëci di ind, a nda gaañaar Naro-ngëko-kawaraatsa.

1 JOŊ 2:24

Ko wi nda te wunk ki ujuundi, u moban tsi pëci di ind. Uci ko wi nda te wunk ki ujuundi mob tsi pëci di ind, ndë mob buts tsi pëci di Abuk ni di Asin.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.

1 JOŊ 3:9

Ñaan nan bukee ba këbuka tsi Nasien-batsi, di ka mob tsi përo ujuban, par pëcapi Nasien-batsi amob tsi pëci di nul; di ka yëlan pëci tsi ujuban, par abëka tsi Nasien-batsi.