1 KORINTU 13:1 - KARÚK-PËRIM KAWALU Nouveau Testament

¹ Ŋal koo n ñakan mleents bañaan-bajin, ni ngi ngëwaanju, maa uci n kaats bëŋal ka ci pi pëfeeru ka cajës pun, oo pi usiinu ka las wun.

1 KORINTU 13:1 ပူးပေါင်းရင်းမြစ်များ

MATEU 25:45

Din, në yank bukul na ja: ‘Mán leents ind ucär: Ko wi nda roorats wi ba naloole tsi ban pe bikink pëci baties, tsi ban tsaar biki ni nji, nji ni nda roorats un.’

MARKU 16:17

A ngëpibanaani ngi, ka ci ngun ni ba Uwak biki: Tsi katim nji, bu koo ruak ngëcaay, bu koo ñakan mleents mwalu,

ROOMA 14:15

Par uci-undo kare-ko a m tsu ni nda tsaari a na juatsan, ande m katse m yandaar tsi bëŋal mantsaalar. Cäts tsu ni Këristu cätsari undoul na niam, tsi undo kare-ko.

1 KORINTU 12:10

u wël nalon përo ngëko bawitsa; u wël nacints pëleents nga meaatsa ngi; u wël nalon kak pëyëkëran ngëkoraar ngëwejats; u wël nacints kak pëñakan ngëkoraar mleents; a nalon, u wëlul pëpaci ko wi mleents ja wi.

1 KORINTU 12:16

A uci kabats ja: “Bi n cits bink pëkës, nji n bofats tsi uliaf;” ko wan di ka laaŋ kul pëbof tsi uliaf.

1 KORINTU 12:8

Par Uwejats, ka wël nalon përim kameko; Uwejats uloole umënts wun ka wël nacints përim ume;

1 KORINTU 13:8

Bëŋal di ka ba yaas. Maa uci kaleents nga meaatsa ngi ci, kee ka ba. Uci mleents ci, kee nga paaraar. A uci ume ci, kee u ba,

1 KORINTU 14:2

Par ni ka ñakani mleents ngëtsooŋ, ñakanaanats bañaan, maa añakanaan Nasien-batsi, par ñaan di ka me ko wi nuu ja wi, a tsi uwejats nuu ñakan ngandoots ngi meaa.

1 KORINTU 14:4

Ni ka ñakani mleents ngëtsooŋ, beenul bërierul bi nu liincan bun, maa ni ka leentsi u meaatsa wi, ka liinc-liincan Ngëriisia.

1 KORINTU 14:5

Nji man do ŋal ind bëlieng puu ñakan mleents ngëtsooŋ, maa man pe pëŋal ind puu leentsi nga meaatsa ngi; par ni ka leentsi u meaatsa wi, ape ni ka ñakani mleents ngëtsooŋ, uroko uci nuu pac irim i nuu ñakan yi, pa pëliinc-liincan Ngëriisia.

1 KORINTU 8:1

Tsi uleka ngëko nga n jakana ngi tsi icap, ngë me ne n ja bëlieng ngë ci bajug-ume. Ume ka tsiji kariang-been, maa bëŋal ka natsan bun.

2 KORINTU 12:4

maa, nul ajeja atsëpaanda te di tsëko-ngëlílal, a na te irim i yëlaatsa yi pëja, yi ñaan-najin niiranaatsa yi pëleents.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

1 PER 4:8

A tsi ruets ngëko ngan bëlieng, nda tambandari bërier ind pëŋalëlar, par bëŋal ka kund ngëjuban ngëcumal mak.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

UPIBAN 14:2

A n te përim pëni di batsi, pi uleentsar mlik mcum, pi uleentsar kampalambamb kawiak. Përim pi n te pi, anaam unk balas incuundu ka las bukun incuundu bukul.