1 KORINTU 10:13 - KARÚK-PËRIM KAWALU Nouveau Testament

¹³ Mteen-teenana di ka baandë-ni ind, ucits ba mi kan baandë-ni mi bañaan-bajin; maa Nasien-batsi aci na mobi tsi përim, a di ka niiran ind pëteen-teenana pëpean ko wi nda yëlan wi. Maa tsi uwal mteen-teenana, në wël buts bëga bëbuërëni, pa ind pëyëlan mul.

1 KORINTU 10:13 ပူးပေါင်းရင်းမြစ်များ

MATEU 6:13

Tsë wët wund, wund yër tsi mteen-teenana; maa buerani wund tsi kañan nakaalam. Par pësien aci piicu, ni ufosa ni përëmb, pa sandëndën. Ameen!

LÚKAS 11:4

Jampësan wund ngëjuban wund, par wund bërier wund, aja ñaan lac wund, wund ka jampësaul. Tsë tsu wund tsi pëteen-teenana.” [Maa buërani wund tsi kañan Ujuatsal.]

LÚKAS 16:26

Te, baar bëwiak atsua, pëpën tsi wund pëya di ind, pa ba ŋal biki pëpën tsi pëya di ind, bë ri ka yëlan, nin pëpëni run pëbi tsi wund.’

LÚKAS 22:46

A na ja bukul: “We! Nda ŋooy-a? Nda natsaan, nda ñaanan, pa nda rits yër tsi kafal.”

NGËRO 27:44

A na tsu buts ban duka bukunk, ba mob tsi itagëba, balon ka mob tsi ifálësar bëntsian. Unk ri bañaan bëër run bëlieng a ba band kankay.

1 KORINTU 1:9

Nasien-batsi, aci na mobi tsi përim, nul nan duuri indi manteelar ni Abukul Yeesu Këristu, Ajug nja.

2 KORINTU 1:10

Nul bueran wund un tsi pëcäts pëmënts pi, ka bueran wund un kak; nul ni wund watsaraan un, ka bueran wund un.

1 TESALONIKA 5:24

Nandui ind unk aci na mobi tsi përim; a nul kee ro un wul.

2 TESALONIKA 3:3

Maa Ajug aci namob tsi përim; ka liincan ind, në waay ind tsi uleka Naro-ngëko-kawaraatsa.

2 TIMOTEU 4:18

Ajug ka pënanin tsi ko un ci wi-ba këci u waraatsa wi, në bueranin pa pësienul pi batsi. Përëmb pa ciin pa nul, pa sandëndën. Ameen!

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 11:11

Undo uwak ka wun Saara yank pëyëlan pëci nambukari, ŋal bi ngëwaanul par bi; par awejats aja, na watsanuli aci namob-tsi-përim.

BAYEBËREU 12:4

Tsi ukam wi nda ci wi tsi pëkaman ujuban, nda netse liincandar te pëñaak ind tulaa,

BAYEBËREU 6:18

Unk, tsi ngëko ngëtëb ngan yëlanats ngi pëbutanaa, ngan yëlanats ngi pëjaa Nasien-batsi atsup tsi ngul, nja ka liinc-liincana ngëwaas mak, n ja ban túki biki pii mob pëliincan uwats un tsua wunk tsi bërun.

1 PER 4:19

Wul ka wun, biki kan do biki uwar, a bu kë noor tsi undo uŋal Nasien-batsi, ba tsuun ngëwaas bukul tsi Naleemp ngëko bëlieng, nul namob tsi përim.

2 PER 2:9

Ko wi, apiban nja Ajug yël përand balënk-nasien-batsi mteenamana, ni pëwët ba mabats biki tsi unoor, te Unu kawat-pëleents.

1 JOŊ 1:9

Uci ngë pets ngëjuban nja nul aci na mobi tsi përim, a na ci namabal; në jampësa nja ngë juban, në jëntsan nja tsi kamabats kan ci ki-ba këci.

UPIBAN 19:11

Din a n win batsi waantsar; a n win umpëlënc ufaacal, a nan dijee wul kë jaka, “Namob tsi përim ni Nacar.” Aja na roon, nuu wat pëleents ni bëmabal, nuu kaman ni bëmabal.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 3:10

Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.