1 KORINTU 1:9 - KARÚK-PËRIM KAWALU Nouveau Testament

⁹ Nasien-batsi, aci na mobi tsi përim, nul nan duuri indi manteelar ni Abukul Yeesu Këristu, Ajug nja.

1 KORINTU 1:9 ပူးပေါင်းရင်းမြစ်များ

MATEU 24:35

Batsi ni utsia ka par, maa irim nji di ka par yaas.

KAKÚRAN-KAWAR YEESU KRISTU BI JOŊ LEENŢ BI KUL AJA 17:21

pa bukul bëlieng pëci baloole, bi m ci bi di nji, Paapa, a n ci di wi, bukul buts bu ka ci di nja. Unk, pa bañaan umundu pëfiaar u ci wi yëliin un.

ROOMA 11:17

Maa uci ilon ina cëtaa, a wi nan ci buoliwa bëreeŋ, a m kabana tsi pëlas iyul, a m duka m bof tsi ibuul bul ni tsi pëñaak bul,

ROOMA 8:28

Nja ngë me ne, ngëko bëlieng abof uleemp pa uwar ba ŋal biki Nasien-batsi; ban duee biki tsi uŋalul.

ROOMA 8:30

A biki na car biki ayecis, na rui buts bukul; a biki na rui biki, na tsu buts bukul bamabal; a biki na tsu biki bamabal, na rëmban buts bukul.

ROOMA 9:24

un ci wi, nja biki na rui biki buts, te cits tsi pëncuaf Bajudeu rin, maa tsi pëncuaf bañaan ban cits biki Bajudeu buts.

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

1 KORINTU 10:13

Mteen-teenana di ka baandë-ni ind, ucits ba mi kan baandë-ni mi bañaan-bajin; maa Nasien-batsi aci na mobi tsi përim, a di ka niiran ind pëteen-teenana pëpean ko wi nda yëlan wi. Maa tsi uwal mteen-teenana, në wël buts bëga bëbuërëni, pa ind pëyëlan mul.

1 KORINTU 10:16

Ane karaani bëbeenir ki ngë beenir ki, cits kambof tsi pëñaak Këristu-a? A upom wi ngë tawës wi, cits kambof tsi uliaf Këristu-a?

2 KORINTU 1:18

Maa Nasien-batsi aci namabal, përim wund pa ind cits pëja Eey-e ni an-a.

GALAASIA 1:15

Maa bi u líl bi Nasien-batsi, nul nan patsanini ki wam ki di pëpës anin nji, a na ruin tsi bëtseendul,

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

EFEESU 3:6

A wul, undoots wi mea ci wun wi: tsi Upetsan-uwar, ban cits biki Bajudeu abof tsi bërukanda bëloole bun, a ba bof tsi uliaf uloole wun, ni uwatsana uloole wun tsi Këristu.

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

2 TESALONIKA 2:14

Undo ko umënts wun, a na ruuni ind Upetsan-uwar wund, ind pëbof tsi përëmb Ajug nja Yeesu Këristu.

2 TESALONIKA 3:3

Maa Ajug aci namob tsi përim; ka liincan ind, në waay ind tsi uleka Naro-ngëko-kawaraatsa.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

2 TIMOTEU 2:13

uci ngë mobats tsi uwak, nul në mob tsi uwak, par yëlanats pëwëtan përimul.

TIITU 1:2

aci uwak ni ume, ngan ciina ngi tsi uwats ubiira un dits wi ka ba, wi Nasien-batsi kandi-katsup watsan wi bañaan, te ngëwal netse ro ci.

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 11:11

Undo uwak ka wun Saara yank pëyëlan pëci nambukari, ŋal bi ngëwaanul par bi; par awejats aja, na watsanuli aci namob-tsi-përim.

BAYEBËREU 2:17

Wul ka wun na ka na roon, tsi ko un ci wi-ba këci, në ci pi batsaar ni nul. Unk në ruka ci nan pei pëci nawiak-bajakan na yëki ipës a na moband tsi ngi Nasien-batsi, në tsiji pëjampësaa ngëjuban bañaan-ucaak.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 6:18

Unk, tsi ngëko ngëtëb ngan yëlanats ngi pëbutanaa, ngan yëlanats ngi pëjaa Nasien-batsi atsup tsi ngul, nja ka liinc-liincana ngëwaas mak, n ja ban túki biki pii mob pëliincan uwats un tsua wunk tsi bërun.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.

1 JOŊ 1:7

Maa uci ngë yandaar tsi ufac bi na ci bi tsi ufac, nja ka ci tsi manteelar tsi ngë ci tsi, din pëñaak Yeesu, Abukul, ka jëntsan nja ujuban un ci wi-ba këci.

1 JOŊ 4:13

Tsi ko wi, tsi ngë meena tsun ngë mob tsi pëci di Nasien-batsi, a nul na mob tsi pëci di nja: bi na wël nja bi Uwejatsul.

UPIBAN 19:11

Din a n win batsi waantsar; a n win umpëlënc ufaacal, a nan dijee wul kë jaka, “Namob tsi përim ni Nacar.” Aja na roon, nuu wat pëleents ni bëmabal, nuu kaman ni bëmabal.