1 KORINTU 1:6 - KARÚK-PËRIM KAWALU Nouveau Testament

⁶ Unk di bëci Këristu pibana run di ind,

1 KORINTU 1:6 ပူးပေါင်းရင်းမြစ်များ

MARKU 16:20

A bafetsul tsëp ee ka leents Upetsan-uwar di ngëleka bëlieng. Ajug kë leemp ni bukul; a tsi ngëpibanaani ngan ci ngi tsi përolaa, a nuu piban përim baaraan pëci.

NGËRO 11:17

Par, uci Nasien-batsi wël bukul utseend uloole wi na wëlnjawunk, n ja ba uwak biki tsi Yeesu Këristu, Ajug, nji man ci yën pa pëjaa man totëlar ni Nasien-batsi?”

NGËRO 11:21

Kañan Ajug ci ni bukul, a bacumal wak, ba witsësa pa Ajug.

NGËRO 18:5

Bi Silas ni Timoteu pëni bi Masedoonia abaandi, Pol baar tsi kaleents-përim a nuu piban Bajudeu u ci Yeesu ci-un Këristu.

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 20:24

Maa, nji n tsuuts ubiira nji ko un ka wi bëkat, uci pëjaa man túk pëtuk nji uwar, a n do uwar uleemp wi Yeesu, Ajug, wëlin wi përo, nji pëci naleents Upetsan-uwar, uleka bëtseend Nasien-batsi.

NGËRO 22:18

a n win Ajug, na jain: ‘Caran, pënan di Jerusalem ucar, par bë ri ka niiran ko wi kë ja wi bukul tsi uleka nji.’

NGËRO 23:11

Tsi bërëm ban neki bi, Ajug pibandar tsi bërun Pol a na ja: “Liincandari! Par, bi m leents bunk uleka nji di Jerusalem, unk di m ka run pëleents buts uleka nji di Rooma.”

NGËRO 28:23

A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

2 KORINTU 12:12

Ngëpibanaani pëci Napostolu arolaa tsi pëncuaf ind, umiira tsi mteenamana man ci mi ba këci, tsi ngëpibanaani tsi ngëko ngan pikra n ngi, ni tsi pëyëlan.

GALAASIA 3:5

Ni ka wël ind unk Uwejats, a nuu roond bawitsa tsi pëncuaf ind, ka ro bawitsa undo nda mob tsi përo ko wi ulua tsu wi, ane undo nda mob tsi pëcikëndën përim uwak-a?

2 TESALONIKA 1:10

Ka bi tsi unu umënts pii rëmbana tsi bañaanul bayëman, ba uwak biki bëlieng ka riangul tsi ngëwaas bukul. Te ind nda bof, par nda wak ko wi wund maatir wi a wund leents ind.

1 TIMOTEU 2:6

nul wël un ubiiraul bërierul pa pëlukëna pëbuer bañaan bëlieng: Ci wun ko u leentsa wi tsi uwal un do wi yecisa ba;

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

UPIBAN 1:2

a Joŋ leents ko wi na win wi ba këwin, un ci wi, përim Nasien-batsi ni ko wi Yeesu Këristu maatir wi a na leents.

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 12:11

Bë kukëna wul pëñaak Ubuk-unkaanel, ni përim pi ba ja pi tsi uleka ko wi ba maatir wi. Bë ŋalats ubiira bukul, te ŋal pëcäts.

UPIBAN 12:17

Din a Uncababaan riabatsar ŋaats namënts un, a u pën atsëp pëkaman banduka bukunk, ban bof biki tsi pëci kajërul, bukul ban ci biki tsi përo ngi Nasien-batsi tsu ngi, a ba mob tsi ko wi Yeesu leents wi.

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”

UPIBAN 6:9

Uwal wi Ubuk-unkaanel wun pënan wi unuek uñanatsan, a tsi utsia bëgij, a n win ngëwaas ban do biki fiŋaa, undo përim Nasien-batsi, ni undo ko wi ba maatir wi a ba mob tsi pëleents wul.