1 KORINTU 1:27 - KARÚK-PËRIM KAWALU Nouveau Testament

²⁷ Maa, Nasien-batsi arat ngëko bëfuur, ngi umundu, pa pëkawaran bameko, a na rat ngëko umundu, ngërafal, pa pëkawaran ngan ka ngi pëyëlan uforsa.

1 KORINTU 1:27 ပူးပေါင်းရင်းမြစ်များ

MATEU 11:25

Tsi uwal umënts wun, a Yeesu ja: “Man bëndanu, Paapa, Ajug batsi ni utsia. Par, m bek ngëko ngëmënts ngi, m lawan ngul bameko ni balipal, a m piban ngul upäts uties.

MATEU 21:16

a ba yeparul aja: “M te aatsum ko wi upäts biki kë ja wi-a?” A Yeesu yankës bukul, aja: “Ee-e! A nda jukats koon këjúk përim pan picana pink-a? ‘M pënanaa-ni ubëndan tsi mtum upäts uties, ni ba wama biki ka buat.’”

MATEU 9:9

Bi Yeesu kë tsëp bi, a na win nalon niints, ka jaka Mateu, atsoar di tsëko bëluk-uraasa; a na jaul: “Fetsin.” A na natsa a na fetsul.

LÚKAS 21:15

Par nji, mán wël ind irim ni kameko, pa nin naloole tsi babër ind tsë yëlan pëliincandër, nin pëpok ni irim.

NGËRO 17:18

A balon bafets bëjukan nameko ni ka n jakee Epikureus, ni bëjukan nalon ni ka n jakee buts Estoikus, ci buts tsi pëtotëlar irim ni nul; a balon yeparul aja: “Natamb uñakan ni, wee na ŋal wun pëja?” Balon kë ja: “Anaam ne, aci naleents irim ngëcaay ngan meaatsa ngi.” Par, Pol aro ka leents Upetsan-uwar tsi uleka Yeesu, ni tsi uleka kanatsee-di-pëcäts.

NGËRO 7:35

Moises namëntsi ni ba ron un bër aja: ‘Yën tsuu un pëci nawiak, ni nawat-pëleents.’ Nul ni Nasien-batsi yël un, na tsuul pëci nawiak ni nabëëran, tsi pëyëlan uwaanju un pibandar wunk tsi bërunul di bëwuul.

NGËRO 7:54

A bu kë te ko wan, a ngëwaas bukul cokee, bu kë ñaamarul irumaj.

1 KORINTU 1:20

Nameko aci tsum-i? Najukan-ulua aci tsum-i? Natsas ngëme umundu wi aci tsum-i? Nasien-batsi tsuuts ink kameko umundu wi ka ci bëfuur-a?

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

1 KORINTU 2:12

Wund, wund yankats uwejats umundu, maa wund yank Uwejats un pënë-ni wi di Nasien-batsi, pa wund pëme ngëko ngi Nasien-batsi wël wund ngi bëlukats.

2 KORINTU 10:10

Par bë ja: “Ngëletarul a tsij pëyëlan ni uyëlan; maa uwal wi na ci wi ni nja di ka ka uyëlan nin përimul kaats bëkat.”

2 KORINTU 4:7

Maa bëka bëmënts bi, ngë tsijëna bul tsi kagíj; a u jëntsi nja pëyëlan pa n jaakaatsa pink aci pi Nasien-batsi, cits píic inja.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.