1 KORINTU 1:18 - KARÚK-PËRIM KAWALU Nouveau Testament

¹⁸ Tsi ucär, përim kruus aci bëfuur pa biki ka niam biki, maa pa n ja ban buer biki, aci pëyëlan Nasien-batsi.

1 KORINTU 1:18 ပူးပေါင်းရင်းမြစ်များ

NGËRO 13:41

‘Nda teenan-e, ind batsuuts-ñaan-ko! Nda pikraan, nda niaman! Par tsi ngënu ind, mándo uleemp, uleemp wi nda rits wi ka fiaar, uci ñaan leents ind.’”

NGËRO 17:18

A balon bafets bëjukan nameko ni ka n jakee Epikureus, ni bëjukan nalon ni ka n jakee buts Estoikus, ci buts tsi pëtotëlar irim ni nul; a balon yeparul aja: “Natamb uñakan ni, wee na ŋal wun pëja?” Balon kë ja: “Anaam ne, aci naleents irim ngëcaay ngan meaatsa ngi.” Par, Pol aro ka leents Upetsan-uwar tsi uleka Yeesu, ni tsi uleka kanatsee-di-pëcäts.

NGËRO 17:32

A bi ba te bi Pol kë ñakan tsi uleka kanatsee bañaan di pëcäts, a balon ci tsi përiatul, maa balon kë ja: “Tsi uleka ko wan, wund kee cikëndënu ulon unu.”

NGËRO 2:47

Bu kë bëndan Nasien-batsi, a bañaan lílandër bukul bëlieng. Uja kara unu, Ajug kë watsës tsi bukul ban buëri biki.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

1 KORINTU 15:2

tsi wul buts tsi nda buerëna tsun, uci nda gaang wul bi n leents ind bi wul; uci nda roots unk ba, uwak ind di ka ka bëkat.

1 KORINTU 2:14

Maa, ñaan-najin di ka niiran ngëko Uwejats Nasien-batsi, par ngul aci bëfuur pa nul; di ka yëlan pëme ngul, par Uwejats ka piban wun ngul.

1 KORINTU 2:2

par man baaraan përits me nin ulon ko tsi pëncuaf ind, ucits ba Yeesu Këristu, nul nan dieŋee di kruus.

1 KORINTU 3:19

Par kameko umundu wi aci bëfuur tsi bërun Nasien-batsi, bi u picana bi aja: “Nasien-batsi ka mobuna bameko tsi karo-bëlipal bukul.”

1 KORINTU 4:10

Wund aci bafuur tsi undo Këristu, maa ind nda ci bameko tsi Këristu; wund aci barafal, maa ind nda ci baka-uyëlan. Ind nda rispitaara, maa wund wund tsuaatsa ko.

2 KORINTU 10:4

Par iŋi i wund kë kamanaan yi, cits i uyamats; maa pëyëlan yul apënë-ni tsi Nasien-batsi, pa pëcok ilënk-iwaayaraani. Wund ka gar-garan ngëtsaag ngan cits ngi ngëcar,

2 KORINTU 4:3

A uci Upetsan-uwar wund wama kunda, akundaa pa biki ka niam biki,

1 TESALONIKA 1:5

Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.

2 TESALONIKA 2:10

Bul, buu roond ngëkoraar manfalar bëlieng tsi kamabats, pëniaman iyeen bukul, par bë niiraants bëŋal ucär din bu ka buerana.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 4:12

Par, përim Nasien-batsi aka ubiira a pa kaand pëyëlan; pul are ape ulaac un de wi ngëjara ngëtëb. Aja pa roon pë niaj te pë kicës uwaas ni uwejats, ngësúk uliaf ni pëluŋ; a pa yëlan pëyëkëran ngi uwaas ciina ngi, ni ngi u wejats ngi.