1 JOŊ 5:9 - KARÚK-PËRIM KAWALU Nouveau Testament

⁹ Uci ngë niiran ko wi bañaan leents wi, ko wi Nasien-batsi leents wi ape pëci uwiak. A ko wi Nasien-batsi leents wi ci wun wi: añakan uleka Abukul.

1 JOŊ 5:9 ပူးပေါင်းရင်းမြစ်များ

MATEU 17:5

Bi na wama bi ka ñakan, a kasa fietsi ee kund bukul. A përim pëni di kasa, a pa ja: “Ni ci-un Abuk nji; ni ŋali, man lílandërul. Nda cikëndëniul!”

KAKÚRAN-KAWAR YEESU KRISTU BI JOŊ LEENŢ BI KUL AJA 10:38

Maa uci n do ngul, ŋal bi nda wakats bi tsi nji, nda wakan tsi nga dola ngi, pa ind pëme, ndë yëkëran Asin nji ci di nji, a n ci di Asin nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:39

Nda ja nda roon nduu tsas tsi Bëpican, par nda wejats pëkaana tsi bul ubiira un dits wi ka ba. Te, bul Bëpican, ci bun tsi pëleents uleka nji.

NGËRO 17:31

Par, atsu unu, wi nu wat wi umundu pëleents tsi bëmabal, tsi niints nalon ni na rati; a na wël bañaan bëlieng upibanaani u ciul, bi na tsuul bi na natsee di bacäts.”

NGËRO 5:32

Wund aci bamaatir ngëko ngi, wund ni Uwejats-ujënts wi Nasien-batsi wël wi baro ko wi na ja wi.”

BAYEBËREU 2:4

A Nasien-batsi kë piban pul tsi ngëpibanaani, ni tsi ngëko ngan pikra n ngi, ni tsi ngëko bawitsa ngan ci ngi ba këci, ni tsi ngëtseend Uwejats-ujënts, ngan faa ngi bi na ŋal bi ja.

BAYEBËREU 6:18

Unk, tsi ngëko ngëtëb ngan yëlanats ngi pëbutanaa, ngan yëlanats ngi pëjaa Nasien-batsi atsup tsi ngul, nja ka liinc-liincana ngëwaas mak, n ja ban túki biki pii mob pëliincan uwats un tsua wunk tsi bërun.

1 JOŊ 5:10

Ñaan na waki tsi Abuk Nasien-batsi, aka ko wi nu leents wi tsi nul. Ñaan na wakatsi tsi Nasien-batsi, në tsuul pëci natsup, par wakats tsi ko wi Nasien-batsi leents wi tsi uleka Abukul.

1 JOŊ 5:8

A ngëwaants leents ngun ko wi tsi utsia:] Uwejats, mlik, ni pëñaak; a ngëwaants ngëmënts ngi baaraan pëloole.