Aci pëyëlan tsi katim Yeesu wël pun niintsi uyëlan; ko wi nda win wink a nda meend, arolaa ni uwak tsi katim Yeesu, par aci uwak tsi katimul yësan wun niintsi tsi bërun ind bëlieng.
Inkri, nja ngë me uci kato ki ngë ciina kink tsi utsia tsi, un ci wi unkundan wi, ka coka, nja ngë ka kato tsi Nasien-batsi; kato ka leempënaatsa ki iñan, kul kan dits ki ka coka, di batsi.
Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.
Upats nji baties, mán picari ind ngëko ngi, pa ind përits juban. Maa uci ñaan bi juban, ngë ka na natsar nja tsi bërun Asin, un ci wi Yeesu Këristu, namabal.
Ñaan na waki tsi Abuk Nasien-batsi, aka ko wi nu leents wi tsi nul. Ñaan na wakatsi tsi Nasien-batsi, në tsuul pëci natsup, par wakats tsi ko wi Nasien-batsi leents wi tsi uleka Abukul.
A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.