1 JOŊ 4:9 - KARÚK-PËRIM KAWALU Nouveau Testament

⁹ Tsi ko wi, tsi bëŋal Nasien-batsi pibanaana tsun di nja: bi na yëli bi Abukul naloole baŋ tsi umundu, pa n ja pëkaana ubiira tsi undoul.

1 JOŊ 4:9 ပူးပေါင်းရင်းမြစ်များ

MARKU 12:6

A na wama rukanda naloole, un ci wi abukul na ŋalee. Tsi utuami, a na yëlul di bukul a na ja: ‘Bu kee rëmban abuk nji.’

LÚKAS 4:18

“Uwejats Ajug aci tsi nji, par aratin pa pëleents baranj, Upetsan-uwar; ayëliin pa pëleents bamoba pëfacana, ni bakuel pëkak pëwin, ni pëwëtan ban tsua biki tsi unoor ba fac,

KAKÚRAN-KAWAR YEESU KRISTU BI JOŊ LEENŢ BI KUL AJA 10:10

Nakiej ka bi pa pëkiej rin, ni pëfiŋ, ni pëcok; maa nji man bi pa bañaan pëka ubiira, ubiira un kës wi.

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 3:16

Par, Nasien-batsi aŋal bañaan umundu mak, a na tsënkëne wël Abukul, naloole baŋ, pa na waki ba këwak tsi nul, di ka niaman, maa në ka ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 3:18

Na waki tsi nul, di ka wata pëleents; maa na wakatsi, awata ba pëleents, par wakats tsi katim Kambuka koorul baŋ, nul Abuk Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 5:23

pa bañaan bëlieng përëmban Abuk bi ba rëmban bi Asin.

KAKÚRAN-KAWAR YEESU KRISTU BI JOŊ LEENŢ BI KUL AJA 6:29

A Yeesu yank bukul aja: “Wi ci wun uleemp Nasien-batsi: ind pëwak tsi ni na yëlii.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:51

Nji n ci-un pëpom ubiira pa pëni punk batsi; uci ñaan de ko tsi pul, në ka ubiira pa sandëndën; a pëpom pi n du n wël pi pa bañaan umundu pëka ubiira, aci uyamats nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:57

Bi Asin nji nan kai ubiira yëliin bink, a nji buts a n kaana ubiira tsi Asin nji, unk buts, ñaan ni n ci barialaul, në ka ubiira tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 8:29

Na yëliini aci ni nji; a wëtatsin n pats koorin; par ma nja n doon ka ro ko u lílul wi.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:42

A Yeesu ja bukul: “Uci Nasien-batsi ro ci Asin ind, ndë ro ŋalin. Par nji, di Nasien-batsi di n pënë-ni run, a n bi. Nji n tsuularats pëbi, maa nul yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 9:3

A Yeesu yank bukul aja: “Cits undo ajuban, te cits undo ban bukul biki ajuban; maa aci-undo uleemp Nasien-batsi pëpibanaa tsi nul.

ROOMA 8:32

Nul na laaŋats Abukul bërierul, maa na wëlul undo n ja bëlieng, a um bi na rits bun ka wël ngëko bëlieng bëlukats, pa n ja ni Abukul?

BAYEBËREU 1:5

Par uwom tsi ngëwaanju, wi Nasien-batsi ja wun ba: “Wi, m ci Abuk nji; nji, ntsari man buku.” A uwom kak wi na ja wun ba: “Nji, mán ci këci Asinu; a wi m ci këci Abuk nji.”

1 JOŊ 3:16

Tsi ko wi, tsi ngë meena tsun bëŋal: Këristu awël ubiiraul pa inja; a ngë ka buts pëwël ngëbiira nja pa biki ngë tsaar biki.

1 JOŊ 4:10

Tsi ko wi, tsi bëŋal ciina tsun: cits pëjaa n ja ŋal bukun Nasien-batsi, maa nul ŋal nja un a na yëli Abukul, pa na ci bëjakan bi kan pënan bi ngëjuban inja.

1 JOŊ 4:16

Nja ngë me bëŋal bi Nasien-batsi ŋal nja bi, a ngë wak tsi bul. Nasien-batsi aci bëŋal. Ñaan na mobi tsi pëci tsi bëŋal, amob tsi pëci di Nasien-batsi, a Nasien-batsi mob tsi pëci di nul.

1 JOŊ 5:11

A ko wi na leents wi ci wun wi: Nasien-batsi awël nja ubiira un dits wi ka ba; a ubiira umënts wi ciina tsi Abukul.

1 JOŊ 5:13

Man picari ind ngëko ngi, ind ba uwak biki tsi katim Abuk Nasien-batsi, pa ind pëme nda ka ubiira un dits wi ka ba.