1 JOŊ 4:7 - KARÚK-PËRIM KAWALU Nouveau Testament

⁷ Bamiñ ba ŋala biki, nda ju ngë ŋalëlar tsi ngë ci tsi, par bëŋal aci bi Nasien-batsi. Ñaan nan kai ba këka bëŋal, abukënaa tsi Nasien-batsi, a na me Nasien-batsi.

1 JOŊ 4:7 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 13:34

Mán wël ind utsua uwalu: Nda ŋalëlari; bi n ŋal ind bunk, nda ŋalëlari buts.

KAKÚRAN-KAWAR YEESU KRISTU BI JOŊ LEENŢ BI KUL AJA 17:3

A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

1 KORINTU 8:3

Maa uci ñaan ŋal Nasien-batsi, Nasien-batsi ka meul.

2 KORINTU 4:6

Par Nasien-batsi na njai: ufac fietsan tsi pëncuaf krëm; a nul bërierul fiets un di ngëwaas nja pa pëwël nja ufac ume përëmb Nasien-batsi tsi urostu Këristu.

GALAASIA 4:9

maa bi nda me bink Nasien-batsi inkri, te aci Nasien-batsi me ind un, um bi nda witsa bun kak di bëro ban daf bi a ba ciind bëra n jal, a nda kaka ŋal pëci baluek bul?

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

2 TIMOTEU 1:7

Par, cits uwejats bëlal wi Nasien-batsi wël nja wun, maa uwejats kayëlan-ko, ni bëŋal, ni butsëkal.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 JOŊ 2:10

Ñaan na ŋali ni ba tsaari, amob tsi pëci tsi ufac, a kaats ko tsi nul wi kan tsu wi ñaan na yër.

1 JOŊ 2:29

Uci nda me na ci namabal, ndë niiran buts ne, ñaan nandoi ba këro ko u mab wi, abukënaa tsi nul.

1 JOŊ 2:3

A tsi ko wi tsi nja kë meena tsun ngë meul: uci ngë mob tsi ngëtsuaul.

1 JOŊ 2:4

Ñaan na njai: “Nji man meul,” a mobats tsi ngëtsuaul, aci natsup; ubaaraari cits tsi nul.

1 JOŊ 2:7

Ind ba ŋala biki, in di ka n picari ind utsua uwalu, maa aci utsua ujon wi nda tsij wunk ki ujuundi. Utsua ujon umënts wi, aci përim pi nda te pi ba.

1 JOŊ 3:9

Ñaan nan bukee ba këbuka tsi Nasien-batsi, di ka mob tsi përo ujuban, par pëcapi Nasien-batsi amob tsi pëci di nul; di ka yëlan pëci tsi ujuban, par abëka tsi Nasien-batsi.

1 JOŊ 4:11

Bamiñ ba ŋala biki, uci u ci iink di Nasien-batsi ŋal nja run, ngë ka buts ngë roon nja ka ŋalëlar tsi ngë ci tsi.

1 JOŊ 4:12

Ñaan winats Nasien-batsi yaas; uci ngë ŋalëlar tsi ngë ci tsi, Nasien-batsi ka mob tsi pëci di nja bëŋalul ka ci ban kës bi di nja.

1 JOŊ 4:16

Nja ngë me bëŋal bi Nasien-batsi ŋal nja bi, a ngë wak tsi bul. Nasien-batsi aci bëŋal. Ñaan na mobi tsi pëci tsi bëŋal, amob tsi pëci di Nasien-batsi, a Nasien-batsi mob tsi pëci di nul.

1 JOŊ 4:20

Uci ñaa n ja: “Nji ma ŋal Nasien-batsi;” a na ñaas ni ba tsaari, aci natsup; par na ŋalatsi ni ba tsaari, ni na wini, yëlanats pëŋal Nasien-batsi ni na winatsi.

1 JOŊ 4:8

Ñaan nan kaatsi bëŋal, meets Nasien-batsi, par Nasien-batsi aci bëŋal.

1 JOŊ 5:1

Ñaan na waki ba këwak u ci Yeesu ci-un Këristu, abukëna tsi Nasien-batsi. A ñaan na ŋali Asin, aŋal buts Abukul.

2 JOŊ 1:5

A tsi inkri, ŋaats, man ñaanu nda ju ngë ŋalëlar tsi ngë ci tsi; cits utsua uwalu wi n picariu wun, maa wi ngë ka wi ki ujuundi.