1 JOŊ 4:17 - KARÚK-PËRIM KAWALU Nouveau Testament

¹⁷ Tsi ko wi, tsi bëŋal baaraan tsun pëci bucar tsi nja pa tsi Unu kawat-pëleents, nja ka ci ni uwatsar: par bi Këristu ci bunk, unk buts di ngë ci run tsi umundu wi.

1 JOŊ 4:17 ပူးပေါင်းရင်းမြစ်များ

MATEU 10:15

Mán leents ind ucär: Tsi unu kawat-pëleents, Sodooma ni Gomoora ka matar përaasa pëmënts pëjuatsan.

MATEU 10:25

A najuk ci pi najukanul, din u liing; a naleemp ci pi nawiakul, din u liing. Uci ajug kato kë rua ‘Beelsebul,’ a m do um bañaan katoul!

MATEU 11:22

Wul ka wun ndu nja ind: Tsi Unu Kawat-pëleents, Tiiru ni Sidon ka pe ind pëpibana kayëk ipës.

MATEU 11:24

Unk, man ja ind: Wi Kafarnaum, tsi unu kawata-pëleents, Sodooma ka peu pëpibana kayëk ipëska.”

MATEU 12:36

Man ja ind: Tsi Unu Kawat-pëleents, bañaan bëlieng ka leents uleka irim yi ba ñakan yi, in kaats yi bëkat.

KAKÚRAN-KAWAR YEESU KRISTU BI JOŊ LEENŢ BI KUL AJA 15:20

Nda lesan përim pnja ind pi: Naluek peets ajugul. Uci ba noor-nooranin, bu ka noor-nooran ind buts; a uci ba mob tsi përim nji, bu ka mob buts tsi përim ind.

KAKÚRAN-KAWAR YEESU KRISTU BI JOŊ LEENŢ BI KUL AJA 17:22

Nji ma wël bukul përëmb pi m wëlin pi, pa ba ci baloole, bi ngë ci bi baloole,

ROOMA 8:29

Par biki na me biki ki ujuundi, a na car ayecis bukul buts pa ba ci pi bënaam Abukul, nul në ci bajan tsi biki ba tsaar biki bacumal.

BAYEBËREU 9:27

A bi ñaan-najin tsuura bi nul pëcäts uyaas uloole rin, a uu ba u ci kawata-pëleents,

JAKOB 2:13

Par, nandootsi ka yëkar bañaan ipës, di ka yëkara ipës tsi kawata-pëleents. Kayëk-ipës ka gaañar kun kawata-pëleents.

JAKOB 2:22

Wi win unk: Uwak, ni ngëwar ngi nuu ro ngi ayandaar; a ngëwar tsu uwakul a u band.

2 PER 2:9

Ko wi, apiban nja Ajug yël përand balënk-nasien-batsi mteenamana, ni pëwët ba mabats biki tsi unoor, te Unu kawat-pëleents.

2 PER 3:7

Maa batsi ni utsia ngul ngan ci ngink inkri, përim Nasien-batsi pëloole pëmënts pun, ayecis ngul pa bërua, a pa gaangar ngul Unu kawat-pëleents, ni pëniam bameets-nasien-batsi.

1 JOŊ 2:28

A inkri upäts uties, nda moban tsi pëci di nul, pa uwal wi nu pibandari wi, nja ka ka uwatsar, pa ngë rits pëni ri nul ni mkaw, uwitseeul.

1 JOŊ 2:5

Maa, na mobi tsi përimul, tsi ucär, bëŋal Nasien-batsi acum tsi nul. Unk, nja ka me ngë ci tsi Nasien-batsi.

1 JOŊ 2:6

Ñaan na njai amob tsi pëci di nul, aka pëyandaar bi Yeesu Këristu yandaar bi.

1 JOŊ 3:1

Nda teenan bëŋal bëwiak bi Asin wël nja bi, a u tsënkëna‎ tsu nja puu jakaa upäts Nasien-batsi. Tsi ucär ngë ci upäts Nasien-batsi. Wul ka wun bañaan umundu meetsi nja par bu meetsul.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.

1 JOŊ 3:7

Upats uties, ñaan tsë fal ind. Na mobi tsi përo ko u mab wi, aci namabal, bi Këristu ci bi namabal.

1 JOŊ 4:12

Ñaan winats Nasien-batsi yaas; uci ngë ŋalëlar tsi ngë ci tsi, Nasien-batsi ka mob tsi pëci di nja bëŋalul ka ci ban kës bi di nja.