1 JOŊ 4:1 - KARÚK-PËRIM KAWALU Nouveau Testament

¹ Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.

1 JOŊ 4:1 ပူးပေါင်းရင်းမြစ်များ

MARKU 13:21

Din, a uci ñaa n ja ind: ‘Këristu, nuu ni tsi!’ Oo: ‘Këristu, nul nun dun!’ Ind tsë Uwak.

LÚKAS 12:57

We ka wun nda ri ka wejats bërier ind ko u mab wi?

LÚKAS 21:8

Na yank bukul aja: “Nda rukan ibats, pa ñaan tsë fal ind. Par bacumal ka biini tsi katim nji, bu kë ja: ‘Aci nji!’ Oo bu kë ja: ‘Uwal awokani.’ Ind tsë fets bukul.

NGËRO 17:11

Maa, bamënts biki ape bañaan Tesalonika pëwaants ngëwaas, par bë yank përim ni uŋal ngëwaas bukul; a ba ja kara unu, bu kë teen tsi Bëpican ne ngi ba leentsa ngi aci unk.

NGËRO 20:29

Ma me, u ba nji pëpën, din ngënjurtu ngëjuatsal ka niaji tsi pëncuaf ind, ngul ngan dits ngi ka yëkar pëtan ngënkaanel ipës.

1 KORINTU 12:10

u wël nalon përo ngëko bawitsa; u wël nacints pëleents nga meaatsa ngi; u wël nalon kak pëyëkëran ngëkoraar ngëwejats; u wël nacints kak pëñakan ngëkoraar mleents; a nalon, u wëlul pëpaci ko wi mleents ja wi.

1 KORINTU 14:29

Tsi uleka bayëlia, batëb oo bawaants koo ñakan, bacints kë wejatsar ko wi ba ci wi tsi pëja.

1 TESALONIKA 5:20

Ind tsë be irim bayëlia.

1 TESALONIKA 5:21

Nda yëkërani ko un ci wi-ba këci, ndë mob tsi u wara wi.

2 TESALONIKA 2:2

Ngëwejats ind tsë car pëgusëlër, nin ngëwaas ind tsë nats kënats, undo aka përim ank pa leents pi u meaatsa wi, oo ko jaka wun ank, oo aka uletar un jaka wi apënë-ni tsi wund ank, a nga tsu ind pëja ne Unu Ajug abaandi.

1 TIMOTEU 4:1

Uwejats aja ko un jënts wi; ko wi u ja wi ci wun wi: Tsi ngëwal ngëtuami, balon ka wëtan uwak, bu ka mob tsi ngëwejats kafal ni bëjukan ngëcaay;

2 TIMOTEU 3:13

A bajuats-ngëwaas ni bafal-bañaan, ngi bu kë ro ngi koo peelar pëci ngëjuatsal; bu kë fal bañaan, bu kë falaa buts.

2 PER 2:1

Bi bayëlia batsup ro bunk ci tsi pëncuaf bañaan-ucaak, unk buts di bajukan-ngëtsua batsup kii cili run tsi pëncuaf ind. Bu ka niajan bëjukan ban cika bi, bi kan cok bi, te u tsu bukul pëbër Ajug, nul nan buerani bukul; bu ka tsiji kacok kacaral tsi ruets iyeen bukul.

1 JOŊ 2:18

Upats uties, aci ba uler utuami; bi nda te bi u jaka nanatsara-këristu ka bi, inkri banatsara-këstu bacumal apëni ba. Wul ka wun ngë me u ci ba uler utuami.

1 JOŊ 2:7

Ind ba ŋala biki, in di ka n picari ind utsua uwalu, maa aci utsua ujon wi nda tsij wunk ki ujuundi. Utsua ujon umënts wi, aci përim pi nda te pi ba.

2 JOŊ 1:7

Par bafalar bacumal agara jëk umundu, ba niiranats biki Yeesu Këristu biini uyamats; namëntsan ci-un nafalar ni na Natsara-kandata.

3 JOŊ 1:11

Wi na ŋalee, tsë fets ko u waraatsa wi, maa u wara wi. Ñaan ni kandoi uwar, aci ni Nasien-batsi. A ñaan ni kandoi ko u waraatsa wi, winats Nasien-batsi.

UPIBAN 2:2

‘Ma me ngi m ja ngi m doon kuu ro, man me uleempu ni mtambandaru; a me m yëlaants pëmiira baro-ngëjuatsal. M teenaman ba nja biki bërier bukul bë ci bapostolu te bë cits, a m win ba ci batsup.