1 JOŊ 3:8 - KARÚK-PËRIM KAWALU Nouveau Testament

⁸ Ñaan na mobi tsi përo ujuban, aci ni Ujabël, par Ujabël ajuban ki ujuundi. Ko umënts wun ka wun Abuk Nasien-batsi bi, pa pëcok uleemp Ujabël.

1 JOŊ 3:8 ပူးပေါင်းရင်းမြစ်များ

MATEU 12:28

Maa, uci u ci Uwejats Nasien-batsi wi duu ruakëna wun ngëcaay, ndë me, ne pësien Nasien-batsi abaandi tsi ind.

MATEU 13:38

A tsëko uleempul, ci umundu. A ucapi uwar, ci babuk Pësien. A pëmaanamaan, aci babuk Nacok.

MATEU 4:3

A nateen-teenan kika awokul, a na jaul: “Uci bi m ci bank Abuk Nasien-batsi, jaan ilaak yi i witsa upom.”

MARKU 1:24

“Yeesu, Kanpënë-ni-nasaret, we wi wund kaaraan wun ni wi? M bi pii cok-cokan wund-a? Ma me ne m cii: Najënts Nasien-batsi!”

LÚKAS 10:18

Din, Yeesu ja bukul: “Man win Useetaani, uyëri wul di batsi, pi kalikajan.

KAKÚRAN-KAWAR YEESU KRISTU BI JOŊ LEENŢ BI KUL AJA 12:31

Inkri, kawat umundu wi pëleents abaandi; a tsi inkri, kantsijëna umundu wi ka gutsa di utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 16:11

tsi uleka kawat-pëleents, par kantsijëna umundu wi awata ba pëleents.

KAKÚRAN-KAWAR YEESU KRISTU BI JOŊ LEENŢ BI KUL AJA 8:44

Ind, Ujabël ci wun asin ind, a nda ŋal përo ngi asin ind ŋal ngi. Wul, aci ufiŋ bañaan ki ujuundi. Aja u roon di ka baar tsi ucär, par ucär cits tsi wul. Aja uu tsup, u leents ko un ci wi wíic wul, par wul aci utsup, a u ciind usín bëtsup.

ROOMA 16:20

Nasien-batsi pëfac, ka fam-faman Useetaani tsi utsia iyots ind, tsi ko un car wi. Bëtseend Yeesu Ajug nja ba ciin ni ind.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

KOLOS 2:15

aca iŋi-ukam ngan tsijëna ngi pëyëlan, ni yi ngan ka ngi uyëlan, a na kawaran ngul tsi bërun bañaan, akuk ngul tsi kruus.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

BAYEBËREU 2:14

A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

BAYEBËREU 9:26

Par, u ro ci ank, Këristu ka ro ka na roon në noor aa ngëyaas ngëcumal, ki umundu leempa ki. Maa inkri, tsi uba ngëwal, apibandari uyaas uloole baŋ, unk ni bëjakan ubiiraul në pënan ujuban.

2 PER 2:4

Par Nasien-batsi jampësaats ngëwaanju bi nga juban bi, maa, atan ngul ni mkorente agutsar nfeernu, di tsëko tsërëmëntsuel, a na yecis ngul pa unu kawat-pëleents.

1 JOŊ 1:2

Ubiira apibandari, a wund win wul, wund leents uleka wul, aleents ind ubiira un dits wi ka ba; wul aro ci ni Asin, a wund pibana wul.

1 JOŊ 3:10

Tsi ko wi, tsi upäts Nasien-batsi kë yëkëraana tsun, ni upäts Ujabël: nan ditsi ba ka ro ko u mab wi, cits napäts Nasien-batsi, nin na ŋalatsi ba ni ba tsaari.

1 JOŊ 3:5

Nda me Këristu bi, pa pëñau ngëjubani njaa ujuban cits tsi nul.

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.

JÚDAS 1:6

A ngëwaanju ngan tsuunkarats ngi ko wi nga ci wi, maa nga bër tsi nga ro tsi ciina, Nasien-batsi agaang ngul di bametsu karëm, a nga ricara sandëndën, pa Unu uwiak, wi kawat-pëleents.

UPIBAN 20:10

A Ujabël, wul un daac wi bukul tsi kafal, gutsaa di pëwal bërua ni ucof, di un jar ci ri ba, wul ni nayëlia natsup; bu ka ci tsi unoor uwiak, pënak ni bërëm, pa sandëndën.

UPIBAN 20:15

A na winaatsee ba na picana di ulibëru ubiira, agutsaa di pëwal bërua.