1 JOŊ 3:16 - KARÚK-PËRIM KAWALU Nouveau Testament

¹⁶ Tsi ko wi, tsi ngë meena tsun bëŋal: Këristu awël ubiiraul pa inja; a ngë ka buts pëwël ngëbiira nja pa biki ngë tsaar biki.

1 JOŊ 3:16 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:11

Nji n ci-un nayafan nawar; nayafan nawar ka wël ubiiraul pa ngënkanel.

KAKÚRAN-KAWAR YEESU KRISTU BI JOŊ LEENŢ BI KUL AJA 10:15

bi Asin nji mein bi, a me Asin nji, a ndu n wël ubiira nji pa ngënkanel.

KAKÚRAN-KAWAR YEESU KRISTU BI JOŊ LEENŢ BI KUL AJA 13:34

Mán wël ind utsua uwalu: Nda ŋalëlari; bi n ŋal ind bunk, nda ŋalëlari buts.

KAKÚRAN-KAWAR YEESU KRISTU BI JOŊ LEENŢ BI KUL AJA 3:16

Par, Nasien-batsi aŋal bañaan umundu mak, a na tsënkëne wël Abukul, naloole baŋ, pa na waki ba këwak tsi nul, di ka niaman, maa në ka ubiira un dits wi ka ba.

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

ROOMA 16:4

bukul ba niajan biki iyeen bukul tsi bëjuats, undo ubiira nji; a ndu n baran bukul tsi ko wan, te cits nji rin n baran un bukul, maa iriisia bëlieng yi ban cits biki Bajudeu, abaran buts bukul.

ROOMA 5:8

Maa iink di Nasien-batsi piban dun bëŋalul pa n ja: Bi ngë wama bi ci bajuban, Këristu catsar inja.

2 KORINTU 4:12

Unk, pëcäts ka leemp di wund, a ubiira kë leemp di ind.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

EFEESU 5:25

Ind bayënts, nan ci, na ŋalan aarul bi Këristu ŋal bunk Ngëriisia, a na wël ubiiraul bërierul pa ngul;

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

FILIIPUS 2:30

Par aruka ko uties në cats, undo uleemp Këristu; awaants ubiiraul përo tsi pëlas ind ko wi nda yëlanats wi përoorin bërier ind.

1 TESALONIKA 2:8

Tsi kajuab-ngëwaas wund pa ind, wund aro ŋal pëwël ind Upetsan-uwar Nasien-batsi; te cits wul rin, maa buts ngëbiira wund bërier ngul. Par nda ruka ci biki wund ŋal biki mak.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

1 PER 1:18

Nda mean u cits ngëko ngi kan coka ngi, pi uncaam, oo uwëru, ngi Nasien-batsi lukëna ngun pëbuer ind, tsi bëci ind ban katats bi, bi nda yank bi di basin ind;

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 JOŊ 2:6

Ñaan na njai amob tsi pëci di nul, aka pëyandaar bi Yeesu Këristu yandaar bi.

1 JOŊ 2:9

Ñaan na njai aci tsi ufac a na ñaas ni ba tsaari, te inkri awama wam tsi karëm.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.