1 JOŊ 3:12 - KARÚK-PËRIM KAWALU Nouveau Testament

¹² Cits pi Kain, nan pënë-nii tsi Naro-ngëko-kawaraatsa, a na fiŋ ni ba tsaari. A we ka wun a na fiŋul? Par ngëko ngi Kain kë ro ngi waraatsa, a ngi ni ba tsaari ci ngëmabal.

1 JOŊ 3:12 ပူးပေါင်းရင်းမြစ်များ

MATEU 13:19

Utul u yër wunk tsi kambaŋ bëga, aci nan tei përim uleka Pësien, a meets ko wi pa pac wi, a nakaalam bi ee waj pul tsi uwaasul.

MATEU 13:38

A tsëko uleempul, ci umundu. A ucapi uwar, ci babuk Pësien. A pëmaanamaan, aci babuk Nacok.

MATEU 23:35

Unk, pëñaak bandoots biki ko ka kakar ind, pul pan tula pi tsi utsia, pëkur-ni tsi pëñaak Abel, namabal, te tsi pëñaak Sakaria, abuk Barakia, ni nda fiŋi pëpën tsi tsëko-tsëyëman pëya tsi bëgij.

MATEU 27:23

Maa a na tsijëna-ucaak ja: “Wee na ro wun, u waraatsa wi?” A ba ru pe këpe pëlië mak, koo ja: “Na rieŋaan di Kërúus!”

MATEU 5:37

Uci ee-e kë ja ee-e uci aa-a kë ja aa-a, u laka wi tsul apënë-ni tsi na pëkaalam.

LÚKAS 11:51

Akur-ni tsi pëñaak Abel, te tsi pëñaak Sakaria, nan fiŋee pëpën tsi bëgij, pëya Kato Nasien-batsi. Eey-e, ma n ja ind, bañaan ntsari ka yeparaa.

KAKÚRAN-KAWAR YEESU KRISTU BI JOŊ LEENŢ BI KUL AJA 10:32

Yeesu yank bukul aja: “Man piban ind ngëko ngëcumal ngëwar, ngan pënë-ni ngi di Asin nji; undo uwom tsi ngul ka wun ndu tapënin ilaak?”

KAKÚRAN-KAWAR YEESU KRISTU BI JOŊ LEENŢ BI KUL AJA 8:40

Maa ind ka tsas bikink pëfiŋin, nji na leents indi ucär wi n te wi tsi Nasien-batsi. Umënts wun, Abraam doots wul;

KAKÚRAN-KAWAR YEESU KRISTU BI JOŊ LEENŢ BI KUL AJA 8:41

maa ind, nda ja nda roon nduu ro ngi asin ind kë ro ngi.” A ba ja Yeesu: “Wund bukënaatsa tsi katúk-ufuts; wund aka Asin wund, naloole, nul Nasien-batsi.”

NGËRO 7:52

Naom tsi bayëlia, ni basin ind noor-nooranats un? Bë fiŋ bando biki jon ki ba leents ki u biiri Namabal, inkri nda ruka ci bayaul ufets, ni bafiŋul.

1 TESALONIKA 2:14

Par, ind batsaar ni wund, nda ruka ci bateenëna iriisia Nasien-batsi i ci yi di Judeeya, yul i ci yi tsi Këristu Yeesu; par, unoor wi bañaan-ucaak ind tsu ind wi a nda par-na buts, wul wi Bajudeu tsu wun iriisia imënts yun a i par-na.

BAYEBËREU 11:4

Uwak, wi Abel wëlëna wun Nasien-batsi bëjakan ban pe bi bi Kain. Undo wul a na jaka aci namabal, uwal wi Nasien-batsi ñakan wunk uwar tsi uleka ngi nul Abel wël ngi. A uwak ka wun na wama ka ñakan, ŋal bi na cäts bi.

BAYEBËREU 12:24

tsi Yeesu, nul Natsu-manteelar nan tsij-ni karo-pëloole kawalu, ni tsi pëñaak pan gura pi, pul pan pe pi pëñaak Abel pëñakan uwar.

1 PER 4:4

A ba pikra undo bi nda katse bi ci ni bukul tsi pëwëtandar tsi ngëko katúk-ufuts, a bu kë kar ind.

1 JOŊ 3:8

Ñaan na mobi tsi përo ujuban, aci ni Ujabël, par Ujabël ajuban ki ujuundi. Ko umënts wun ka wun Abuk Nasien-batsi bi, pa pëcok uleemp Ujabël.

JÚDAS 1:11

Cay bukul! Par bu fets bëga Kain. Tsi undo bëluk, a ba yër tsi pëniam Balaam; ba niam tsi katamb-ulats Koore!

UPIBAN 17:6

A n win ŋaats namënts un kuj pëñaak bayëman, ni pëñaak baleents ngi Yeesu ngi bamaatir ngi. Uwal wi n winul wi, a n pikra mpikra mwiak.