10 Tsi ko wi, tsi upäts Nasien-batsi kë yëkëraana tsun, ni upäts Ujabël: nan ditsi ba ka ro ko u mab wi, cits napäts Nasien-batsi, nin na ŋalatsi ba ni ba tsaari.
Maa, nda ŋalan babër ind; nda roon ko u wara wi. Nda tsiatsani, te ind tsë watsar pëluka, din bëluk ind kee rëmb. Unk di nduu ci run babëk Kanpe pëci di ruëts. Par nul, ajuab uwaas tsi uleka barika-baran, ni tsi uleka bajuats-ngëwaas.
Ind, Ujabël ci wun asin ind, a nda ŋal përo ngi asin ind ŋal ngi. Wul, aci ufiŋ bañaan ki ujuundi. Aja u roon di ka baar tsi ucär, par ucär cits tsi wul. Aja uu tsup, u leents ko un ci wi wíic wul, par wul aci utsup, a u ciind usín bëtsup.
Nda teenan bëŋal bëwiak bi Asin wël nja bi, a u tsënkëna tsu nja puu jakaa upäts Nasien-batsi. Tsi ucär ngë ci upäts Nasien-batsi. Wul ka wun bañaan umundu meetsi nja par bu meetsul.
Bamiñ ba ŋala biki, ngë ci upäts Nasien-batsi inkri; ko wi nja kii ci wi netse pibana. Ngë me, uwal wi Këristu pibandari wi, nja ka naam ni nul, par nja ka winul bi na ci bi ja.
Nja ngë ci biki Nasien-batsi. Na mei Nasien-batsi, ka cikëndën inja. Nan citsi ni Nasien-batsi, di ka cikëndën inja. Tsi ko wi, tsi ngë yëkëraan tsun uwejats ucär, ni uwejats kaguus-ko.
Wi na ŋalee, tsë fets ko u waraatsa wi, maa u wara wi. Ñaan ni kandoi uwar, aci ni Nasien-batsi. A ñaan ni kandoi ko u waraatsa wi, winats Nasien-batsi.