1 JOŊ 3:1 - KARÚK-PËRIM KAWALU Nouveau Testament

¹ Nda teenan bëŋal bëwiak bi Asin wël nja bi, a u tsënkëna‎ tsu nja puu jakaa upäts Nasien-batsi. Tsi ucär ngë ci upäts Nasien-batsi. Wul ka wun bañaan umundu meetsi nja par bu meetsul.

1 JOŊ 3:1 ပူးပေါင်းရင်းမြစ်များ

LÚKAS 20:36

Bu katse ka yëlan pëcäts, par bë liing këliing ni ngëwaanju; a ba ci babuk Nasien-batsi, undo bë ci babuk kanatsee-di-pëcäts.

KAKÚRAN-KAWAR YEESU KRISTU BI JOŊ LEENŢ BI KUL AJA 1:12

Maa bañaan bëlieng, ba yank biki pul, ba uwak biki tsi katim pul, pul awël bukul pëtsënkan përuka ci upäts Nasien-batsi;

KAKÚRAN-KAWAR YEESU KRISTU BI JOŊ LEENŢ BI KUL AJA 11:52

A te cits pëcäts pa ucaak rin, maa aci buts pa pëbofëlan upäts Nasien-batsi ban garandar biki, pa ba ci baloole.

KAKÚRAN-KAWAR YEESU KRISTU BI JOŊ LEENŢ BI KUL AJA 15:21

Maa, bu ka ro ind ngëko ngan bëlieng, undo katim nji, par bu meets na yëliini.

KAKÚRAN-KAWAR YEESU KRISTU BI JOŊ LEENŢ BI KUL AJA 16:3

Bu ka ro ngëmënts ngan, par bu meets Asin, nin bu meetsin.

KAKÚRAN-KAWAR YEESU KRISTU BI JOŊ LEENŢ BI KUL AJA 17:25

Paapa, namabal, bañaan umundu meetsu, maa nji man meu; a biki me u ci wi yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 3:16

Par, Nasien-batsi aŋal bañaan umundu mak, a na tsënkëne wël Abukul, naloole baŋ, pa na waki ba këwak tsi nul, di ka niaman, maa në ka ubiira un dits wi ka ba.

ROOMA 5:8

Maa iink di Nasien-batsi piban dun bëŋalul pa n ja: Bi ngë wama bi ci bajuban, Këristu catsar inja.

ROOMA 8:19

Ngan leempa ngi, ka lip ni pëcësa upibandar babuk Nasien-batsi.

ROOMA 8:21

ngul bërier ngul pii facana tsi pëluek pi kan cok pi, pa ngul pëka ko tsi pëfacana përëmb upäts Nasien-batsi.

ROOMA 8:32

Nul na laaŋats Abukul bërierul, maa na wëlul undo n ja bëlieng, a um bi na rits bun ka wël ngëko bëlieng bëlukats, pa n ja ni Abukul?

2 KORINTU 6:18

Ka ci Asin ind, ndë ci babuk nji bayënts ni bakaats; unk di nul Ajug Kayëlan-bëlieng, ja run.”

GALAASIA 3:26

Par ind bëlieng nda ci babuk Nasien-batsi, tsi undo uwak ind tsi Këristu Yeesu;

GALAASIA 3:29

A uci nda ci biki Këristu, nda ci kajër Abraam, barukanda, bi Nasien-batsi watsan bi ja.

KOLOS 3:3

Par nda cäts, a ngëbiira ind beka ni Këristu tsi Nasien-batsi.

1 JOŊ 3:10

Tsi ko wi, tsi upäts Nasien-batsi kë yëkëraana tsun, ni upäts Ujabël: nan ditsi ba ka ro ko u mab wi, cits napäts Nasien-batsi, nin na ŋalatsi ba ni ba tsaari.

1 JOŊ 3:2

Bamiñ ba ŋala biki, ngë ci upäts Nasien-batsi inkri; ko wi nja kii ci wi netse pibana. Ngë me, uwal wi Këristu pibandari wi, nja ka naam ni nul, par nja ka winul bi na ci bi ja.

1 JOŊ 4:17

Tsi ko wi, tsi bëŋal baaraan tsun pëci bucar tsi nja pa tsi Unu kawat-pëleents, nja ka ci ni uwatsar: par bi Këristu ci bunk, unk buts di ngë ci run tsi umundu wi.

UPIBAN 21:7

Nakuk ka rukanda ngëmënts ngi; nji mán ci Nasien-batsiul, në ci abuk nji.