1 JOŊ 2:5 - KARÚK-PËRIM KAWALU Nouveau Testament

⁵ Maa, na mobi tsi përimul, tsi ucär, bëŋal Nasien-batsi acum tsi nul. Unk, nja ka me ngë ci tsi Nasien-batsi.

1 JOŊ 2:5 ပူးပေါင်းရင်းမြစ်များ

LÚKAS 11:28

Maa, Yeesu jaul: “M dits ja, bë naak, biki kan cikëndën biki përim Nasien-batsi, a bu kë ro ko wi pa ja wi!”

KAKÚRAN-KAWAR YEESU KRISTU BI JOŊ LEENŢ BI KUL AJA 14:21

Nan tsiji ngëtsua nji, a na mob tsi përo ko wi nga ja wi, namënts un ci-un na ŋalini. A na ŋalini, Asin nji ka ŋalul; nji buts ka ŋalul, ka pibandar tsi nul.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:23

A Yeesu yankul aja: “Uci ñaan ŋalin, në mob tsi përim nji, Asin nji ka ŋalul, wund ka bi tsi nul, wund ka ciina tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:5

Nji n ci un bëbiiñu, a nda ci ina. Na mobi tsi pëci tsi nji, a n mob tsi pëci tsi nul, në tsij mbuk mcumal. Par ucits ba ni nji, nda yëlanats përo ko.

KAKÚRAN-KAWAR YEESU KRISTU BI JOŊ LEENŢ BI KUL AJA 6:56

Nan dei uliaf nji a na raan pëñaak nji, ka mob tsi pëci tsi nji, a nji mán mob tsi pëci tsi nul.

ROOMA 8:1

tsi inkri, nin pëlon pëlacana cits pa ban ci biki tsi Këristu Yeesu.

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

2 KORINTU 5:17

Unk, uci ñaan ci tsi Këristu, nul aci ñaan nawalu; ngëjon apar, a ngëwalu ruka ngink aci.

2 KORINTU 5:21

Nul Këristu nan kaatsi ujuban, Nasien-batsi tsul a na ci ujuban; pa tsi nul, nja ka ci bëmabal Nasien-batsi.

JAKOB 2:22

Wi win unk: Uwak, ni ngëwar ngi nuu ro ngi ayandaar; a ngëwar tsu uwakul a u band.

1 JOŊ 3:24

Ñaan na mobi tsi ngëtsuaul, amob tsi pëci di Nasien-batsi, Nasien-batsi mob tsi pëci di nul. Tsi ko wi, tsi ngë meena tsun na mob tsi pëci di nja: undo Uwejats wi na wël nja wi.

1 JOŊ 4:17

Tsi ko wi, tsi bëŋal baaraan tsun pëci bucar tsi nja pa tsi Unu kawat-pëleents, nja ka ci ni uwatsar: par bi Këristu ci bunk, unk buts di ngë ci run tsi umundu wi.

1 JOŊ 4:18

Bëlal cits di bëŋal, maa bëŋal ban kës bi, ka gutsar bëlal utsand, par bëlal a tsij unoor. Na lali, bëŋalul cits ban kës bi.

1 JOŊ 5:2

Tsi ko wi, tsi ngë meena tsun ngë ŋal upäts Nasien-batsi: uwal wi ngë ŋal wi Nasien-batsi, a ngë mob tsi ngëtsuaul.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.

2 JOŊ 1:6

A bëŋal ci bun bi: Nja pëyandaar bi ngëtsuaul tsu bi. A umënts wi ci wun utsua wi nda te wunk ki ujuundi: Ind pëyandaaraan tsi bëŋal.

UPIBAN 12:17

Din a Uncababaan riabatsar ŋaats namënts un, a u pën atsëp pëkaman banduka bukunk, ban bof biki tsi pëci kajërul, bukul ban ci biki tsi përo ngi Nasien-batsi tsu ngi, a ba mob tsi ko wi Yeesu leents wi.

UPIBAN 14:12

Pëliincandër bayëman aciina tsi, bukul ba mob biki tsi ngëtsua Nasien-batsi, ni tsi uwak tsi Yeesu.”