1 JOŊ 2:20 - KARÚK-PËRIM KAWALU Nouveau Testament

²⁰ Maa ind, Nasien-batsi atular ind Uwejats-ujënts, a nda me bëlieng.

1 JOŊ 2:20 ပူးပေါင်းရင်းမြစ်များ

MATEU 13:11

A Yeesu yank bukul aja: “Par ind, nda wëla pëme ngi pësien batsi, ngandoots ngunk mea. Maa bukul, bu wëlaatsa pëme ngul.

MARKU 1:24

“Yeesu, Kanpënë-ni-nasaret, we wi wund kaaraan wun ni wi? M bi pii cok-cokan wund-a? Ma me ne m cii: Najënts Nasien-batsi!”

LÚKAS 4:18

“Uwejats Ajug aci tsi nji, par aratin pa pëleents baranj, Upetsan-uwar; ayëliin pa pëleents bamoba pëfacana, ni bakuel pëkak pëwin, ni pëwëtan ban tsua biki tsi unoor ba fac,

LÚKAS 4:34

“Wi ko-e! Wee m ŋal wun ni wund, wi Yeesu, Kanpënë-ni-nasaret? M bi pa pëniaman wund-a? Wi, man me ni m ci; wi ci-un nayëman, nan pënë-nii tsi Nasien-batsi.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:26

Maa natsënk ka bi, nul Uwejats-ujënts, wi Asin nji kë wëtani wi tsi katim nji. Wul kee jukan ind wun ngëko bëlieng; u tsu ind pëles ngëko bëlieng ngnja ind ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 16:13

Maa, uwal wi Uwejats ucär baandi wi, u tsëpand ind tsi ucär un ci wi-ba këci. Par, di ka ñakandar uleka wul bërier wul, maa ka ñakan ngi u te ngi, u leents ind ngi kan bi ngi.

NGËRO 10:38

bi Nasien-batsi tulari bi Yeesu Uwejats-ujënts ni pëyëlan, nul Kanpënë-ni-nasaret, a nuu yaana ngëleka bëlieng, nuu ro uwar, a nuu yësan bañaan bëlieng biki Ujabël tsu biki tsi pëluëk, par Nasien-batsi aci ni nul.

NGËRO 3:14

Maa ind, nda bër Najënts, Namabal, a nda yep pëwëtandëra nafiŋ-bañaan.

1 KORINTU 2:15

Ñaan nan tsiji Uwejats Nasien-batsi ka yëkëran ngëko bëlieng uwar, maa nul, ñaan di ka yëkëran bi na ci bi ja.

BAYEBËREU 1:9

M ŋal bëmabal, a m ñaas kamabats. Wul ka wun, wi, Nasien-batsi, Nasien-batsiu atulariu mkër ulílan, m pean bacintsu.”

BAYEBËREU 8:11

Ñaan katse ka jukan koon këjukan acintsul, oo nan tsaari ni nul, na jaul: Mean Ajug! Par bukul bëlieng bu ka mein, pëkur tsi nan pei pëci ñaan naties, te nan pei pëci ñaan nawiak.

1 JOŊ 2:27

Maa ind, Uwejats ujënts wi Këristu tular ind wi, amob tsi pëci di ind, unk nda katse fier ñaan pëjukan ind; maa bi Uwejats jukan ind bunk uleka ngëko bëlieng, aci ucär, cits butsup. Nda moban tsi nul, bi na jukan ind bi.

1 JOŊ 4:13

Tsi ko wi, tsi ngë meena tsun ngë mob tsi pëci di Nasien-batsi, a nul na mob tsi pëci di nja: bi na wël nja bi Uwejatsul.

JÚDAS 1:5

Ŋal bi nda ba bi pëme ko wan uwar, maa, ma ŋal pëlesan ind bi Ajug buerani bi bañaanul di pëboos Ejipët a nuu ba, na ba ni bañaan ba uwakats biki.

UPIBAN 3:7

Picari uwaanju Ngëriisia ngan ci ngunk di Filadeelëfia, ja: “Kanci-nayëman, Kanci-nacӓr, nul kantsijëna kanigësaani Dawid, nawaants te ñaan di ka ric, naric te ñaan di ka waants, pi ci pun pi na ja pi:

UPIBAN 4:8

Ngëko ngëyësal ngëbaakër ngun, aja un ci wi, u tsij ibaakëla paaj. A nga cum ni këkës afay ngul ni di bametsu ngul. Ngul, pënak ni bërëm, di ka wëtan puu ja: “Nayëman, nayëman, nayëman, Ajug, nul Nasien-batsi Kayëlan-bëlieng, nandoi ci, a na ci, a nuu bi!”