1 JOŊ 2:16 - KARÚK-PËRIM KAWALU Nouveau Testament

¹⁶ par, ko un ci wi-ba këci tsi umundu, un ci wi karí-ko uliaf, karí-ko këkës, ni mguukandër tsi uleka ngëko ubiira, ngul bëlieng cits ngan pënë-ni ngi di Asin, maa aci ngan pënë-ni ngi tsi umundu.

1 JOŊ 2:16 ပူးပေါင်းရင်းမြစ်များ

MATEU 4:8

A Ujabël tsëpandul kak, te di ruets untunda uyampal mak, a u pibanul msien bëlieng tsi umundu ni përëmb mul,

MATEU 5:28

Maa nji, ma n ja ind: Uci ñaan teen ŋaats a na ríul, a jub ba ni nul di uwaasul.

LÚKAS 4:5

Ujabël tsëpandul ruëts. Ucar umënts wun, u pibanul msien bëlieng tsi umundu.

ROOMA 13:14

Maa, nda tiemaan Yeesu Këristu, Ajug; ind tsuuts fierand ngëko ngi uliaf kë rí ngi, nga waraatsa ngi.

1 KORINTU 10:6

Ngëko ngi arolaa pa nga ci upibanaani pa n ja, pa n ja përits rí ngëko nga waraatsa ngi, pi ba rí pi.

GALAASIA 5:17

Par, uliaf ka kaman Uwejats Nasien-batsi, a Uwejats Nasien-batsi këkaman uliaf; ngëtëb ngëmënts ngi, aja un ci wi uu kaman ucints wul; unk, nda rits uu ro ko wi nda ŋal wi.

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

TIITU 2:12

A buu jukani njapëwëtan karika-lënk Nasien-batsi, ni pëwëtan kari-ngëko umundu, pa tsi uwal wi ngë ci wink, nja kë yandaar tsi butsëkal, tsi bëmabal, ni tsi kalënk-Nasien-batsi;

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

JAKOB 3:15

kameko kamënts ki, cits kan pënë-ni ki ruets; aci ki utsia, ki uŋal ñaan-najin, ki ngëcaay.

JAKOB 4:16

Maa ind, nda ci tsi pëguukandër tsi mtsupalar ind. Mguukandër pi mmënts mi, aci ko u waraatsa wi.

1 PER 1:14

A bi nda ci bi upäts ba mob biki tsi përim, ind tsë naam bi nda ro bi ci uwal ujon tsi karí-ko, uwal wi nda ro wi ci tsi kameets-ko ind.

1 PER 2:11

Ind ba ŋala biki, mán tseend ind ibats pi nda ci batsooŋ ni bapar-këpar, pa ind përand ngëko ngi uliaf kë rí ngi, ngi kan kaman ngi uwaas.

2 PER 2:10

Unoor umënts wun ka peena ba n ja bukunk ba roon, tsi pëfets uŋal uliaf bukul, bu kë yandaar tsi kari-ngëko ngëtsopal, a bu ri ka tsu pësien ko. Bape-iyeen bukul, baguukandar, bu lënkats pëja ko u waraatsa wi tsi uleka msien man pe mi pëci mwiak.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.