1 JOŊ 2:1 - KARÚK-PËRIM KAWALU Nouveau Testament

¹ Upats nji baties, mán picari ind ngëko ngi, pa ind përits juban. Maa uci ñaan bi juban, ngë ka na natsar nja tsi bërun Asin, un ci wi Yeesu Këristu, namabal.

1 JOŊ 2:1 ပူးပေါင်းရင်းမြစ်များ

LÚKAS 10:22

Asin nji awëlin ngëko bëlieng. Ñaan meets ni Abuk ci, ucits ba Asin. A ñaan meets ni Asin ci, ucits ba Abuk, ni biki Abuk ŋal biki pëpiban bukul nul.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:15

bi Asin nji mein bi, a me Asin nji, a ndu n wël ubiira nji pa ngënkanel.

KAKÚRAN-KAWAR YEESU KRISTU BI JOŊ LEENŢ BI KUL AJA 13:33

Upats nji baties, ma wama n ci ni ind ko uties. Nduu tsasin; a bi n ja bunk Bajudeu, má n ja ind buts inkri: ‘tsi n du n ya tsi, nda yëlanats pëya rul.’

KAKÚRAN-KAWAR YEESU KRISTU BI JOŊ LEENŢ BI KUL AJA 14:16

Mán yep Asin nji, në wëli ind nalon natsënk, pa në ci ni ind pa sandëndën,

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 21:5

A Yeesu ja bukul: “Upats! Cits nda kaats utsëb-a?” A ba yankul aja: “Nin a.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:14

Bi ngëmënts ngan par bi, a Yeesu bi winul di kato-kayëman, a na jaul: “Teenan-e, m kak m yës; cats juban kak, pa un pe wi pëjuats përits baandë-niu.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:36

Maa nji, ko wi n ka wi pa pëleents, ape wi Joŋ. Par, ngi Asin nji wëlin ngi përo n ba, ngul, ngi n ci ngink tsi përo, apiban uleka nji, u ci Asin nji yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 6:27

Ind tsë leempar bariala bi kan coka bi, maa nda leempari bariala bi kan ci bi pa ubiira un dits wi ka ba, bul bi Abuk ñaan-najin kë wël ind bi. Par, nul ni Nasien-batsi, Asin, markaar un ni tampoŋul.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:11

A ŋaats yankul aja: “Ajug! Nin ñaan.” A Yeesu jaul: “Nji buts, in di ka n lacanu; tsëpan, maa inkri, cats kaka juban.”

NGËRO 7:52

Naom tsi bayëlia, ni basin ind noor-nooranats un? Bë fiŋ bando biki jon ki ba leents ki u biiri Namabal, inkri nda ruka ci bayaul ufets, ni bafiŋul.

ROOMA 5:10

Par uci bi ngë ro bi ci iñaasar Nasien-batsi, a pëcäts Abukul tsu nja a ngë kak ateelar ni nul, andes, bi ngë kak bink ateelar ni nul, ubiiraul ka bueran inja.

ROOMA 6:15

Inkri we wnja kë baaraan wun? Nja ka juban undo bi ngë cits tsi ngëtsua, a ngë ci tsi bëtseend Nasien-batsi-a? Nin-a!

ROOMA 8:34

Yën ci-un nalacan? Aci Këristu nul nan cätsi; oo andes nul na natsee di pëcäts, a na tsoar tsi kariir Nasien-batsi a nuu ñaanar nja.

1 KORINTU 15:34

Nda kakari ngëwejats butsëkal, ind tsë juban. Par balon netse ka ume Nasien-batsi; ma nja ko wan pa pëkawaran ind.

2 KORINTU 5:21

Nul Këristu nan kaatsi ujuban, Nasien-batsi tsul a na ci ujuban; pa tsi nul, nja ka ci bëmabal Nasien-batsi.

GALAASIA 4:19

Upäts nji, ind biki ci biki tsi pëmiirara urear uliaf-kabuk kak, te Këristu tsënkëna ka leempa di ind.

EFEESU 2:18

par tsi nul, ind ni wund ngë ka bëga bëbaandë-ni di Asin tsi Uwejats uloole.

EFEESU 4:26

Uci nda riabats, ind tsë juban; te ind tsë wamand uriab a unu ka yër.

1 TIMOTEU 2:5

Par, Nasien-batsi naloole baŋ ci-un, a natsu-manteelar tsi Nasien-batsi ni bañaan-bajin ci buts naloole baŋ, ci-un Këristu Yeesu, nul ñaan-najin;

1 TIMOTEU 3:14

Man picandëriu ko wi, par man tsu ibats pëbi tsi wi, tsi ko un car wi;

BAYEBËREU 9:24

Par, Këristu niajats tsëko-tsëyëman tsan ci tsi uleemp kañan ñaan-najin, tsan ci tsi këci-unaamanaani tsëcar tsun. Maa aci koon batsi bi na niaj bun, pa në natsar nja inkri tsi bërun Nasien-batsi.

JAKOB 1:27

Bëga bëjëntsal, te kaats mtsopi tsi bërun Nasien-batsi, Asin nja ci bun bi: Puu ya pëwin babënatsa ni ban cätsëndan biki bayën bukul, puu ya pëwin bukul tsi unjuatsia wi ba ciina wi, ni përits tsopandar ni ngëko umundu.

JAKOB 3:9

Ni pul, nja kë jaar-ngëwar Ajug nja nul Asin inja; a ni pul kak nja kë ja ngëwutsëtsuel tsi uleka bañaan-bajin, bukul biki Nasien-batsi leemp biki tsi bënaamul.

1 PER 2:22

Nul nandootsi ujuban, nin kalon kafäl cits di mtumul.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 JOŊ 3:18

Upats uties, n ja tsuuts ŋalëna përim ni pëndiamënt rin, maa ngë ŋalëna karo-ko, ni ucär.

1 JOŊ 3:5

Nda me Këristu bi, pa pëñau ngëjubani njaa ujuban cits tsi nul.

1 JOŊ 3:7

Upats uties, ñaan tsë fal ind. Na mobi tsi përo ko u mab wi, aci namabal, bi Këristu ci bi namabal.

1 JOŊ 4:4

Upats uties, ind nda ci biki Nasien-batsi, a nda gaañaar bayëlia batsup bamënts biki, par nan ci di ind, ape nan ci wunk di umundu.

1 JOŊ 5:17

Kamabats kan ci ki-ba këci, aci ujuban; a u ka ujuban un dits wi ka tsu ñaan na cäts.

1 JOŊ 5:21

Upats uties, nda randan icap.

3 JOŊ 1:4

Nji, in kaa ts ulílan un pe wi wan, pëte upäts nji ci tsi ucär.