Mateu 10:23 - Karajá Novo Testamento

²³ Tahe anatakre. Aõma hãwãhãkỹõ‑ki atxikeki mahenykre ijõ hãwã‑ò. Ihewoludu ikonana hãwã hãwãhãkỹ‑ribi behemynyke‑ribi tahe adòòsekre. Judeu hãwãhãkỹõ‑ò behemynykrekõule tahe adòòsekre, jiarỹ Hãbutyhyhykỹ wahe.

Mateu 10:23 ပူးပေါင်းရင်းမြစ်များ

Mateu 16:27

Jiarỹ, Deuxu Riòre, Hãbutyhyhykỹ dori kanakre wana aõwesele. Taỹju loosòna‑ki tii kanake. Iny ibutumy ariòwynykre bibutunymy aõbo iny riwinymyhỹré heka aõwiwihikỹ aõbina bina.

Mateu 16:28

Iu jiarỹ, Deuxu Riòre, Hãbutyhyhykỹ, kanakeu tahe inyõ kaibohoõ tuu robikre, Iòlòmy kanakreu.

Mateu 2:13

Biura mahãdu tahe ròireny rahudi tahe Inynyrỹ ỹju nade Jyje‑ò rybemy, irasina‑ki tamy rarybere: —Ariòre, ise‑wana bidyke Egito bede‑ò. Herodi dori uladu rubudỹỹmy ratxireri. Adee tiu ararybekreule kaò bòdòòseke.

Mateu 23:34

Adeereny ariteònykre aõma Deuxu rybeduõ hãbu erydu, tyyriti erydu wahe. Kaiboho bidirubunybedenykre. Ohodỹỹna heto‑ki ijõ bidihetenybedenykre awaru hetenaõ‑di. Itxeòtyre‑ki ijõ bidirubunybedenykre. Ijõ heka biheludumykre hãwã hãwã‑ò tamy ibinamy riwinykremy. Aõhõkỹmy dỹỹnana heka tamy biwahinybenykre ijõ hãwã‑ò rakreu.

Mateu 24:27

Iu jiarỹ Deuxu Riòre Hãbutyhyhykỹ arehemynykreu ibutumy heka rierykre loosòna delaana wesele heka wadehemynyna heka rarekre biu ibutumy ritỹxinykre.

Mateu 24:30

Iule tahe kia wadehemynynamy iny robikre. Sõwemy heka hinana ibrunana bede bedemy rỹirakre. Ibutumy heka iny robikre wadehemynynamy biuwetyky‑ki, jiarỹ dori, Deuxu Riòre, Hãbutyhyhykỹ rare. Loosòna ruruna sõwekreu, tahe arehemynykre.

Mateu 24:34

Tiu kia bededỹỹnanaule heka bedekõnyna rexihukre.

Mateu 24:48

Ibinamy tahe tii rõhõtinykeki, kiawesemy riwinykre: Deòdumy raòhòtemyhỹ, lisilemy ronymyhỹ, riroximyhỹ momodu mahãdu‑wana riõmyhỹ. Tii ixidee rarybekre: —Wawedu kedehemynyõtyhy, aõtxile ariwinykre.

Mateu 25:13

Tahe Jesuisi rarybere: —Tai kaiboho bexiywinymy ahãbenyke wadehemynyna biijebeny. Teerytenykõte dori tiubo adòòsekre.

Mateu 26:64

Jesuisi dirawyònyde tamy: —Kaile kia tarybete. Ibutumy iny‑ò ararybekre: —Kaiboho ibutumy bobibenykre Deuxu Riòre Hãbutyhyhykỹmy, jiarỹle wahe. Tii heka Deuxu rurunawe‑ribi heka ronykre. Iribi tahe kanakre biuwetyky‑ki. Jiarỹle wahe tiire.

Mateu 4:12

Joaõ òludu heka ròtenawo‑ki ritidira. Kia Jesuisi roholareu, Kalileia bede‑ò ròòsere.

Marku 13:26

Iny retehekre Deuxu Riòre dehemynyna‑di. Biurawetyky‑ribi kodobehekre. Kia heka lobixina kanabòtòranykre.

Luka 18:8

Tii inatyhymy taijoi mahãdu riwiòhenanykre. Jiarỹ, Deuxu Riòre Hãbutyhyhykỹ wymy adehemynykreu, watyhydỹỹdu‑txi aõbo areakre.

Luka 21:27

Iny retehekre Deuxu Riòre, Hãbutyhyhykỹ dehemynyna‑di. Biurawetyky‑ribi kodobehekre tatyhy‑di.

Joaõ 7:1

Judeu mahãdu Jesuisi rubudỹỹmy rurumyhỹre. Tai tahe Judeia bede ludu hãwã‑ò ralòõmyhỹre. Kalileia bede hãwãdile rariamyhỹre.

Aõhebo Rotỹỹnyre 17:10

Kiaru tahe ityhydỹỹduõ Pauloboho riwiòhenanymy iribi riòlònykemy Bereia hãwã‑ò. Tahe rehemyhỹreu, dohodỹỹna‑ò ròirenyre.

Aõhebo Rotỹỹnyre 17:14

Tahe ityhydỹỹdu seriòre mahãdu aõwesele Paulo riteònyrenyre ahohokỹry‑di. Sila, Tximòtxi taile rarire.

Aõhebo Rotỹỹnyre 20:1

Kia jei jei rybe rexihureu, Paulo tahe taerydỹỹna mahãdu‑ò tarybe riteònyre tiiboho kanakemy. Tahe rakrekou tyremy tamyreny Deuxu rybe‑di rotohonyrenyre Deuxudeewimy rierykemy. Idi tahe ritobinyrenyre. Rare heka Macedonia bede‑ò.

Aõhebo Rotỹỹnyre 8:1

Salu tahe kia òbitimy raremyhỹ rõhõtinyre, Estevaõ rurureu.