Luka 6:48 - Karajá Novo Testamento

^48-49 Hãbuõmy akoreny arelyykre. Tii warybe‑ò roholare idi imynany rotỹỹnyre. Tii kiata taheto riwinyre manadelemy ria‑di. Beòra iheto reseõhyyre manatyre‑ki relereki wahe. Ikõmyta warybe‑ò roholakõre, kawese rotỹỹnyre. Taheto uritere sukile riwinyre. Beòrau ta, urile resere. Ikyhynakõreki wahe. Kiamyta rotỹỹnyre warybe tyhydỹỹdu‑ò idi ityhydỹỹdukõ‑ò.

Luka 6:48 ပူးပေါင်းရင်းမြစ်များ

Luka 6:47

Tiwese hãbu warybe riywinyre wese adee ararybekre. Tiu heka ariteòsinykre.

Joaõ 16:33

Kaheka aõna aõnamy adeereny rarybere ywina‑di araykyreny‑ki boibekre. Bede‑ki kaiboho aõhõkỹmy botỹỹnybenykre. Ihãrele beysabenyke, Jiarỹ heka Deuxu òludu mahãdu‑di ròtara.

Aõhebo Rotỹỹnyre 14:22

Ibutumy hãwã‑ki Pauloboho ityhydỹỹdu mahãdu riwiòhenanyrenyre, tiiboho rityhynyhyymy ratximyhỹkemy. Tamyreny rarybere: —Kaiboho aõhõkỹmy botỹỹnybenyke, ihãrele malòkemy titxibo Deuxu Iòlò ratximyhỹre‑ò.

Efesu-ò 2:20

Deuxu rybedu, tadeòdu‑wana hetoõ wesemy kaiboho boibekre. Jesuisi Kristule iko ludu mana wese rare.

2 Tximòtxi‑ò 2:19

Deuxu hõrõ tahe inatyhymy rỹirakre. Kia tahe urihixina rare: —Deuxu tahõrõ mahãdu rierymyhỹre. Ijõ tahe: Inynyrỹ ijoimy iximy rybedu, òraruna heka riatykre.

2 Pedro 1:10

Tai waseriòreboho marurunybenyke atyhymy boibekemy, aityhydỹỹna tyyhydỹỹmy boibekemy. Tai tiu òraruna‑txi aixeõna.

1 Juaõ 2:28

Wiji, wariòre wese aõu aõu boibekemy Deuxu mahãduy‑ki. Tai Jesuisi kaò kedehemynykeu, buberuõtyhy ada maixỹruòtyhy ilau.

Judasi 1:24

Òraruna lau taruru‑di Deuxu arayrubunymy ratximyhỹre. Tii arateòsinykre yramy, tako‑ò wowydyna‑wana.