Luka 10:27 - Karajá Novo Testamento

²⁷ Tii tahe diwyònyde timybo tyyriti‑ki roimyhỹre myna: —Deuxu adinodureny, ibutumy awo‑ribi iluuke, ibutumy arayky‑ribi aruruna‑ribi, ayky‑ribi heka iluuke. Tule ibutumy iny ixiwesemy idi atximahãke.

Luka 10:27 ပူးပေါင်းရင်းမြစ်များ

Mateu 19:19

Adi boo‑wana bityhynyke, iwese ixiluure wese heka abireludu mahãdu luuke.

Luka 10:26

Jesuisi dirawyònyde: —Timybo kỹnyhe Moisesi bede ywina tyyriti‑ki roimyhỹre? Timybo tuu manarybekre.

Roma‑ò 13:9

Ibutumy Deuxudeewire heka kaa rare. Aeryna luumy iwese ixiluure wese, tahe tamy ibinaõre. Kai rubudỹỹõmy aõbo, ada wasimy iribi texiwonyte ada ihãwyy‑wana maòtakemy aõbo, texinohõtidỹỹnyte. Uritere aõbina‑di ixinohõtidỹỹõmy aeryna‑ò. Uritere aõbina widỹỹõmy. Aerynaluumy mabeke iwese kai ixiluure wese wahe.

Alatxia-ò 5:13

Kaiboho Deuxu arateònyrenyre, urile òraruõmy boibeke kaiboho bede ywina‑ribi ixinamy boibeke. Wii biwiòhenanymyhỹbenyke, wiluurenykemy.

Hebreu‑ò 8:10

Kiawese bede ywidỹỹna tỹmyra rarekre, Wanyrỹ Deuxu rarybere: —Wabede ywina iraykywydyna‑di ariritinykre iwo‑ò aritidikre wabede ywina. Jiarỹ iDeuxumy ararekre, tule tiiboho wasỹ ijoimy roirekre.

Txiau Ryberiti 2:8

Kia bede ywina rybe‑ki roire: iwese ixiluure wese, aerykõdu mahãdu luuke, wiery mahãdu wahe, abireludu wahe. Kia bede ywina biywinykeki, awimy botỹỹnymy mabeke.

1 Juaõ 3:18

Wariòre wese, luuna urile tuu rybena aõkõ rare. Aõhebo rotỹỹnykemy ihỹre. Kia tahe aluuna inatyhymy biteòsinyke.