Joaõ 7:37 - Karajá Novo Testamento

³⁷ Ihewotxu worana bedehesi aõnihikỹtyhy rare. Jesuisi iu rexiukỹnyre rarybekemy: —Inyõ bemomy risakeki, wadee kanake, riõke.

Joaõ 7:37 ပူးပေါင်းရင်းမြစ်များ

Mateu 11:28

Elehydỹỹmy buruke aõbo? Manake wadee. Jiarỹ heka araelehynykre.

Mateu 3:3

Joaõmy heka Isaia ihetxiu riritinyre kawese: Inyõ bederahy‑ki ryryreri: —Inynyrỹ dee ryòbiti biwinyke. Biywinyke ryõ tamy kanakemy.

Mateu 5:6

Inyõ‑ò òbitinamy lobiximy rurukeki tahe teysamy rarekre. Deuxu tamy òbitina riwahinykre.

Joaõ 1:23

Tahe Joaõ rarybere: —Jiarỹ Isaia Deuxumy rybedu wesele adeereny ararybekre. Jiarỹ rybeterenaduõ jiarỹ rare. Jiarỹ bederahy‑ki iny‑ò rarywãhã. Inynyrỹ‑ò ryõ biòbitinyke.

Joaõ 14:6

Jesuisi dirawyònyde: —Jiarỹ wa ryy rare. Deuxu inatyhyna jiarỹ rare. Umytuedeõna wahidỹỹdu jiarỹ rare. Inyõ waòrarukile Waha dee rakre.

Joaõ 4:10

Tahe Jesuisi rirawyònyre: —Kai heka teeryõhyyteri mobo jiarỹ rare wahe. Tule, Deuxu wahisidỹỹna teeryõte. Tiwaeryteriwana kai bedexitòenyke, tahe bee irumy ihỹre adee ariwahinyke.

Joaõ 4:11

Hãwyy rarybere: —Wahĩ, timybo bee irumy ihỹre wadeke kanakre. Kai ahynakõre, hãloko heka behekỹre bee irehere. Timybo bee iru kumy‑wana ratxireri.

Joaõ 4:14

Jiarỹ bee ariwahinyke. Inyõ tahe kiabemy riõke‑wana, tiu bemy tamy umytuedeõnahakỹ riwahinyhyymyhỹre.

Joaõ 5:40

Ihãrele tahe wadee taõmahãte adeereny umytuedeòna ariwahinykemy.

Joaõ 6:35

Jesuisi iximy rarybere: —Jiarỹ orotxu irutyhymy rare. Inyõ wadee kanakeki, tiu rama risaõtyhy. Inyõ riwatyhynykeki, tiu bee risaõtyhy.

Joaõ 6:37

Ibutumy iny Waha wadee riwahinymyhỹre wadee kanakre. Tiu ixi‑ribi ariteònyõtyhy.

Joaõ 6:55

Wade heka juhu irònatyhy rare, wahãlubu tu monatyhy rare.

Joaõ 7:28

Jesuisi tahe Deuxu dohodỹỹna heto‑ki ribideerynymyhỹreu rarybere: —Kaiboho tiwaerytenyte, titxiribibo anade tule teerytenyte. Tahe wateòdỹỹdu teeryõtenyte. Teròwymy heka jiarỹ anade. Tule tii inatyhytyhymy rare.

1 Oritxi-ò 10:21

Wanyrỹ monamy biõkeki, tai diabo monamy tule biõõke. Wanyrỹ roxi‑ki biroxikreki, tule tai diabo rỹsỹna rỹsỹõmykre.

1 Oritxi-ò 10:4

Deuxu Tyytybytyhy mona sohojile ihỹre. Bee manay‑ribi nade. Mana tahe Kristuweselemy ihỹmyhỹre. Inynyrỹ kiamy roiremyhỹu. Deuxudeewimy aõkõ riwinymyhỹre. Tai rurure bedero‑ki. Kia tahe inydeereny bedeery urihixina erysydỹỹnamy ratxireri, inyboho‑dori aõbina widỹỹna aõkõ rokohotinyrenykemy, iwese tiiboho riwinyre wese aõkõ.

1 Oritxi-ò 11:25

Tule riymyhỹre rahudi, tahe bemona hyna rimyra, idi tahe rarybera: —Kia heka wadeewimy Deuxu, iny‑wana ratximyhỹre. Wahãlubu òraru‑ki kia riwinyre. Kia biõmahãbenykreu, aõu watxi õhõtireny reakemy.

1 Oritxi-ò 12:13

Sohoji sohoji mahãdu‑ribi rabutura, ijõ judeu mahãdu‑ribi, ijõ judeukõdu mahãdu‑ribi, ijõ deòdu mahãdu‑ribi, ijõ deòdukõdu mahãdu‑ribi. Wiji tahe Deuxu Tyytybytyhy‑di sohoji hõrõmy iny rỹire. Idi tahe inyboho tỹximy rỹire.

Efesu-ò 5:18

Vĩĩ mona‑di axaxa rubudỹỹna wesemy aõkõ matxibenyke. Kia tahe aõnityhyre, tumodu wahe. Tahe Deuxu Tyytybytyhy heka atykymy ralòmy boibeke.

Apocalipse 21:6

Kia ixyby narybede: —Ibutumy relera. Jiarỹ dori AA rare YY rare Juhuludu rare ikonanaludu rare. Inyõ bemomo risakeki, tamy iòwykõlemy ariõkre, beòlònaberu‑ribi wahe.

Apocalipse 22:1

Idi ỹju wadee riteòsinyre, iru wahidỹỹna berohokỹ. Ibelyramy Deuxu rynana, Budoeni rynana‑ribi òlòdu wahe.

Apocalipse 22:17

Deuxu Tyytybytyhy rarybere: —Manake! Tule hãwyymy hãbumy heridu tule rarybere: —Manke! Ibutumy ijohodu tule marybeke: Jiarỹ, Juaõ, tule rarybere: —Manake! Ibutumy iny bemy rurumyhỹre mahãdu tule manake irube biõke. Iòwy‑di aõkõ heka rare.