Itundu dja mbɛ dja Luk atanda 15:28 - Kota Kiwoyeti (koq) NT Portions

²⁸ Ya, mwana wa boho anganya, ya ango abena ikweyaka o Elongwɛ. Ya hangwɛ apwa ibɔndɔkɔ ango ikweyaka o Elongwɛ.

Itundu dja mbɛ dja Luk atanda 15:28 ပူးပေါင်းရင်းမြစ်များ

Itundu dja mbɛ dja Luk atanda 15:2

Ya bafalizɛ, na melɔnji mya Nceko, bakakwa Zɛzi na isɔhɔkɔ te: «Otɛ moto, ahimɛ bato bamesɛmbɛ, na ijaka bango ango!»

Itundu dja mbɛ dja Luk atanda 7:39

Usɛ, falizɛ amubanga Zɛzi ijaka bya ango aji, atatuba okatɔ wa lema mweji te: «Moto tɛ ndijaka ntɔci, amucoyeba mwehito apita ango otɛ, te aje mwehito wamesɛmbɛ.»

Bemba 14:2

Nde iyate ngabo ya ba-Zufi ya benasa ibukwɛcɛ. Ya bango basomɛ baji tekaja ba-Zufi na izɛcɛ bango ijaka namatemange ma ibebe na bana nyangwɛ bamukala babukwɛ.

Bemba 13:45

Usya bango ayɛnɛsɛ bato buce, ya ba-Zufi babeka zɔku. Ya bango bacɛcɛ Pɔli na ilowaka ango.

Itundu dja mbɛ dja Luk atanda 24:47

belwakasa atanda jinɔ jeji o hehe yahajɛ, itasɛcɛ bya Zɛlizalami, na ibangaka mɔngɔ mwa ahajɛ ihongɛcɛ melema, na bosina bwa Zambe eyɛnɛcɛ cɛyi ya mesɛmbɛ myango.

Itundu dja mbɛ dja Luk atanda 13:34

«Bihi bato ba Zɛlizalami, bihi bato ba Zɛlizalami, byaboma mentɔci! Na ihazaka ba bamuloma bihi, mamanya! Bekusi kweya bya mamuhaka isojɛcɛ bato bɔbɛ okuna mɛ, nda nyangwɛ wa hoho asojɛ bana hoho oha mapapaka meji, nde bihi bamunɔnɔ!

Itundu dja mbɛ dja Luk atanda 5:30

Bafalizɛ na melɔnji mya Nceko, bajasa bango ango, bakakwakasa ango, na isɔhɔkɔ na bayokwɛ ba Zɛzi te: «Ya byaja na iwanka bihi na bakwe babokula na bato bamesɛmbɛ bende?»

Bemba 14:19

Usɛ ba-Zufi bɛ bayengakasa bya Atyɔsi na bya Ikonimi ba-Zufi, basomɛkɛsɛ lupu jɛ ya jango iyimɛ ibekaka na ilɛbɛcɛ Pɔli ma manyan ibomaka ango ya bango bapojɛ ango o etafɛlɛ, bayebasa te ewa.

Bemba 13:50

Nde ba-Zufi basomɛkɛsɛ bahito ba mbɛ basiswakasa Zambe na iyebaka tuma eji, na bato babayima o etafɛlɛ. Ya bango ngumba ya bandenjɛ Pɔli na Banabasi na ipepaka bango o mɔngɔ mwango.

Itundu dja mbɛ dja Luk atanda 15:27

YA, njazi mwahungwɛ neji te: “Yɛ, zimi ɔbɛ amulumya, ya hɔngwɛ amuboma mwa nyate wa inɛnɛ wɛ, bosina bwa ango amukumɛ mwana eji, na nyo ya bɔnhu.”

Itundu dja mbɛ dja Luk atanda 15:29

Nde, mwana eji wa boho ahungwɛ neji te: “Biyoka, moyɛne te, mebeka menkola buce mya majaza na nɔbɛ, matabena mapeko ma ɔbɛ. Nde, motowɛ imɛ mwa mwana wa endɔmbɔ wa isiki ibekaka elɛsi bɛhɛ na bananyangwɛ bamɛ.