Bemba 8:1 - Kota Kiwoyeti (koq) NT Portions

¹ Sɔli ahimɛ te babomace Etyɛni. Buya bwɛ, bwa batasɛsɛ indenjɛcɛ buka bwa Babukwɛ baji bya Zɛluzalɛmi. Babukwɛ bahajɛ, nde habe bayokwɛ, ya bango bahanga na ilwaka o beposi bya Zude na Samali.

Bemba 8:1 ပူးပေါင်းရင်းမြစ်များ

Bemba 22:20

Na ilɛlɛ ja Etiyɛni wa njazi mwɔbɛ majasa okate. Majasa mehimɛ, imɛ ma kɔlɔsɔ mekanda mya bato ba bomasa Etiyɛni.”

Bemba 7:58

balwa neji bopama na Etafɛlɛ na ihazaka ango mamanya ibomaka ango. Bakɔbɛ bajikasa menkanda myango oboho bwa mwa ndomana wa jinɔ te Sɔli.

Bemba 5:40

Ya bango babanga batɔtu, baloma ihazaka bango menkula, ba himba bango isɔhɔkɔ na jinɔ ja Zɛzi kilisite ba yɛjɛ te bango.

Bemba 5:33

Usya, bato ba yumbu ya inɛnɛ ya ba-Zufi bayokasa ma yɔhɔkɔ mɛ ba nganya bahakasa ibomaka bango.

Bemba 1:8

Nde bihi byekwaka pizo, usya Ekokoyi ya Pu yehulaka ukwa bihi na tuma, usɛ byejaka bamukɔbɛ okate bya Zɛluzalɛmi, na bya Zude wahajɛ na o Samali na o maluma ma hehe yahajɛ.»

Bemba 8:14

Usya batɔtu bajasa bya Zɛluzalɛmi ya bango bayoka te ba Samali behimɛ iyɔkɔ ja Zambe ya bango baloma pyɛli na Za.

Bemba 9:31

Buka bwa babukwe bahajɛ ba mɔngɔ mwa Zude, Ngalile na Samali bajasa o Itabu, banɛnɛkɛsɛ na ibukwɛ, bajakasa isiswaka Ku, na ibuwaka na ngamo ya Ekokoyi ya Pu.

Bemba 8:4

Ba bandenjɛsɛ, balwakasa atanda itindu ja mbɛ o masi ma bango bayekanakasa.

Bemba 13:1

Nde o buka bwa babukwɛ ba Atyɔsi, yajasa na mentɔci na melɔnji: Banabasi, Simyɔn wa kombo te Nanga-nanga, lisyɔsi wa etafɛlɛ ya Silɛni, Manayɛni, wa Elodi Antipasi anɛnɛsɛ, na Sɔli.

Bemba 7:38

Ango usya lupu ja asɔnɔsɔ o bɔngɔ, ajasa opanga bakɔkɔ bamini na ngɛlɛ asɔhɔkɔsɔ na neji o ibete ja jinɔ te Sinahi, ayokasa mayɔkɔ ma mombo ma Zambe atandasa itandaka bɛhɛ.

Bemba 5:20

«Lwakayi, o Elongwɛ ya Zambe, sɔhɔkɔ na lupu mayɔkɔ buce ma ndonga ya ihɛnwu.»

Bemba 5:18

ya bango banda batɔtu na ihujɛcɛ bango o joko munɛnɛ.

Bemba 2:47

Ba somɛkɛsɛ Zambe, na lupu jahajɛ ja kwakasa ngamo ya bango. Minyan mahajɛ, Ku alomakasa o lupu ja ango Bato bayongasa.

Bemba 7:54

Usya bayumbu ya inɛnɛ ya ba-Zufi bayokasa nɛ, banganya na ihiyaka minɔn na bosina ibweji.

Bemba 8:2

Nde bato bahongololo bakona Etyɛni na ingweyaka buce.

Bemba 8:5

Filipi, alwasa bya Etafɛlɛ ya Samali itandaka itundu ja kilisite.

Bemba 13:36

Davidi osindi eji ajazasa na Zambe, abekasa bemba bya Zambe anɔnɔsɔ Davidi, te awa. Usya ango awasa ya bakona ango okuna bakɔkɔ baji, ya ango abɔ o ehanda.

Bemba 26:10

Yango ya mabekasa bya Zɛluzalɛmi: Mahujɛkɛsɛ bato ba Pu buce babukwɛkɛsɛ Zɛzi o menjoko, bosina te menɛni mya bawe babebuwa bawɛsɛ imɛ pizo, na usya Bahujɛsɛ bango o nyanwu mwa ilɛlɛ, mahimɛkɛsɛ jambo mɛnɛ