Bemba 26:11 - Kota Kiwoyeti (koq) NT Portions

¹¹ Na o belongwɛ bya membɔndu byahajɛ, mahujɛkɛsɛ bango onyanwu, na ihizɛcɛ bango icɛcɛcɛ ibukwɛ jango. Na ibuku ja inɛnɛ ja mabenakasa bango, mandenjɛkɛsɛ bango ngu na o beposi bya banɛ.»

Bemba 26:11 ပူးပေါင်းရင်းမြစ်များ

Bemba 22:19

Ya mahungwɛ neji te: “Ku, bango ayeba obwɛji te malwakasa o belongwɛ bya mebɔndu byahajɛ ibandaka bajasa na ibukwe nɔbɛ na ihujɛcɛ bango o njoko na ipazɛcɛ bango.

Bemba 13:45

Usya bango ayɛnɛsɛ bato buce, ya ba-Zufi babeka zɔku. Ya bango bacɛcɛ Pɔli na ilowaka ango.

Bemba 22:5

Nɛni mwa bawe ba bebuwa na buka bwa bakombo bango benyenitanda te yaje mombo. Bango bamuwɛ imɛ makana ma ilwaka bya etafɛlɛ ya Damasi, ibandaka babukwe baji bimɛnɛ ilwaka na bango bya Zɛluzalɛmi ihujɛcɛ o onyanwu.»

Bemba 9:1

O elɔmɔ yɛ, Sɔli matemanga meji majasa na ibomaka bayokwɛ ba Ku. Ya ango alwa bya we mwa bebuwa munɛnɛ mwaji

Zaki 2:7

Habe bango okayi balowa jinɔ ja mbɛ ja bamuwɛ bihi jɛ?

Bemba 18:6

Nde ba-Zufi bajasa kanganga na neji na ilowaka ango, ya ango akukwɛ ihululu ja mekanda myeji na isɔhɔkɔ na bango te: «Maza ma bihi matuwake ukwa molo mwa bihi majetɛ Pu. Osatɛ, melwaka bya baji teka ja ba-Zufi baji.»

Itundu dja mbɛ dja Luk atanda 21:12

«Nde, boho na bemba byɛ byahajɛ, be bandaka bihi, be ndenjɛcɛ bihi, be lwaka na bihi o belongwɛ bya mebɔndu ipabaka bihi, be hujɛcɛ bihi o joko, be lwaka na bihi o boho bwa menkani, na menɛni na bosina bwa jinɔ jamɛ.

Itundu dja mbɛ dja Luk atanda 15:17

Usɛ, ya ango atemanga na isɔhɔkɔ te: “Bya mboka hangwɛ amɛ aje na bajazi buce, baji na maja buce, nde, imɛ byete majetɛ na za!

Itundu dja mbɛ dja Luk atanda 6:11

Nde melɔnji mya nceko mwa Zambe na bafalizɛ banganya buce, na iyokanaka opanga ango, ihakaka etɛ ya bango benyeni beka na Zɛzi.