Bemba 24:5 - Kota Kiwoyeti (koq) NT Portions

⁵ Bɛhɛ bayɛne te moto otɛ aje bohihi buce: Ango abeka ebumba bya ba-Zufi bamyɔngɔ myahajɛ, ango okayi nɛni mwa buka bwa ba-Nazalɛti.

Bemba 24:5 ပူးပေါင်းရင်းမြစ်များ

Bemba 28:22

Nde bɛhɛ bahaka te otandace na honko imwɔbɛ amɛnɛ bya otemanga, bosina te o masi mahajɛ bato bango asɔhɔ bobe na buka bomulwa ikumɛcɛ bwɛ.»

Bemba 24:14

Nde mahimɛ oboho bwɔbɛ te: majaza na Zambe wa bakɔkɔ bamini na ihinjɛcɛ pɛyi ya Ku ya bango babanga imbɔmɔ. Nde imɛ mabukwɛ bya bakwɛlɛsɛ o nceko na o buku ba mentɔci

Bemba 26:5

Bahajɛ bayebakasa mɛ sondi ya ka, banyenikwa ngamo amɛ, ice banɔnɔ, te majasa moto lupu ja ba-Falizɛ, mbaza yaji pinini o mambo ma nceko.

Bemba 15:5

Nde iyate ngabo ya buka bwa Bafalizɛ bakalasa babukwɛ bayemwa isɔhɔkɔ te: «Ya byamuja teka pubɛ bango saci nde? Na ilomaka bango isiswaka mapeko ma Moyizi.»

Bemba 21:28

Ya bango bapotanga te: «Bato ba-Izahɛli, yako nyamwace bɛhɛ, taka moto ahɛlɛ bato bahajɛ na o masi mahajɛ, bemba bya bobe ukwa lupu ja Izahɛli, na Nceko mwa Moyizi na isi ya mina jetɛ! Ekweya na ba ngɛlɛki o Elongwɛ ya Zambe na ihemaka isi wa Pu ete!»

Bemba 5:17

Nɛni mwa bawe ba bebuwa na bango na ango bajasa, basadusɛyɛni, mohino mwa banda bango na jambo jɛ ya bango bayemwa

Itundu dja mbɛ dja Luk atanda 23:2

Okate, ya bango ba koma ihacɛcɛ ango ibuza ja te: «Bɛhɛ amukumɛ moto otɛ isomɛcɛ mɔngɔ mwa jaho, ya ango asɔhɔ na bango te, teka huta bokula bwa Sezali wa nkani, na imɛmɛcɛ te, ango Kilisitɛ, aje te na Nkani.»

Bemba 22:22

Lupu jayokasa Pɔli ngu boluma bwa bekana byɛ, nde jango jahajɛ japotanga te: «Lapɛce moto wɛ! Bomaka ango! Wɛ teka nyenija o hehe etɛ!»

Bemba 6:13

Batanda bemba bya obonda te: «Moto otɛ asɔhɔ bobe na Elongwɛ ya Pu na ceko mwa Moyizi

Itundu dja mbɛ dja Luk atanda 23:25

Ya ango ayejɛsɛ moto akweyasa o joko bosina bwa ango ajasa o ebumba, na moto wa ango bomasa. Moto mɛnɛ ajasa Balabasi, ango wa bango bahimwasa. Nde, ya ango awɛ bango Zɛzi, ibekaka ango emba ya bango banɔnɔ.

Itundu dja mbɛ dja Luk atanda 23:19

Bahujɛsɛ Balabasi o joko, bosina bwa ango ajasa o ebumba ya lupu o betafɛlɛ, na moto wa ango abomasa.

Itundu dja mbɛ dja Luk atanda 23:5

Nde, bango bakangama na isɔhɔkɔ te: «Asomɛkɛsɛ lupu na maheya meji, atasɛsɛ bya njɛnjamɔngɔ ya Ngalile, na bya Zude wa hajɛ, ngu na biyetɛ.»

Bemba 24:4

Nde bɛhɛ bata haka iyataka ɔbɛ elɔmɔ ya buce. Ya ango ya mabɔndɔ te ɔbɛ moto oji na lema mwa mbɛ, yokaka bɛhɛ mwa elɔmɔ bosiki.

Bemba 25:7

Usiya ango ayasa, bato ba bayima ba ba-Zufi bayengasa bya Zɛlizalami bakuba ango na ihacɛcɛ ango mabuza buce, nde bango teka nyenihɛlɛ te mabuza ma bango bahacɛ ango mɛ majɛ mombo.