Bemba 22:1 - Kota Kiwoyeti (koq) NT Portions

¹ «Bana nyangwɛ bamɛ na bahangwɛ bamɛ, biyoka emba ya mangu sɔhɔkɔ na bihi osatɛ ya ikwaka ngamo amɛ.»

Bemba 22:1 ပူးပေါင်းရင်းမြစ်များ

Bemba 7:2

Etyɛni akasa te: «Bana nyangwa amɛ, bahangwɛ bamɛ, biyokamɛ! Zambe wa kuma ahɛlɛ nyo na Abalami, wa tata wa mini, usya ango ajasa bya mezopotami, boho na ango iyaka ijaka bya Kalani,

2 Timote 4:16

Ekusi ya boho ya makwasa ngamo amɛ o boho bwa kombo, teka na moto anyamwasa mɛ. Bahajɛ bafasa mɛ. Te Zambe ayɛnɛce bango cɛyi!

Bemba 28:17

Onyate ya minyan mahanto, Pɔli abanga menɛni mya ba-Zufi ba etafɛlɛ ya Lɔmi. Usiya bango basɔnɔsɔ, asɔhɔ na bango te: «Bana nyangwɛ amɛ, imɛ matabeka emba ya ibebe ukwa lupu ja mini, na mehombo mya bakɔkɔ bamini, nde bahujɛ mɛ o njoko bya Zɛluzalɛmi na iwɛcɛ ango o mabɔ ma ba-Lɔmi.

Bemba 26:24

Usya Pɔli akwakasa ngamo eji na njanga mwɛ, ya Fesetusi apota yoce te: «Pɔli, ɔbɛ eboci! Iyeba jɔbɛ jawɛ ɔbɛ boboci!»

Bemba 25:16

Ya mahungwɛ na bango te ba-Lɔmi teka ibonwu ji ihujɛcɛ moto onyanwu mwa ilɛlɛ ango teka bisɔhɔ o boho bwa bato bamufuka ango, na iyokaka imweji nsɔhɔ.

Bemba 25:8

Nde Pɔli akwa ngamo eji na isɔhɔkɔ te: «Imɛ mata sɛmbɛ, na nceko mwa ba-Zufi, na Elongwɛ ya Zambe, ice na nkani mwa inɛnɛ.»

Bemba 24:10

Onyate mɛnɛ ya nɛni mwa njɛnja mɔngɔ mwasimɛ Pɔli isɔhɔkɔ, ya Pɔli asɔhɔ te: «Mayebe te odamba paba mambo ma lupu jaho mekola myahajɛ, bosina mɛnɛ bwa matɛmɛ o boho bwɔbɛ na izimɛ ikambɛcɛ nyo amɛ.

Bemba 23:6

Pɔli ayebasa te iyate ngabo ya bajasa o yumbu ya bajasa ba-Saduseyɛni ibate ba-Falizɛ, ya Pɔli apota yoce o yumbu te: «Bana nyangwɛ amɛ, imɛ Falizɛ, maje mwana wa falizɛ. Bosina bwamaji na ilela ja iyomwe ja bawewe yango yabapaba mɛ etɛ.»

Bemba 23:1

Ya Pɔli asɔzɛ bato bayumbu ya inɛnɛ ya ba-Zufi ya ango asɔhɔ na bango te: «Bana nyangwɛ bamɛ, maje na lema mwa mbɛ mwamajazasa na Zambe ngu na mwenhe.»

Bemba 19:33

Iyate ngabo o lupu batandakasa jambo jɛ na Alɛkisandi, wa ba-Zufi bahizɛkɛsɛ bya mbiya. Alɛkisandi te abesɛ obɔ bweji, ahakakasa ikwaka iyɔkɔ na isɔhɔkɔ o boho bwa lupu.

Bemba 13:26

Bana nyangwamɛ, bato ba buka bwa Abalami na bihi basiwasa Zambe, iyɔkɔ jɛ balomasa jango bya mini baji iyojɛcɛ mini.

Itundu dja mbɛ dja Luk atanda 21:14

Yokakayi obwɛji. Teka temanga bohoboho o melema njanga mwa bekana mwa byenyeni kwa ngamo ya manyo ma bihi.

Itundu dja mbɛ dja Luk atanda 12:11

«Usya belwaka ipabaka bihi o belongwɛ bya mebɔndu, na o boho bwa menɛni na bakapita, teka yɛnɛ ebɛbɛ na pizo yokwaka ngamo ɔbɛ, na etɛ yonyeni isɔhɔ,