Bemba 21:8 - Kota Kiwoyeti (koq) NT Portions

⁸ Buya bwa hinjɛ, bɛhɛ te bahunwana na ipwaka bya etafɛlɛ ya Sezale. Ya bɛhɛ te balwa bya elongwɛ ya Filipi itande mwa itundu ja mbɛ, ajasa o panga bato nanyi na hanto bababɔnɔsɔ bya Zɛluzalɛmi, bɛhɛ te baja bya ango aji.

Bemba 21:8 ပူးပေါင်းရင်းမြစ်များ

Bemba 6:5

Bahajɛ bahimɛ iyɔkɔ jɛ. Babɔnɔ Etyɛni, moto aji na ibukwe na Ekokoyi ya Pu, Philipi, Polokole, Nikanoli, Timɔ, Pamenasi na Nikola, moto wa Atyosi akweyasa obuka bwa ba-Zufi.

2 Timote 4:5

Nde ɔbɛ, jaka ngwɛ o bemba byahajɛ, mbendebaka menzuku, jazaka obwɛji ehaji ɔbɛ ya itandaka Itundu ja mbɛ, na ijazaka ehaji ɔbɛ ya njazi mwa Zambe ngu boluma.

Bemba 28:16

Usiya bɛhɛ bapundasa o etafɛlɛ ya Lɔmi, bajika Pɔli ijaka na ijeji ikutu amɛnɛ na hɔlɛ mwekɔlɔkɔ ango.

Bemba 16:13

O buya bwa iyɔkɔ ja ba-Zufi, ya bɛhɛ bapwa o etafɛlɛ ilwaka bya popoko ya zowa, usɛ, bɛhɛ batemangakasa te bekumɛcɛ isi ya babɔndɔngɔ. Ya bɛhɛ bahula mehisi isɔhɔkɔ na bahito basɔnɔsɔ usɛ.

Bemba 16:10

Onyate ya yɛni ya Pɔli ayɛnɛsɛ, bɛhɛ te balwa bya Masedoni, usɛ bɛhɛ beyeba te, Zambe ebanga bɛhɛ itandaka itundu ja mbɛ bimɛnɛ.

Bemba 9:30

Ya bana nyangwɛ bayoka, ya bango balwa na Sɔli bya Sezali, bya Sezali ya bango baloma ango bya Tasi.

Bemba 28:11

Onyate ya bangɔndɛ bahanto, bɛhɛ te bahakama ukwa embongo, embongo mɛnɛ ya yengakasa bya etafɛlɛ ya Alɛkisandi, yajasa na boho bwa bazambe bamaha ba babanga te: «Kasitɔli na Polusi». Embongo yɛ yajasa usɛ iyecɛcɛ elɔmɔ ya bobe ya inyenwu ja buce o ibongo ja ndobe yɛ.

Bemba 27:1

Usya bango basinjɛsɛ te bɛhɛ belwaka ukwa embongo bya etafɛlɛ ya Itali, ya bawɛ Pɔli na imyate menjoko na nɛni mwa bahɔlɛ sini mwa jinɔ te Zuliyusi, o buka bwa bahɔlɛ ya basɔhɔ te: «Buka bwa bahɔlɛ ba Ogusti, nkani mwa Lɔmi».

Bemba 23:23

Onyate mɛnɛ, ya nɛni mwakɔkɛ bahɔlɛ mwabanga menɛni mya bahɔlɛ sini myemba yango asɔhɔ na bango te: «Sojɛcɛ bahɔlɛ basini baba (200), na bahɔlɛ bahakama ukwa bakabala meboto nanyi na hanto (70), na bahɔlɛ baji na makɔngɔ basiki baba (200), bajace ngwɛ ilwaka bya Sezale usya buya bwebandaka belɔmɔ tanyi na nanyi bwa epundu.

Bemba 20:13

Bɛhɛ te balwakasa boho ihakamaka ukwa embongo ya alwakasa na bɛhɛ bya etafɛlɛ ya Asosi, bya bɛhɛ bekwaka Pɔli. Amɛnɛ ahakasa nɛ, bosina te ahakasa iyekanaka ja njɔnwu na mako.

Bemba 20:6

Nde bɛhɛ, bahakamasa o embongo bya etafɛlɛ Filipi onyate ya minyan ma elɛsi ya pɛmbɛ mwa teka levɛn, o nyate ya minya matanyi, na bɛhɛ ilwaka ikumɛcɛ bango bya etafɛlɛ ya Towasi, bya bɛhɛ babekasa na sɔni wa ntula.

Bemba 18:22

Ya ango apunda bya etafɛlɛ ya Sezali, ya ango beta boho bya Zɛluzalɛmi isosaka buka bwa babukwɛ, na ihukwanaka bya etafɛlɛ ya Atyɔsi.

Bemba 16:16

Ibwate buya usya bɛhɛ balwakasa usya membɔndu, ya koma mwa mwehito mwaya itakaka na bɛhɛ: ajasa na ekokoyi ya mbɔmɔ ya wɛkɛsɛ ango masɔlu malungu, okɔngɔ mweji, melɔnji mweji myabɔmɔkɔsɔ balɔlɔ buce, na masɔlu mɛ.

Bemba 10:1

Ya ajasa bya Sezali na moto wa jinɔ te Kɔnɛli, ajasa nɛni mwa bahɔlɛ sini obuka bwa bahɔlɛ ba Lɔmi bwababanga te «buka bwa Itali».

Bemba 21:16

Bayokwɛ bayengasa bɛhɛ na ango bya etafɛlɛ ya Sezale balwa ihɛlɛcɛ bɛhɛ isi ya bɛhɛ benangaka, bya mboka ya Nasɔn, ajasa moto wa ndombe ya Sipili, na neji ajasa yokwɛ wa ka.