Bemba 2:4 - Kota Kiwoyeti (koq) NT Portions

⁴ Ba hajɛ bajasa humɔn na Ekokoyi ya Pu, bahula te isɔhɔkɔ malɔngɔ ma banɛ, mabango bajasa teka sɔhɔ, nda Ekokoyi ya Pu ya bekasa te moto nde moto asɔhɔce.

Bemba 2:4 ပူးပေါင်းရင်းမြစ်များ

Bemba 13:52

Nde Bayokwɛ bahisasa, bajasa humɔn na Ekokoyi ya Pu na ncebo.

Bemba 4:31

Usya, bango bahijɛsɛ bobɔndɔngɔkɔ, isi ya bango bajasa ya ningana ahajɛ bajasa bahajɛ humɔ na Ekokoyi ya Pu, batandakasa iyɔkɔ ja Zambe na ibukwɛ ja buce.

Bemba 19:6

Pɔli te ahacɛ mabɔ ukwa ango Ekokoyi ya Pu ya hula ukwa ango, ya bango bahula isɔhɔkɔ malɔngɔ ma bango teka yeba na isɔlɔkɔ.

Bemba 10:46

Bosina te bayokakasa bango isɔhɔkɔ imate malɔngɔ na isomɛcɛ Zambe. Okate ya Pyɛli ahuwana basɔhɔko te:

Bemba 9:17

Ya Ananyasi alwa: usya ango akweya o elongwɛ, ya ango ahacɛ mabɔ ukwe eji na isɔhɔkɔ te: «Sɔli, mwana nyangwɛ amɛ, Ku Zɛzi, amuhɛlɛ nyo na nɔbɛ na pɛyi, ango amuloma imɛ ijibwaka ɔbɛ myɔn ete Ekokoyi ya Pu yahulace ukwa ɔbɛ.»

Bemba 7:55

Nde Etyɛni ajasa humɔn na Ekokoyi ya pu, atakasa iko na iyɛnɛcɛ kuma ya Zambe na iyɛnɛcɛ Zɛzi tɛtɛ o epɛhi yobɔ wa hangwɛ bwa Zambe.

Bemba 1:5

Za ango amuluba bihi o nso, nde bihi, minyan mayamɛ, belubaka bihi na Ekokoyi ya Pu.»

Bemba 13:9

Okate Sɔli (wa babangakasa neji te Pɔli), ajasa humɔ ne Ekokoyi ya Pu, asɔzɛ te ango

Bemba 2:11

na ba njenja mɔngɔ ya Kɛlɛti, na Alabi, iyate ngabo ya jibwɛ ba-Zufi, na meceyi mya teka ja ba-Zufi mya kala babukwe o buka bwa ba-Zufi mina ngwayoka nda bango basɔhɔ o malɔngɔ ma mini bemba binɛnɛ bya Zambe amubeka.»

Itundu dja mbɛ dja Luk atanda 12:12

bosina te Ekokoyi ya Pu yabiwɛcɛ ɔbɛ bekana bya opwɛcɛ o honko mwɔbɛ.»

Bemba 4:8

Usɛ Pyɛli, ajasa humɔn na Ekokoyi ya Pu, asɔhɔ na bango te: «Bakapita ba lupu na Bakombo,

Itundu dja mbɛ dja Luk atanda 4:1

Usya Zɛzi ayengasa bya zowa ya Zudɛn, ajasa humɔn na Ekokoyi ya Pu, okate, ya yango yahongɛ ango bya bɔngɔ.

Bemba 11:15

Nde usya majasa obosɔhɔkɔ, Ekokoyi ya Pu yahula ukwa bango bahajɛ nda o itasɛ.

Bemba 6:5

Bahajɛ bahimɛ iyɔkɔ jɛ. Babɔnɔ Etyɛni, moto aji na ibukwe na Ekokoyi ya Pu, Philipi, Polokole, Nikanoli, Timɔ, Pamenasi na Nikola, moto wa Atyosi akweyasa obuka bwa ba-Zufi.

Bemba 6:3

Mwana nyangwɛ amɛ, bɔnɔkɔ opanga bihi, bato nanyi na hanto baji na bejɛmi bya mbɛ o panga bihi, humɔn na Ekokoyi ya Pu na bokombo, mine wɛcɛ bango ehaji ya ikabaka maja.

Bemba 1:8

Nde bihi byekwaka pizo, usya Ekokoyi ya Pu yehulaka ukwa bihi na tuma, usɛ byejaka bamukɔbɛ okate bya Zɛluzalɛmi, na bya Zude wahajɛ na o Samali na o maluma ma hehe yahajɛ.»

Itundu dja mbɛ dja Luk atanda 1:15

bosina te abijaka njazi munɛnɛ mwa Ku wa mini. Mwaji wan maku nde maku, ejaka humɔn na Ekokoyi ya Pu aneci o mwɛnyi mwa nyangwɛ.

Bemba 11:24

Bosina te ajasa Moto wa mbɛ, ajasa humɔn na Ekokoyi na ibukwɛ ja inɛnɛ. Bato buce bahimɛ Ku.

Bemba 6:8

Etyɛni, humɔn na ngamo na tuma, abekakasa beyaya na mandembo minɛnɛ opanga lupu.

Itundu dja mbɛ dja Luk atanda 21:15

Bosina te, mabiwɛcɛ bihi mayɔkɔ ma mbɛ na bokombo, bwa bapala ba bihi be jaka teka petwɛ na icɛcɛcɛ.

Itundu dja mbɛ dja Luk atanda 1:67

Ekokoyi ya Pu yalozɛ Zakali hangwɛ wa mwana, ahula isɔhɔkɔ nda ntɔci te:

Itundu dja mbɛ dja Luk atanda 1:41

O elɔmɔ ya Elizabɛti ayoka nda Mali asosa ango, mwana te aningana ango o mwɛnyi, Ekokoyi ya Pu yalozɛ ango.

Bemba 2:3

Ya bango bayɛnɛ bemba bya nda moji mwa weya ihulaka o iko na ihangaka, na ihakamaka ukwa myolo mya ango.

Bemba 8:17

Ya Pyɛli na Za bahacɛ mabɔ ukwa bango, ya Ekokoyi ya Pu yahula ukwa ango.

Bemba 10:47

«Mini, banyɛni bena bato batɛ ilubaka bango o nso ba Ekokoyi ya Pu yamuhula ukwa ango nda mini?»

Bemba 15:8

Zambe, ayeba melema mya bato, ango te ahɛlɛ te ehimɛ baji teka ja ba-Zufi usya ango amuwɛ bango ekokoyi ya Pu nda mini.