Bemba 18:2 - Kota Kiwoyeti (koq) NT Portions

² Ya ango atakana na Zufi wa jinɔ te Akilasi, ajibwɛsɛ o njɛnja mɔngɔ ya Pɔn: ayengasa bya Itali bango na mwaji eji, Pisili, bosina te kolodi wa nkani mwa inɛnɛ alomasa te ba-Zufi bahajɛ bamanyace Lɔmi. Pɔli te alwa ikumɛcɛ bango

Bemba 18:2 ပူးပေါင်းရင်းမြစ်များ

2 Timote 4:19

Soswaka Pisili na Akilasi, na buka bwa Onesifoli.

Bemba 18:26

Asohɔkɔsɔ na tuma o elongwɛ ya membɔndu. Usya bahijɛsɛ iyokaka ango, Pisili na Akilasi bakwa ango itandaka ango obweji pɛyi ya Zambe.

Bemba 11:28

Iwate opango bango, wa jinɔ te, Angabisi ya ango ayemwa na pizo ya Ekokoyi na isɔhɔkɔ te mokuku mwa za mwetuwa o mɔngɔ mwahajɛ. Za yɛ yatuwasa, osondi ya Kolodi ajasa nkani.

Bemba 18:18

Pɔli ahimwasa buce bya kɔlɛti. Onyate mɛnɛ amanya te na bana nyangwɛ na bakaji na ilwaka bya etafɛlɛ ya Sili bango na Pisili na Akilasi. Boho, ajasa ecɛnjɛ molo bya Sankɛli, bosina te ajasa esinjɛ mapanga.

Bemba 2:9

O panga mini, yaje na bamuyenga o betomba bya Pati, o Medi na Elami. Na bato baja bya njenja mɔngɔ ya Mezopotami, na Zude na ba Kapadosi, na bya Pɔti na njenja mɔngɔ ya Azi,

Bemba 27:1

Usya bango basinjɛsɛ te bɛhɛ belwaka ukwa embongo bya etafɛlɛ ya Itali, ya bawɛ Pɔli na imyate menjoko na nɛni mwa bahɔlɛ sini mwa jinɔ te Zuliyusi, o buka bwa bahɔlɛ ya basɔhɔ te: «Buka bwa bahɔlɛ ba Ogusti, nkani mwa Lɔmi».

Bemba 27:6

Usɛ ya nɛni mwa bahɔlɛ sini mwakumɛ embongo ya etafɛlɛ ya Alɛkisandi ya lwakasa bya Itali, ya ango ahacɛ bɛhɛ okate.