Bemba 17:2 - Kota Kiwoyeti (koq) NT Portions

² Nda ibonwu jeji, Pɔli alwakasa bimɛnɛ. O minyan mahanto ma mayɔkɔ ma ba-Zufi, Pɔli abanda icɛcɛ na bato bajasa usɛ na mangwɛli.

Bemba 17:2 ပူးပေါင်းရင်းမြစ်များ

Bemba 9:20

na ibujɛkɔ ahula te itandaka o belongwɛ bya membɔndu te Zɛzi Mwana Zambe.

Bemba 18:4

Minyan Saba mahajɛ, Pɔli akwa iyɔkɔ o elongwɛ ya Zambe na ahakakasa te ba-Zufi na ba-Ngɛlɛki bahimɛce mayɔkɔ mɛ obwɛji.

Bemba 17:17

Abandakasa icɛcɛ na ba-Zufi na babukwɛ bateka ja ba-Zufi o elongwɛ ya membɔndu ya ba-Zufi, na o mehɛnjɛ, minyan mahajɛ, na bayekanakasa.

Bemba 17:10

Usya buya bwa hindasa, bana nyangwɛ ba Pɔli na Silasi babɛmbɛ bango bya etafɛlɛ ya Bele. Usiya bango bapwasa, ya bango balwa o elongwɛ ya ba-Zufi ya membɔndu.

Bemba 14:1

Bya Ikɔniomi, Pɔli na Banabasi bakweya na bango bya elongwɛ ya mebɔndu ya ba-Zufi, na isɔhɔkɔ na bango na bombɛdɛ, ba-Zufi na bateka ja ba-Zufi buce bakala Babukwɛ.

Bemba 13:5

Usya bango apunda bya Salamini, batanda iyɔkɔ ja Zambe o belongwɛ bya mabɔndɔ bya ba-Zufi bajasa bango na Za-Maliki, anyamwakasa bango.

Bemba 28:23

Ya bango basinjɛ mapanga na Pɔli, usiya, buya bwa bango basinjɛsɛ bwa koka, bayasa bato buce ikumɛcɛ ango bya elongwɛ ya ango ajasa. Ya Pɔli alazɛsɛ bango masina ma mambo imanyaka kwaji ngu na ikɔ: Na itandaka jambo ja Etomba ya Zambe na ihakaka te bahimɛce ma basɔhɔ ukwa Zɛzi. Yango ya ango alangasa nceko mwa Moyizi na babuku ba mentɔci.

Bemba 8:35

Filipi akwa iyɔkɔ, boho-boho o makana ma moto wɛ alangakasa na itandaka ango itundu ja mbɛ ja Zɛzi.

Itundu dja mbɛ dja Luk atanda 4:16

Zɛzi ahunwana bya Nazalɛti o betafɛlɛ ya ango anɛnɛsɛ. Buya bwa iyɔkɔ ja ba-Zufi, akweya o Elongwɛ bya mebɔndu yajasa ibonwu jeji. Ya ango alanga Mangwɛli ma Zambe.

Bemba 24:25

Nde, usya Pɔli atasɛsɛ isɔhɔkɔ nda baji hongololo oboho bwa Zambe, nda babanda lema mwɔbɛ na etɛ ya Zambe epabaka mɔngɔ. Ya Felisi ayɛnɛ bɔngɔ ya ango asɔhɔ na Pɔli te: «Yahiya mwenhe mutɛ usya mejaka na elɔmɔ mehunwaka bobangaka ɔbɛ ibwate buya.»

Bemba 19:8

Pɔli alwakasa bekusi byahajɛ o elongwɛ ya mebɔndu, o bangɔndɛ bahanto, akwakasa iyɔkɔ na izime jahajɛ. Asɔhɔkɔsɔ jambo ja Etomba ya Zambe na ibekaka te bayoka bahimɛcɛ.

Bemba 13:14

Bya Pɛze, ya bango bahukwana na ipundaka bya Atyɔsi aji o njenja mɔngɔ ya Pisidi. Ya bango balwa o elongwɛ ya mabɔndɔ o buya bwa ikɔkɔ ja ba-Zufi na ihulaka mehisi.