Bemba 14:2 - Kota Kiwoyeti (koq) NT Portions

² Nde iyate ngabo ya ba-Zufi ya benasa ibukwɛcɛ. Ya bango basomɛ baji tekaja ba-Zufi na izɛcɛ bango ijaka namatemange ma ibebe na bana nyangwɛ bamukala babukwɛ.

Bemba 14:2 ပူးပေါင်းရင်းမြစ်များ

Bemba 13:50

Nde ba-Zufi basomɛkɛsɛ bahito ba mbɛ basiswakasa Zambe na iyebaka tuma eji, na bato babayima o etafɛlɛ. Ya bango ngumba ya bandenjɛ Pɔli na Banabasi na ipepaka bango o mɔngɔ mwango.

Bemba 17:5

Nde ba-Zufi bajasa na ehina. Basɔnɔ na iyate ngabo ya bengenga bya bango bakumɛsɛ o menjɔn, basomɛ lupu na ibekaka ebumba o etafɛlɛ. Ya bango baya bya o elongwɛ ya Zasɔn, ihakaka Pɔli na Silasi ilwaka na bango o boho bwa lupu.

Bemba 14:19

Usɛ ba-Zufi bɛ bayengakasa bya Atyɔsi na bya Ikonimi ba-Zufi, basomɛkɛsɛ lupu jɛ ya jango iyimɛ ibekaka na ilɛbɛcɛ Pɔli ma manyan ibomaka ango ya bango bapojɛ ango o etafɛlɛ, bayebasa te ewa.

Bemba 13:45

Usya bango ayɛnɛsɛ bato buce, ya ba-Zufi babeka zɔku. Ya bango bacɛcɛ Pɔli na ilowaka ango.

Bemba 17:13

Nde usya ba-Zufi ba Tesaloniki bayokasa te Pɔli aje o botandaka iyɔkɔ ja Zambe bya Bele, ya bango baya na ebumba na isomɛcɛ lupu.

Bemba 18:12

O sondi ya Ngalyɔn ajasa nɛni mwa Lɔmi o njɛnja ya Akayi, ba-Zufi bakota ebumba na bosina bwa Pɔli. Ya bango balwa neji o mbaza ya bapaba mambo

Bemba 1:15

O minyan mɛ, bato basɔnɔsɔ baja emba nda sini na memboto memba. Pyɛli te ayemwa o lebebe ya bana nyangwɛ na isɔhɔ te:

Bemba 14:4

O etafɛlɛ, bato buce bahanga: etɛ ngabo yajasa na ba-Zufi, etɛ ngabo ba Batɔtu.

Bemba 14:5

Nde, bato ba etafɛlɛ na ba-Zufi na Kapita bango basɔnɔ ihemaka Pɔli na Banabasi, na ilɛbɛcɛ bango mamanyan ma ibomaka bango.