Bemba 13:5 - Kota Kiwoyeti (koq) NT Portions

⁵ Usya bango apunda bya Salamini, batanda iyɔkɔ ja Zambe o belongwɛ bya mabɔndɔ bya ba-Zufi bajasa bango na Za-Maliki, anyamwakasa bango.

Bemba 13:5 ပူးပေါင်းရင်းမြစ်များ

Bemba 13:14

Bya Pɛze, ya bango bahukwana na ipundaka bya Atyɔsi aji o njenja mɔngɔ ya Pisidi. Ya bango balwa o elongwɛ ya mabɔndɔ o buya bwa ikɔkɔ ja ba-Zufi na ihulaka mehisi.

Bemba 13:46

Okate ya Pɔli na Banabasi basɔho na bango na izemɛ te: «Yanyɛ batanda bihi boho-boho iyokɔ ja Zambe, nde bihi bebena jango, na bosina te bihi mɛnɛ bya angwa ayɛnɛ te bihi teka nyɛni ja na ndonga ya mbɛmbɛyi, ya bɛhɛ bakalwana bya bateka ja ba-Zufi baji.

Bemba 19:8

Pɔli alwakasa bekusi byahajɛ o elongwɛ ya mebɔndu, o bangɔndɛ bahanto, akwakasa iyɔkɔ na izime jahajɛ. Asɔhɔkɔsɔ jambo ja Etomba ya Zambe na ibekaka te bayoka bahimɛcɛ.

Bemba 18:4

Minyan Saba mahajɛ, Pɔli akwa iyɔkɔ o elongwɛ ya Zambe na ahakakasa te ba-Zufi na ba-Ngɛlɛki bahimɛce mayɔkɔ mɛ obwɛji.

Bemba 17:17

Abandakasa icɛcɛ na ba-Zufi na babukwɛ bateka ja ba-Zufi o elongwɛ ya membɔndu ya ba-Zufi, na o mehɛnjɛ, minyan mahajɛ, na bayekanakasa.

Bemba 14:1

Bya Ikɔniomi, Pɔli na Banabasi bakweya na bango bya elongwɛ ya mebɔndu ya ba-Zufi, na isɔhɔkɔ na bango na bombɛdɛ, ba-Zufi na bateka ja ba-Zufi buce bakala Babukwɛ.

Bemba 12:12

Usya ango ayokasa nɛ, ya ango alwa bya Elongwɛ ya Mali, wa nyangwɛ wa Za wa babangakasa te Malɛte, bosina te bato buce bajasa be sɔnɔ bimɛnɛ ibɔndɔngɔkɔ.

Bemba 9:20

na ibujɛkɔ ahula te itandaka o belongwɛ bya membɔndu te Zɛzi Mwana Zambe.

2 Timote 4:11

Luki okayi aji bɛhɛ neji. Yaka bihi na Maliki, bosina bwa ango enyamwaka mɛ o ehaji.

Bemba 15:37

Okate Banabasi ajasa ikangamaka ikwaka na Za wa kombo te Maliki.

Bemba 12:25

Banabasi na Sɔli, bahijɛ ehaji ya ango okuna babukwɛ ba Zɛluzalɛmi. Ya bango bakwa Za wa kombo te Maliki ihuwanaka bango na ango.

Bemba 19:22

Ya ango aloma bya Masedoni Timɔte na Elasiti banyamwakasa ango, nde amɛnɛ ahisa mwa elɔmɔ bosiki bya njɛnja mɔngɔ ya Azi.

Bemba 19:29

Etafɛlɛ yahajɛ ya kota ngumba. Ya bango bakwa Ngayusi na Alisutasi bato baba, ba Masedoni bahucɛkɛsɛ Pɔli o macɛhi, ya bango balwa na hunla bya elongwɛ ya inɛnɛ ya etafɛlɛ ya bato basɔnɔkɔsɔ.