Bemba 13:16 - Kota Kiwoyeti (koq) NT Portions

¹⁶ Okate Pɔli te ayemwa, na simɛce na obɔ ya ango asɔhɔ te: «Bana ba Izahɛli na bihi balɔngɔ Zambe, biyoka!

Bemba 13:16 ပူးပေါင်းရင်းမြစ်များ

Bemba 12:17

Okate abeka bango ɔbɔ te, jaka wayɔ, na ongo itandaka bango nda Ku apojɛ ango o njɔkɔ te: «Tandaka na Zaki na bana nyangwɛ bamɛ.» Ya ango apunda na ilwaka iyate isi.

Bemba 13:26

Bana nyangwamɛ, bato ba buka bwa Abalami na bihi basiwasa Zambe, iyɔkɔ jɛ balomasa jango bya mini baji iyojɛcɛ mini.

Bemba 10:2

Ajasa moto wa hongololo, asiswakasa Zambe bango na buka bweji. Anyamwakasa metende mya buka bwa ba-Zufi, na ibɔndɔkɔ Zambe minyan mahajɛ.

Bemba 22:22

Lupu jayokasa Pɔli ngu boluma bwa bekana byɛ, nde jango jahajɛ japotanga te: «Lapɛce moto wɛ! Bomaka ango! Wɛ teka nyenija o hehe etɛ!»

Bemba 21:40

Ya nɛni mwa bahɔlɛ mwaloma ango isɔhɔkɔ. Pɔli tɛtɛ ukwa mako ma ingata, ya ango besɛ obɔ na lupu. Usɛ ya bango bakanga, ya Pɔli asɔhɔ na bango na ilɔngɔ ja ba-Ebele te:

Bemba 19:33

Iyate ngabo o lupu batandakasa jambo jɛ na Alɛkisandi, wa ba-Zufi bahizɛkɛsɛ bya mbiya. Alɛkisandi te abesɛ obɔ bweji, ahakakasa ikwaka iyɔkɔ na isɔhɔkɔ o boho bwa lupu.

Bemba 13:46

Okate ya Pɔli na Banabasi basɔho na bango na izemɛ te: «Yanyɛ batanda bihi boho-boho iyokɔ ja Zambe, nde bihi bebena jango, na bosina te bihi mɛnɛ bya angwa ayɛnɛ te bihi teka nyɛni ja na ndonga ya mbɛmbɛyi, ya bɛhɛ bakalwana bya bateka ja ba-Zufi baji.

Bemba 10:35

Nde o myɔngɔ mitɛ myahajɛ, moto asiswa Zambe ete abeka emba ya hongololo, ango aji mbɛ o boho bweji.

Bemba 3:12

Usya Pyɛli ayɛnɛsɛ nɛ, ya ango asɔhɔ na lupu te: bihi bato ba Izahɛli byayɛnɛ ngambala emba yamu yekana yɛ, ya byata bɛhɛ nɛ nde bya tɔkɔ te moto otɛ amujonga na tuma aho kate na pizo na ibukwɛ jaho na Zambe?.

Bemba 2:22

Bihi bato ba izahɛli, yokakayi mayɔkɔ mamatanda bihi matɛ! Zambe, ehɛlɛ bihi mombo te Zɛzi wa Nazalɛti ajasa, moto wa amɛnɛ alomasa bosina te ango awɛ Zɛzi tuma ya ibekaka mayambala na mandembo na bemba bya ngambala opanga bihi, etɛ ya bihi mɛnɛ bayeba,

Bemba 2:14

Ya, Pyɛli te ayemwa bango na batɔtu jonwu na mɔkɔ ya ango akwa te iyɔkɔ na ibesɛcɛ ekɔlu, ya ango asɔhɔ na lupu te: «Bihi, ba Zudeyɛni, na bihi bahajɛ baji o Zɛluzalɛmi, jibwaka malɔ, yokakayi o bweji emba ya mangu sɔhɔkɔ na bihi.

Itundu dja mbɛ dja Luk atanda 1:50

Cɛyi eji yalandanga o menkola na menkola na bato basiswa ango.

Itundu dja mbɛ dja Luk atanda 23:40

Ya onɛ awɛ ango masicɛ na neji na isɔhɔkɔ te: «Na nɔbɛ molɔnge Zambe? ɔbɛ ayɛnɛ mezuku nda eji.

Itundu dja mbɛ dja Luk atanda 1:22

Usya ango apwasa mujasa minɛ na pizo ya isɔhɔkɔ na bango, bayebasa te eyɛnɛ jɔtɔ bya o elongwɛ ya Zambe, asɔhɔkɔsɔ bosimɛcɛ nda nkina.