2 Timote 3:15 - Kota Kiwoyeti (koq) NT Portions

¹⁵ Oyebakasa Mangwɛli ma Pu oneci waza, mango menyeniwɛ ɔbɛ bokombo bwa ikumɛcɛ ndonga na ibukwɛ na Zɛzi Kilisitɛ.

2 Timote 3:15 ပူးပေါင်းရင်းမြစ်များ

Itundu dja mbɛ dja Luk atanda 24:45

Okate, ya ango awɛ bango bocɛngu bwa iyebaka Mangwɛli ma Zambe,

Itundu dja mbɛ dja Luk atanda 24:27

Okate, ya ango alazɛkɛsɛ bango bemba byahajɛ bya ba kwɛlɛsɛ na bosina bweji, o Mangwɛli mahajɛ ma Zambe, ya tasɛsɛ o babuku ba Moyizi, na ihukwanaka o babuku ba mentɔci.

2 Timote 1:5

Mango ayebwa ibukwɛ ja mombo jaji na nɔbɛ, ibukwɛ mɛnɛ jajasa na kɔkɔ ɔbɛ wa mwehito Loyisi na nyɔngwɛ Enisi boho nɔbɛ. Mango abukwɛ te ibukwɛ mɛnɛ jajɛ na nɔbɛ.

Itundu dja mbɛ dja Luk atanda 2:40

Mwana abwatakasa na ijelaka, ajasa humɔn na bokombo, bondonga bwa Zambe bwajasa ukwa eji.

Bemba 10:43

Mentɔci myahajɛ myasɔsɔ ukwe eji te: moto nde moto aji na ibukwɛ na neji beyɛnɛcɛ cɛyi ya mesɛmbɛ myeji.»

Itundu dja mbɛ dja Luk atanda 24:32

Ya bango basɔhɔ o panga ango te: «Yamuja na emba ya nda weya, yamuyongaka o melema mya mini, usya ango amuja isɔhɔkɔ na mini na pɛyi, na ilazɛcɛ mini Mangwɛli ma Zambe.»

Bemba 17:2

Nda ibonwu jeji, Pɔli alwakasa bimɛnɛ. O minyan mahanto ma mayɔkɔ ma ba-Zufi, Pɔli abanda icɛcɛ na bato bajasa usɛ na mangwɛli.

Bemba 13:29

Usya bahijɛsɛ ibekaka bemba byahajɛ bya bakwɛlɛsɛ ukweji, bahulwɛ ango ukwa kuluwa na ihujɛcɛ ango o ehanda.

Itundu dja mbɛ dja Luk atanda 1:15

bosina te abijaka njazi munɛnɛ mwa Ku wa mini. Mwaji wan maku nde maku, ejaka humɔn na Ekokoyi ya Pu aneci o mwɛnyi mwa nyangwɛ.

Bemba 16:1

Pɔli apwa bya etafɛlɛ ya Dɛlibi, na ya Lisitɛ. Usɛ ya ajasa na yokwɛ wa jinɔ te Timɔte, nyangwɛ ajasa mwehito wa Zufi, ajasa na ibukwɛ na Zɛzi, nde hangwɛ eji ajasa ngɛlɛki.

Bemba 26:24

Usya Pɔli akwakasa ngamo eji na njanga mwɛ, ya Fesetusi apota yoce te: «Pɔli, ɔbɛ eboci! Iyeba jɔbɛ jawɛ ɔbɛ boboci!»

1 Timote 4:13

Boho na imɛ iyaka, kangamaka ilangaka mangwɛli o boho bwa moto wahajɛ, isomɛcɛ na ihɛlɛcɛ bango maheya.

2 Timote 1:1

Imɛ Pɔli, wa ntɔtu wa Zɛzi Kilisitɛ nda Zambe amuhaka, itandaka ndonga ya ango asinjɛsɛ yaji na Zɛzi Kilisitɛ.