2 Timote 2:7 - Kota Kiwoyeti (koq) NT Portions

⁷ Yokaka obwɛji bya masɔhɔ. Ku ewɛce ɔbɛ bocɛngu bwa bemba byahajɛ.

2 Timote 2:7 ပူးပေါင်းရင်းမြစ်များ

Zaki 1:5

Wɛnɛ moto opanga bihi aje hamama bokombo, ahimwace bwango na Zambe, na Zambe ewɛcɛ ango. Bosina te Zambe awɛ na bato bahajɛ na bokɔdu teka masicɛ.

Itundu dja mbɛ dja Luk atanda 24:45

Okate, ya ango awɛ bango bocɛngu bwa iyebaka Mangwɛli ma Zambe,

Zaki 3:17

Nde bokombo bwa iko bwajɛ bohoboho pu, onyate mɛnɛ itabu, na bokungu, na ihangwɛcɛ, na cɛyi ya buce, na bebuma bya mbɛ, bwajɛ teka myalalo na ipɔpi.

1 Timote 4:15

Ngwɛnɛ bemba byohujɛcɛ o nlema mwɔbɛ, ngwɛnɛ bya onyenikangama na byango. Usɛ, byobekaka byenɛnɛcɛ o boho bwa moto wahajɛ.

Itundu dja mbɛ dja Luk atanda 21:15

Bosina te, mabiwɛcɛ bihi mayɔkɔ ma mbɛ na bokombo, bwa bapala ba bihi be jaka teka petwɛ na icɛcɛcɛ.

Bemba 7:10

Ya ango ayojɛ bango na mesuku. Zambe awɛ ango bokombo bwa isɔhɔkɔ oboho bwa falahɔ, wa Nkani mwa Ezipitɛ. Zambe abeka te ajace obweji oboho bwa nkani mwɛ, ango akajɛ ango nɛni mwa Ezipiti na bemba elɔngwɛ eji bya ahajɛ.

Zaki 3:15

Bokombo bwa njanga mwɛ bwayenge biko, bwajɛ bwa hehe, bwajɛ bwa bato mboka, na bwa jabulu.

Itundu dja mbɛ dja Luk atanda 9:44

«Jibwaka malɔ ma ikɔlokɔ bemba bya metandaka bihi, na ikɔlɔkɔ byango o melema. Bewɛcɛ Mwana moto o mabɔ ma bato.»

2 Timote 2:6

Na nkone mwajaza buce ajace moto wa boho ikwaka iyeji ngabo ya mambolo.

2 Timote 2:8

Yebwaka Zɛzi-Kilisitɛ, ayomwasa o malonga ajɛ moto wa buka bwa Davidi, nda itundu ja mbɛ ja matanda jitɛ jasɔhɔ.