2 Timote 2:16 - Kota Kiwoyeti (koq) NT Portions

¹⁶ Kozaka mayɔkɔ ma bwa, na ma teka konga na ibukwɛ, bosina te bayoka mango bepamakasa buce amɛnɛ na Zambe.

2 Timote 2:16 ပူးပေါင်းရင်းမြစ်များ

Titi 3:9

Nde benaka macɛcɛ ma bezayi-bezayi, na besɔhɔsɔhɔ ukwa ilanda ja bakɔkɔ ba bihi, bombanda na betɔbɔtɔbɔ ukwa jambo ja nceko, bya nɛnɛ bya teka wɛ na emba na emba.

1 Timote 6:20

Timɔte, kɔlɔkɔ obweji bemba bya ba wɛsɛ ɔbɛ. Kozaka mayɔkɔ ma bwa maji teka ibukwɛ, na imyate ma mempando myahɛlɛ iyeba ja obonda.

Titi 1:14

te bango teka hinjɛ bekɔkɔ bya bakɔkɔ bango bya ba-zufi, na ijaka teka hinjɛ mapeko ma bato bamubulɛ nkɔngɔ na bemba bya Mombo.

2 Timote 2:14

Ngwɛnɛ emba ya oyebwaka bango na itandaka na hun o boho bwa Zambe ijaka teka beka macɛcɛ ma bekana bya bezayi-bezayi, bosina te mahizɛ bato bayoka mango o bototola.

Titi 1:11

Jibɛcɛ bango mehonko, bosina bwa bango bajɛ bohemaka matona ma mentula na ihɛlɛcɛ maheya ma teka nyenihɛlɛ, babeka nɛ bosina bwa bango bekumɛcɛ balɔlɔ.

2 Timote 3:13

Nde bato bibobe na balungu, behukwanakasa ibekaka bemba bibebe, belungakasa banɛ na manyo mango amɛnɛ.

1 Timote 4:7

Nde faka besika bya bwa byahema ibukwɛ, besika bya mentolu mya bahito batandasa. Yokwɛcɛ ijaka kanganga na Zambe.

1 Timote 1:9

Yebakayi te: bata beka nceko na bosina bwa bato ba hongololo, nde na bosina bwa bato bibebe na baji menvu, baji bwa na baji na mesɛmbɛ, na baji teka siswa Zambe, baji teka siswa Zambe na bemba bya pu, na baboma hangwɛ ice nyangwɛ na mebomani,

2 Timote 2:21

Wɛnɛ moto akungwa nyo na bemba bibebe bya mamutanda byɛ, ejaka kɛkɛ wa babanda o belɛsi binɛnɛ: ejaka ka wa Lɔnji amɛnɛ, ejazaka ka ango, ngwɛ o bemba bya mbɛ byahajɛ.