2 Timote 1:8 - Kota Kiwoyeti (koq) NT Portions

⁸ Teka yɛnɛ hɔyi itandaka jambo ja Ku wa mini, teka yɛnɛ hɔyi na namɛ, imɛ wa njoko mweji. Nde himɛcɛ iyɛnɛcɛ menzuku na namɛ bosina bwa itundu ja mbɛ, na tuma ya Zambe.

2 Timote 1:8 ပူးပေါင်းရင်းမြစ်များ

Itundu dja mbɛ dja Luk atanda 9:26

Moto nde moto eyɛnɛcɛ hɔyi na namɛ, na mayɔkɔ mamɛ, na namɛ wa Mwana wa moto mabiyɛnɛcɛ hɔyi neji, usya meyaka na kuma amɛ, na kuma ya Zambe Hangwɛ amɛ na bangɛlɛ ba pu.

Bemba 5:41

Ya batɔtu bamanya yumbu ya inɛnɛ ya ba-Zufi. Baje na cɛmbo na bosina te Zambe eyɛnɛ te yaje mbɛ te bapazɛcɛ bango na bosina bwa jinɔ ja Zɛzi kilisite.

1 Timote 2:6

Amuwɛ nyo eji amɛnɛ uwela ipokwaka moto wahajɛ. Yɛ njiki ya Kilisitɛ ahɛlɛsɛ o elɔmɔ ya Zambe amɛnɛ asinjɛsɛ.

2 Timote 1:10

amuhɛlɛ mini yango osatɛ, usiya Yonji mwa mini Zɛzi Kilisitɛ amupwa. Ango amuhijɛ tuma ya ilɛlɛ na itundu ja mbɛ, ahɛlɛ ndonga mbɛmbɛyi.

2 Timote 1:12

sina mɛnɛ ya mayɛnɛ menzuku mitɛ. Nde mayɛne hɔyi, bosina te mango ayeba wa mabukwɛ, usɛ mango abukwɛ te Zambe angwɛ na pizo ya ikɔlɔkɔ ehaji ya ango amuwɛ mɛ ngu na buya bwa Zɛzi elumyaka.

2 Timote 1:16

Te Ku awɛce bondonga bweji na buka bwa Onesifɔli, bosina te adambahulɛ mɛ nlema mwayɛne hɔyi amɛ bosina bwamaji o njoko.

2 Timote 2:3

Yɛnɛcɛ menzuku na namɛ, nda hɔlɛ mwa hongololo mwa Zɛzi Kilisitɛ.

2 Timote 2:8

Yebwaka Zɛzi-Kilisitɛ, ayomwasa o malonga ajɛ moto wa buka bwa Davidi, nda itundu ja mbɛ ja matanda jitɛ jasɔhɔ.

2 Timote 2:9

Bosina bwa itundu ja mbɛ jitɛ yango ya mayɛnɛ menzuku etɛ na ijaka na minga mya belenga nda mbɔnwu. Nde iyɔkɔ ja Zambe jajɛ hamama na minga mya belenga!

2 Timote 4:17

Nde Ku anyamwasa mɛ na iwɛcɛ mɛ pizo, isi mɛnɛ ya matandakasa buce iyɔkɔ jeji, na ibekaka te bateka ja ba-Zufi bayokace jango, etɛ mɛnɛ yango apokwasa mɛ o honko mwa engongo.

2 Timote 4:5

Nde ɔbɛ, jaka ngwɛ o bemba byahajɛ, mbendebaka menzuku, jazaka obwɛji ehaji ɔbɛ ya itandaka Itundu ja mbɛ, na ijazaka ehaji ɔbɛ ya njazi mwa Zambe ngu boluma.