1 Timote 5:17 - Kota Kiwoyeti (koq) NT Portions

¹⁷ Bakombo bakɔkɛ buka bwa babukwɛ obweji bangwɛ na ihimaka bango na mangabo mamba iyekaka banɛ, buce-buce baji na ehaji ya buji itandaka iyɔkɔ na ihɛlɛcɛ maheya.

1 Timote 5:17 ပူးပေါင်းရင်းမြစ်များ

Itundu dja mbɛ dja Luk atanda 10:7

Djakayi o Elongwɛ yɛ, wanka, na ijaka bemba byabewɛcɛ bihi. Bosina te, moto amujaza ango wa bahuta. Teka lwa o belongwɛ byahajɛ.

2 Timote 2:6

Na nkone mwajaza buce ajace moto wa boho ikwaka iyeji ngabo ya mambolo.

Bemba 28:10

Bato bahajɛ basiswakasa bɛhɛ buce, usya bɛhɛ bahakamasa o embongo ilwaka, bawɛ bɛhɛ bemba buce bya bɛhɛ balwakasa na byango.

Bemba 11:30

Babekasa nɛ: ya bango baloma balɔlɔ bɛ na Banabasi, na Sɔli iwɛcɛ na bakombo.

2 Timote 4:2

tandaka iyɔkɔ ja Zambe na hun, o belɔmɔ bya mbɛ ice bya bobe, lengwɛcɛ usiya ohɛlɛ bango, bekaka te bato bahimɛce jango, wɛcɛ bango masicɛ, na isomɛcɛ bango.

1 Timote 4:16

Ɔbɛ mɛnɛ jaka na bocɛngu na o maheya mɔbɛ. Jaka kanganga o bemba byɛ. Ice obeka nɛ, oyonjɛcɛ nyo ɔbɛ amɛnɛ na bayoka ɔbɛ.

1 Timote 3:5

Bosina te, moto teka ja na ngwiji ya ikɔkɛcɛ itona jeji amɛnɛ, elongaka buka bwa babukwɛ ba Zambe na?

1 Timote 4:10

Okate, wɛnɛ minajaza buce, na inyanyaka, yangujakɛ bosina bwa minahujɛ ilela na Zambe aji na ndonga, wa Yonji mwa moto wahajɛ, buce-buce babukwɛ.

Bemba 20:35

Ma mujehɛlɛ bihi bahajɛ te mina jazace inyamwaka metende, na iyebwaka emba ya Ku Zɛzi atandasa amɛnɛ te: “Yaje na mana buce usya owɛ banɛ mayeka usya bawɛ ɔbɛ!”»

Itundu dja mbɛ dja Luk atanda 12:42

Ya Ku aho ahungwɛ neji te: «Njazi mwa hongololo na bocɛngu za? Ango wa lɔnji mwasɔhɔ te, kɔlɔkɔ Elongwɛ, wɛcɛ minɛ menjazi mango mangabo ma maja o elɔmɔ ya bɔnhu.

1 Timote 5:3

Bongwaka menkuwɛ mya mombo na mabiya.

1 Timote 4:6

Wɛnɛ ohɛlɛ maheya mɛ na bana nyangwɛ, ojaka njazi mwa mbɛ mwa Zɛzi-Kilisitɛ, ohɛlɛcɛ te maja mɔbɛ iyɔkɔ ja ibukwɛ na maheya momuhinjɛ obwɛji.

1 Timote 4:14

Teka yebijɛ ngamo (lebyo) ya Ekokoyi ya Pu yoji na yango, ya omukwa usiya mentɔci myasɔhɔsɔ, na bakombo ihacɛcɛ mabɔ mango ukwa ɔbɛ.

1 Timote 5:19

Teka himɛ bombete ukwa kombo, yanyɛ bwa ja na bakɔbɛ baba ice bahanto isiliyɛkɛ.