1 Timote 5:10 - Kota Kiwoyeti (koq) NT Portions

¹⁰ ya nyɛ bayeba ango na bemba bya bɔnwu bya ango abeka: anɛnɛ bana obweji, alonga mencɛyi, apubɛ mako ma babukwɛ, anyamwa baji o mezuku, abeka te na bemba bya mbɛ byahajɛ.

1 Timote 5:10 ပူးပေါင်းရင်းမြစ်များ

1 Timote 6:18

Tandaka bango ibekaka mbɛ, bajace menkumani na bemba bya mbɛ, bajace ngwɛ ikabaka bemba na banɛ.

Titi 3:8

Iyɔkɔ jɛ ja mombo. Mahaka te okangamace buce na jango, bosina bwa bato babukwɛ Zambe bahujɛce melema ibekaka bemba bya mbɛ. Ngwɛnɛ emba ya mbɛ na bondonga ya moto wahajɛ.

Bemba 9:36

Bya Zope, yajasa na Yokwɛ, wa mwehito, wa jinɔ te Tabita nda ibonwu ja ango babangakasa ango te, Dɔkasi. Abekakasa bemba bya mbɛ, na inyamwaka mentende.

Titi 3:1

Yebwaka babukwɛ te bahimace bakɔkɛ bango na menɛni, te basiswace bango, bajace ngwɛ ibakaka bemba bya mbɛ byahajɛ.

Titi 2:7

o bemba byahajɛ. Ɔbɛ mɛnɛ o bemba byahajɛ bya obeka hɛlɛcɛ ehezango ya mbɛ, na maheya ma pu, ma bahima.

2 Timote 3:17

bosina bwa moto wahajɛ wa bamutɔkɔ abukwɛ ejaka na tendo ya ibekaka bemba bya mbɛ.

Itundu dja mbɛ dja Luk atanda 7:44

O mbya mɛnɛ ya ango akalwana bya mwehito aji, na isɔhɔkɔ na Simɔn te: «O yɛnɛ mwehito otɛ? Usya mamukweya o elongwɛ ɔbɛ, ɔbɛ teka wɛmɛ nso mwa ipubɛcɛ imɛ mako, nde ango apubɛmɛ mako na mahanga meji, na ikungwaka mango na huwe eji.

Titi 3:14

Yanyɛ te na ba mini bayokwɛce ibekaka obwɛji bemba bya mbɛ, bosina bwa bango bejaka na mahuna ma mbɛ, na ijaka teka beka bemba bebeke-beke.

Titi 2:14

Awɛ nyo eji amɛnɛ bosina bwa mini, ipokwaka mini na bemba bya ibebe, abekasa mini lupu jango amusɛmuyɛ, lupu jejaka ijeji amɛnɛ, jaji ngwɛ ibekaka bemba bya mbɛ.

Itundu dja mbɛ dja Luk atanda 7:38

Atɛmɛ te ombya Zɛzi, o kuna mako meji, usɛ, ango te angweya na isibɛcɛ mako ma Zɛzi na mahanga meji. Ya ango akungwa mango na huwe eji. Ya ango asimbɛ mango, na ihowaka ango indemba o mako.

2 Timote 3:15

Oyebakasa Mangwɛli ma Pu oneci waza, mango menyeniwɛ ɔbɛ bokombo bwa ikumɛcɛ ndonga na ibukwɛ na Zɛzi Kilisitɛ.

2 Timote 2:21

Wɛnɛ moto akungwa nyo na bemba bibebe bya mamutanda byɛ, ejaka kɛkɛ wa babanda o belɛsi binɛnɛ: ejaka ka wa Lɔnji amɛnɛ, ejazaka ka ango, ngwɛ o bemba bya mbɛ byahajɛ.

2 Timote 1:5

Mango ayebwa ibukwɛ ja mombo jaji na nɔbɛ, ibukwɛ mɛnɛ jajasa na kɔkɔ ɔbɛ wa mwehito Loyisi na nyɔngwɛ Enisi boho nɔbɛ. Mango abukwɛ te ibukwɛ mɛnɛ jajɛ na nɔbɛ.

1 Timote 5:25

Etɛ mɛnɛ bemba bya mbɛ, banjiyɛnɛ byango osatɛ, na bya baji teka yɛnɛ osatɛ, byakusija uswɛ.

1 Timote 2:10

Nde bahɛlɛce bongɔndɔ bwango na bemba bya mbɛ bya bango babeka, nda bahito batandasa te bango ahinjɛ pɛyi ya Zambe obweji.

Bemba 22:12

Usɛ, yajasa na moto wa jinɔ te Ananyasi ajasa hongololo na Zambe na nceko Moyizi, ba-Zufi bahajɛ bajakasa bya Damasi banɔnɔkɔsɔ ango obweji.

Bemba 10:22

Ya bango bahungwɛ neji te: «Kɔnɛli wa nɛni mwa bahɔlɛ sini, aje moto wa hongololo, asiswa Zambe wa ba-Zufi bahajɛ ba atanda ntandu mwa mbɛ ukwa eji. Ngɛlɛ wa Pu Zambe awɛ ango masicɛ te abangace ɔbɛ bya mboka eji iyokaka embe ya otandaka ango.»

Bemba 9:39

Pyɛli te ayemwa na ilwaka bango na ango. Usya ango apundasa ya balwa neji ikutu ja indɛki. Ya menkuwɛ myahajɛ myaya ikubaka ango na makɔndɔ, na ihɛlɛcɛ ango bepululu na mengɔhu mya Dɔlikasi alatasa bango usya ango ajasa teka biwa.

Bemba 6:3

Mwana nyangwɛ amɛ, bɔnɔkɔ opanga bihi, bato nanyi na hanto baji na bejɛmi bya mbɛ o panga bihi, humɔn na Ekokoyi ya Pu na bokombo, mine wɛcɛ bango ehaji ya ikabaka maja.

1 Timote 5:16

Wɛnɛ bukwɛ wa mwahito ajɛ na menkuwɛ o itona jeji, anyamwace myango amɛnɛ, bosina te ango teka jika byɛlu byɛ na buka bwa babukwɛ, na bosina bwa ijikaka buka bwa babukwɛ, inyamwaka menkuwɛ myaji myamɛnɛ.

1 Timote 3:7

Ya nyɛ bato baji teka ja bakelete basiswa ango, bosina te batoko byaza ango na ituwaka ulambo ja satan.

1 Timote 3:2

Ya nyɛ moto akɔkɛ buka bwa babukwɛ aja teka masicɛ, aja na mwaji mɔkɔ, boyimbo, na matemange ma mbɛ, mabiya, anyɛnyi hɛlɛ maheya obweji.