1 Timote 4:16 - Kota Kiwoyeti (koq) NT Portions

¹⁶ Ɔbɛ mɛnɛ jaka na bocɛngu na o maheya mɔbɛ. Jaka kanganga o bemba byɛ. Ice obeka nɛ, oyonjɛcɛ nyo ɔbɛ amɛnɛ na bayoka ɔbɛ.

1 Timote 4:16 ပူးပေါင်းရင်းမြစ်များ

Titi 1:9

Ajace kanganga o Iyɔkɔ jaji ngu na ibukwɛ nda bahɛlɛsɛ ango. Okate, abijaka na pizo ya inyamwaka bato isiswaka Zambe, na ipwɛcɛ o iyɛhɛhɛ bemba bibebe bya bato baji teka nɔnɔ maheya meji.

Titi 2:7

o bemba byahajɛ. Ɔbɛ mɛnɛ o bemba byahajɛ bya obeka hɛlɛcɛ ehezango ya mbɛ, na maheya ma pu, ma bahima.

2 Timote 4:2

tandaka iyɔkɔ ja Zambe na hun, o belɔmɔ bya mbɛ ice bya bobe, lengwɛcɛ usiya ohɛlɛ bango, bekaka te bato bahimɛce jango, wɛcɛ bango masicɛ, na isomɛcɛ bango.

2 Timote 3:14

Nde ɔbɛ, jaka kanganga na bemba bya omuyɛkɛlɛ na iyebaka te byajɛ bemba bya mombo, na iyebaka amuhɛlɛ ɔbɛ byango.

Itundu dja mbɛ dja Luk atanda 21:34

«Dzaka na bocɛngu bihi mɛnɛ! Bosina te, melema mya bihi mya toko jila na iyɔtwɛ, na matemange ma mɔngɔ, bosina te, buya bwɛ bwatoko ya bihi teka yeba.

1 Timote 4:6

Wɛnɛ ohɛlɛ maheya mɛ na bana nyangwɛ, ojaka njazi mwa mbɛ mwa Zɛzi-Kilisitɛ, ohɛlɛcɛ te maja mɔbɛ iyɔkɔ ja ibukwɛ na maheya momuhinjɛ obwɛji.

1 Timote 1:3

Nda mabɔndɔsɔ ɔbɛ usya malwasa bya etafɛlɛ ya Masedoni te ihisaka bya etafɛlɛ ya Efɛzi ihimbaka bato teka hɛlɛ imate maheya ma obonda.

2 Timote 2:10

Yango ya mambendeba byahajɛ na bosina bwa bato ba Zambe amubɔnɔ, bosina bwa bango bekumɛcɛ ndonga ya yenga bya Zɛzi Kilisitɛ aji, na kuma ya mbɛmbɛyi.

Bemba 6:4

Ete bɛhɛ bejaka kanganga o haji ya mebɔndu na itandaka iyɔkɔ ja Zambe.»

Zaki 5:20

yebakayi te alumɛ moto wa mesɛmbɛ o pɛyi ya bobe ya ango amuja, eyonjɛ ango na ilɛlɛ. Na mesɛmbɛ myeji myekungwana.

Titi 2:15

Ngwɛnɛ emba yotandaka na pizo ɔbɛ yahajɛ, isomɛcɛ bayoka ɔbɛ na iwɛcɛ bango masicɛ. Teka jika moto ibyazaka ɔbɛ.

Bemba 26:22

Nde, Zambe akangamasa ikambɛcɛ mɛ ngu na mwenhe. Maneci usatɛ na itandaka bemba bya mamuyoka na iyɛnɛcɛ, na basiki na bato banɛnɛ. Imɛ matande ibyate bemba ka bya mentɔci, na Moyizi batandasa te bye hulangaka,

1 Timote 4:15

Ngwɛnɛ bemba byohujɛcɛ o nlema mwɔbɛ, ngwɛnɛ bya onyenikangama na byango. Usɛ, byobekaka byenɛnɛcɛ o boho bwa moto wahajɛ.