TAITƆSI 3:8 - Yataa 'a Dɔbɛnɛ Nama

⁸ Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

TAITƆSI 3:8 ပူးပေါင်းရင်းမြစ်များ

MATIU 20:4

Mbɛ a‑a a fɔ an bɛɛ ye, a ɔ, ‘Wo wɛɛ, wo na, wo ni ta wai chɛ n 'na yadi ɔ. N mbe wo buɔdia pawa chɛ‑a wan wo a.’

CHƆN 12:44

Mbɛ Chisɔsi koɔ‑a gbankon, a ɔ, “Mɔ ɔ mɔ min mbe a kai fa‑a n na, a ma a kai fa ni n dɔndɔ gbe a, chɛɛ a‑a a kai fa Fa Yataa wɛɛ an na, min‑na n sɔ.

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHISƆSI 'A SƆ MƆƐ NU 12:15

Mbɛ mɔɛ chɛ n‑na a fɔ a ye, an dɔ, “I wooen fan mu.” Chɛɛ yɔn musu chɛ chii‑a wan a ma, mbɛ tea mu. Mbɛ an‑na a fɔ a ye, an dɔ, mbɛ Pita 'a maeka an nɛ.

GBOO DOMI KO A 4:5

Chɛɛ mmɔ mɔɛ yen bɛ, a e na a chɛ chɛ wai n ya, mbɛ an fan mbe a ya mɔ tandenɛ a, a ni a kai fa Yataa a. Mbɛ Yataa ɛ a yii na chii wan, an mɔɛ chɛ‑a a kai fa min chɛ a a. Ni an mɔɛ na‑a ko yama ma boo ɔ boo, Yataa ɛ a fɔ wan, a ɔ, a ma ko yama ma ni. Yataa ɛ an mɔɛ chɛ ya ka wan mɔ tandenɛ a.

GBOO FEAN BƆƐ KƆYINDI KO A 4:13

Yataa 'a gboo ɔ te, “N‑na n kai fa Yataa a, an fɛ mu, n mbe bai chɛ sa.” A chia dɔndɔ gbe chɛ a, nn bɛɛ, nn na‑a bai sa wan, koe min na mu, nn bɛɛ kai faen mu Yataa an na.

Gboo Ɛfisɔsi Ko A 4:28

Mɔɛ min mbe kanka chɛ, a ma a chɛ to. Chɛɛ ɛ min ma, a ni a gboo be wai chɛ koe a. A ni wai chɛ tea chia a, a boo fea a. Chɛ an mbe a ma‑a, a bɔɛ chɛ nu, fen mbe ee miin boo ɔ, a ni kun basan koe an ma.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

1 TIMOTI 2:8

Ɛ n ta faa ɔ, mbɛ mɔ kaima nu kan kɔ kan an ni samunɛ chɛ Yataa tena. Ni an sin ma‑a a chɛ‑a, an tandenɛ ni ma, an faa ee tɛ, an mbe ee koɛ wɛɛ chɛ.

1 TIMOTI 5:10

Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

TAITƆSI 1:9

Ɛ ma mɔɛ an na, min danden mu tea sakana bai chɛ a, an‑na a kan min na. Chɛ an mbe a ma, a ni che kan chɛndɛ chɛ a, a ni chɛ n na ten, miin mbe kɔɔsa bia chɛ tena.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

TAITƆSI 2:7

A ɔ yian chia ɔ chia a, ko chɛndɛ ma ɔ, mbɛ mɔ chɛndɛ mu i a. A sin, ni i ma‑a kanɛ chɛ a, a yian mbɛ mɔ tandenɛ mu i a, basɔmaya ni ma i a kan chɛ ma.

TAITƆSI 3:1

A fɔ to an ye an ni don mansa n kɔɔ, a basan ya ɔ sɔɛ n na, an ni kooya be an ma, an ni an ma bɛn ko chɛndɛ ma koe a chia ɔ chia a.

TAITƆSI 3:14

A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.

FIDEMƆN 1:11

A kɔma a, mɔ a tenden nii ma a a i tena. Chɛɛ sanche chɛ ɔ, a ma gbɔsɔɛ ɛ wan mɔ fea gbɛɛ ma.

GBOO IBU MƆƐ N KO A 10:24

A sin, mmɔ yiinachii chɛ, mmɔ ɛ a ma buɛ min dɔ mmɔ ni mmɔ nyɔn deman, mbɛ mmɔ‑a ko chɛndɛ ma mmɔ nyɔn na.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.