TAITƆSI 3:7 - Yataa 'a Dɔbɛnɛ Nama

⁷ Yataa‑a chɛ ma, min mbe a ma, a ni mmɔ sɔ chia ma kuɔ fɔ fɔɛ ma sɔn koe a. Koe min na mu, a 'a koadia demanɛ ɔ, a‑a mmɔ ya mmɔ tandenɛ n na a tena.

TAITƆSI 3:7 ပူးပေါင်းရင်းမြစ်များ

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

MAKI 10:17

Chisɔsi‑a a kuu sɔ kɛn ta‑a, a bɔ an kaina chɛ, kamin dɔndɔ na‑a bui chɛ‑a, mbɛ a bea‑a a chen kɔɔ. Mbɛ a ɔ, “Ticha, i wɛn mu mɔ chɛndɛ a, n mbe fen ma, n ni kuɔ fɔ fɔɛ ma sɔn?”

GBOO DOMI KO A 11:6

Yataa 'a koadia demanɛ an‑na a ma, a‑a a boo sɔ an ma, ma koe a a ta mɔɛ n na. A ee mɔ ya i chɛ chɛ wai an ko a. A mu min na, ni Yataa ni mɔ ya a ta mɔɛ a, mɔ chɛ chɛ wai an ko a, mbɛ mɔ ɛ a yen, a ee mɔɛ chɛ ya tena koadia demanɛ ta fɛ chia an na.

GBOO DOMI KO A 3:24

Chɛɛ Yataa 'a chinchimaya an‑na a ma, a‑a mmɔ ya mɔ tandenɛ n na a chen kɔɔ. Ko kan kɔ kan dɔ gbɛɛ an ma a ma ni, a ni chɛ ma. A‑a chɛ ma koe min na, Chisɔsi Chasi‑a mmɔ kun ka wan mmɔ 'a ko yama n dɔ.

GBOO DOMI KO A 3:28

Mbɛ mmɔ‑a a ɔ yen gbɛ, mbɛ Yataa ɛ mmɔ ya dechee mɔ tandenɛ n na, ni mmɔ‑a mmɔ kai fa Chisɔsi a. Chɛɛ mmɔ ɛ bea min chɛ ka sawa chɛ fɛ, an mbe ee a ma, mmɔ ni ya mɔ tandenɛ n na.

GBOO DOMI KO A 4:16

Chɛ an fɛ mu, Yataa 'a tooɔdia chɛ, a kuu si‑a danaya an ma, Ebeami na‑a min chɛ a a. Yataa 'a tooɔdia chɛ ma fen dɔ mende a, chɛɛ a mu wai nyima chɛ an na, a na‑a min chɛ Ebeami cheeya n na. Cheeya chɛ nu, an ma dechee chɛ n fan na, miin boo a sien mu Mosisi 'a sawa n kɔɔ. Chɛɛ an mu wan chɛ n bɛɛ a, miin danden mu Yataa a, yɔ Ebeami na‑a dan buɛ min dɔ a a. Koe min na mu, mmɔ gbɛɛ bemba n ta bemba mu Ebeami an na, danaya ko a Yataa a.

GBOO DOMI KO A 4:4

Mɔɛ min mbe wai chɛ pawa ko a, ɛ pawa an ma sɔn. Mɔɛ 'a pawa ma ma ni, yɔ wai nyima, chɛɛ fenɛ mu a a, mɔɛ chɛ ɛ wai chɛ min ko a.

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

Gboo Kadesia Ko A 2:16

Chɛ gbɛɛ ɔ, mmɔ wɛn mu Chu mɔɛ n na, mmɔ ni a ɔ sɔn, mbɛ mɔɛ ɛ wai min chɛ, an mbe ee a ma, Yataa ni a ya mɔ tandenɛ a, a tena. Chɛɛ chɛ ɛ bɔ kai fa an dɔ, mɔɛ ɛ min chɛ Chisɔsi Chasi a. Chɛ ko a, mmɔ wɛɛ mmɔ‑a mmɔ kai fa Chisɔsi Chasi a, min mbe a ma, Yataa ni mmɔ ya mɔ tandenɛ n na, a tena, mmɔ 'a kaifa chɛ ko a. A ee bɔ wai an dɔ, sawa ɛ a ma, mɔɛ ɛ min chɛ. Koe min na mu, ni wai ta fɛ chia a mu, sawa ɛ a ma mɔɛ ɛ min chɛ, Yataa ee mɔ ɔ mɔ ya mɔ tandenɛ a, a tena.

Gboo Kadesia Ko A 3:29

A sin, ni wo e gbɛ Chasi an ko a, mbɛ wo mu gbɛ Ebeami cheeya n fan na. Wo wan yɛ‑a a gbaa a, tooɔdia chɛ ko a.

Gboo Kadesia Ko A 4:7

Chɛ ko a, yɔn ma to wo a, Yataa 'a denɛ mu gbɛ wo a. Wo sin ma‑a ka buɛ min dɔ a 'a denɛ a, a‑a dua miin sa tena ɔ bɛn a 'a mɔɛ n ko a, wo wan ta ɛ ma‑a an na.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

TAITƆSI 2:11

Koe min na mu, Yataa‑a a 'a koadia demanɛ ɔ yian, min mbe a ma, mɔ gbu gbɛɛ ni bauncha ma sɔn.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 1:14

Chɛɛ maeka chɛ n tana, Yataa‑a an sɔ, an ni na wai chɛ a ko a dunya ɔ. An ni basan mɔɛ chɛ n ma, miin mbe na‑a bauncha ma sɔn‑da.

GBOO IBU MƆƐ N KO A 11:7

Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

GBOO IBU MƆƐ N KO A 11:9

A na‑a a kai fa wan Yataa a, min na‑a a ma, a ni ma chɛnyɛ mɔ dɔ gbɛɛ a, chɛnyɛ ɔ, Yataa na‑a a too ɔ dia min na. A ni chi tɛndi kɔɔ wan, yɔ sonda. A 'a denɛ Aisaki wɛɛ, an fea a mama denɛ Chekɔpi a, an ni chi ka wan. An bɛɛ, an na‑a too ɔ dia dɔndɔ gbe chɛ an ma sɔn.

GBOO IBU MƆƐ N KO A 6:17

Chɛ an fɛ mu, mɔɛ chɛ nu, tooɔdia chɛen ni miin na, Yataa toen ni a ni a ɔ yian an na, mbɛ ɛ bai min fɔ, an mbe ma. A sɔnɛ chɛ ee a ɔ, bai fɔ koe a bi, mbɛ a‑a a ka a gba ɔ sinan. Chɛ an na‑a a ma, a‑a a kai, a da a bai kun ma.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

1 PITA 3:7

A chia dɔndɔ gbe chɛ a to, wo wan mɔ kaima n bɛɛ ni baa be wo 'a musu n ma. A ni ma wo yii ma, mbɛ wo ɔ gbɛ a ben an ma. Chɛɛ fɔɛ nama ta fɛ chia a, wo e min ma sɔn‑da, wo a kanden fan mu Yataa tena. Chɛ an fɛ mu, wo wo 'a musu n bia chɛndɛ chɛ, wo bɛ an mbe Yataa 'a koadia demanɛ chɛ ma sɔn‑da. Ni wo‑a chɛ ma, ko ɔ ko ee wo 'a samunɛ ka‑a a chia ma.