TAITƆSI 3:6 - Yataa 'a Dɔbɛnɛ Nama

⁶ Yataa‑a a ma, mmɔ‑a a Nyina ma sɔn gbama gbama a, Chisɔsi Chasi ɔ, mmɔ baun mɔɛ.

TAITƆSI 3:6 ပူးပေါင်းရင်းမြစ်များ

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

CHƆN 7:37

An bɛnɛ chɛ tee dankama ma, mɔɛ n 'na buɔdia bɔɛ, a kun tɛ tee ni an na. Mbɛ Chisɔsi‑a a kɔɔ sɔ, a koɔ‑a gbankon, a ɔ, “Mɔ ɔ mɔ min kanɛ a gbaaen mu, a mɔɛ chɛ ɛ na n fan tena, a ni a min.

CHISƆSI 'A SƆ MƆƐ NU 10:45

Pita n bɛ na‑a wan Chɔpa duu ɔ, an bɛ Chu mɔɛ n na, miin na‑a an kai fa Chisɔsi a. An da ɔ gbaa‑a wan, koe chɛ ɔ yen koe a. Mbɛ Yataa ɛ kun fan, a ni a ma, a Nyina ni ma mɔɛ chɛ n bɛɛ fɛ, miin ma Chu mɔ a.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO DOMI KO A 5:5

Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.

GBOO DOMI KO A 8:2

A mu min na, Chisɔsi Chasi 'a gbasaya ɔ, mmɔ kunɛ bɔ‑a ko yama 'a gbasaya ɔ, min mbe na saya a. Yataa Nyina min mbe fɔɛ chɛndɛ be, an‑na a ma chɛ ma‑a.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Ɛfisɔsi Ko A 4:2

Tima ɔ tima ko a, wo ni wo wandi ma yii, wo faa ma gbandia, wo sin ni wo faa bia. Wo wo faa bia wo nyɔn na. Wo e kun‑da wan koadia yian‑da.

1 TIMOTI 6:17

N toen mu i ni a fɔ chɛ n ye, miin nyanden mu dunya chɛ ɔ, an ma dɔpandaya bɔ, an sin ma an yii sɔ an 'na nyanɛ ma, fenɛ mu a a, min ma namaen mu. Chɛɛ an ni an yii sɔ Yataa an ma, min mbe fen kɔ fen be mmɔ ma, mmɔ 'a buɔdia ko a.