TAITƆSI 3:2 - Yataa 'a Dɔbɛnɛ Nama

² An ma bai yama sa mɔ ɔ mɔ ma, an ni an boo bɔ koɛ ɔ, an ni ma mɔ ma chimaenɛ n na, miin mbe basɔmaya be mɔ ɔ mɔ ma.

TAITƆSI 3:2 ပူးပေါင်းရင်းမြစ်များ

MATIU 11:29

Wo kooya be n ma. Wo ni n 'na kanɛ sɔn. N chinchinchaen mu, a yɛ to, n dɔ ma fasi ni. Ni wo puin‑da n chen gba ɔ, wo e suinɛ ma sɔn‑da wan.

CHISƆSI 'A SƆ MƆƐ NU 23:5

Mbɛ Pɔɔ ɔ te, “N suun ma nyɔɛ nu, n nii ma a ɔ sɔn ka, mbɛ an mu mmɔ 'a tɛ mɔ wa a Yataa tena. Koe min na mu, Yataa 'a gboo ɔ te, a ɔ, ‘Mɔ ee bai yama sa, a si i 'a mɔɛ n 'na mansa ma.’ ”

GBOO SAA KƆYINDI KO A 6:10

N mbe ee a fɔ, chɛ n bɛɛ, miin mbe kanka chɛ, ni miin fen ko yaen mu kaka. A yɛ to, gbɛ min mɔ wa an bɛɛ, ni miin mbe tɔ ɔ tɛ yama chɛ, an bɛ kafa tɔɛ n na. An dɔndɔ wɛɛ ee don‑da Yataa 'a mansaya kɔɔ.

GBOO SAA KƆYINDI KO A 9:19

Chɛ ɛ a ɔ yian fan, mbɛ mɔ ɔ mɔ 'a yɔn ma n na. Chɛɛ chɛ gbɛɛ ɔ, n‑na n fandi ma yɔnɛ a mɔ ɔ mɔ ko a. Chɛ ni a ma, n ni na mɔɛ n gbɛɛ a, n mbe che na‑a miin na Chisɔsi Chasi tena.

GBOO FEAN BƆƐ KƆYINDI KO A 10:1

N fan Pɔɔ, n fan mbe ka wo disa tena. N fɛn mu ka, an dɔ, n ma chimaen mu, n mbe ma wo baima, n sin mbe wo bia wan chinchincha a. An dɔ, chɛɛ ni n ka‑a wo baima, n mbe wo bia wan faaakɔɔɛ a. N mbe wo disa tena, machimaya ɔ, a basan chinchincha a, Chasi ni min yian.

GBOO FEAN BƆƐ KƆYINDI KO A 12:20

N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Kadesia Ko A 6:1

N suun ma nyɔɛ nu Chasi ɔ, wo e a ɔ yen‑da wan, mbɛ mɔɛ ɛ wo tɛ ɔ, ko yama kun‑da min ma. Yataa Nyina ɛ wo wɛn sɔ tena wɛ chia chɛndɛ ma, wo tima ya, wo ni an mɔɛ chɛ sɔ chia chɛ ma. Wo wandi gbu wɛɛ, wo wo kun ma fɛn, wo yiima ma na mun, a ka an chia ma.

Gboo Kadesia Ko A 6:10

Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.

Gboo Ɛfisɔsi Ko A 4:2

Tima ɔ tima ko a, wo ni wo wandi ma yii, wo faa ma gbandia, wo sin ni wo faa bia. Wo wo faa bia wo nyɔn na. Wo e kun‑da wan koadia yian‑da.

Gboo Ɛfisɔsi Ko A 4:31

Faa yama gbɛɛ, faagbandia gbɛɛ, faatɛ gbɛɛ, wo wo boo bɔ an gbɛɛ ɔ. A yɛ to, gbonyɛ wa gbɛɛ, nyɔn ma bɔ wa gbɛɛ, ni toomaya wa, wo an boo ka.

Gboo Fiipai Ko A 4:5

Mansa Chisɔsi na tima ɔ ma yansan to. Wo a ma, mɔ ɔ mɔ ni a ɔ sɔn, wo faa chimaen mu buɛ min dɔ.

Gboo Saa Tɛsadonika Ko A 2:7

Sɔ mɔɛ mu buɛ min dɔ wo a Chasi ko a, nn ni kun fan boo fenɛ n ma kain‑da wo ma. Chɛɛ nn ni tima min na wo tɛ ɔ, nn‑na tima ya wan wo bia koe a. Wo maen fan ni nn tena yɔ denɛ n bɛ an de n na, an mbe bia chɛndɛ min chɛ an na.

1 TIMOTI 3:11

A musu n bɛɛ sɔnɛ a ni dondan, an ma tɔ ɔ tɛ chɛ, an ni ma basɔmaya tɔɛ n na, an tandenɛ ni ma ko ɔ ko ɔ.

1 TIMOTI 3:3

A ee gbɛ wa min, faagbandia tɔ ma a a, chɛɛ a ni ma mɔɛ a min faa chimaen mu, a ee koɔ yan. A sin, kɔpɔɛ wako ee a faa ɔ kaka.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

CHIMISI 4:11

N suun ma nyɔɛ nu Chasi ɔ, wo ma wo nyɔn ma bɔ. Mɔ ɔ mɔ min mbe a bɔɛ ma bɔ‑a, a ni kaa a tɛ a ma, a mɔɛ chɛ ɛ ma‑a ka sawa chɛ an ma bɔ‑a, Mosisi‑a min be. Ɛ ɛ ma‑a ka kaa a tɛ‑a an sawa chɛ an ma. Ni mɔɛ sin‑na kaa a tɛ sawa chɛ ma, mbɛ a ee ma‑a to a kɔɔ. Koe min na mu, a ban‑da ma‑a kaa a tɛ mɔɛ a sawa gbu ko a.

1 PITA 2:1

Chɛ an fɛ mu, wo wo boo bɔ ko yama ma gbɛɛ ɔ. Wo sɛmbɛ fania fɔ koe a. A yɛ to, wo sɛmbɛ ma koe a nɛnɛn fea ti n na. A sin, wo main chɛ kan kɔ kan boo ka, mbɛ wo sɛmbɛ‑a too koe a mɔ dɔ gbɛɛ n na.

1 PITA 3:10

Ɛ wan yɔ Yataa 'a gboo‑a min fɔ. A ɔ, “Mɔ ɔ mɔ min toen mu a ni fɔɛ ɔ daun, tee chɛndɛ yen sɔɛ ɛ min yii ma, a ni a boo bɔ bai yama sa ɔ, mbɛ a sɛmbɛ‑a fania fɔɛ‑a.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.

1 PITA 4:4

Sanche gbɛ sin, mɔɛ chɛ nu, miin ma an kai fa ni Chisɔsi a, an kɔndɔ fii‑a wo a. An‑na a yen, mbɛ wo ee bea tena to an fɛ, ben‑da mauma koe ma‑a, wo gbɔsɔ wɛɛ ma. Chɛ an mbe a ma tena, an mbe bai yama n sa tena wo ma.

2 PITA 2:10

A gbu sin mbe ma‑a ka wan an na, miin boo chɛenɛ ɛ ko tɛ ɔ, an sin gbɔsɔ ma, mbɛ Yataa 'a gbasaya ɛ wan nɔ. Fania kan chɛ mɔɛ chɛ nu, chianɛ ee ka miin ya a, an toen mu koe min na, an mbe an ma. An mbe ee basɔmaya be an ma, gbasaya ɛ miin boo ɔ banda bu ɔ. Chɛɛ an mbe an main fan.

CHUDA 1:10

Chɛɛ mɔɛ chɛ n tana, ni an ma koe min dɔ gbɛ ni, ma yɛn ma koe mu an tena, an sin mbe bai yama an sa a si a ma. An mbe wan dechee yɔ soe nu, koe min na mu, koe min mbe puin an yii ma, an mbe an ma. Koe n fan nɛ, miin mbe na kasaa a, an kun ma.

CHUDA 1:8

Mɔɛ chɛ n bɛɛ, miin na‑a mmɔ tɛ ɔ yɛdɛn, an mbe an ko dɔndɔ gbe chɛ n fan ma tena. An 'na yiinachii ɛ a ma tena wan, an mbe ban‑da don koe a Yataa da a kuiɛ kɔɔ. Ɛ a ma tena wan to, an mbe an fandi gbu gboo bia‑a yama yama, a yɛ to, an mbe maeka n main‑da.